ابى فزعتكم يابنات كويتيات ,,,,,,,,حق سفرتى لندن

[الكونتيسه]

هاى بنات

انا انشالله مسافرة لندن الصيف هذا وابى معلومات كافيه عن لندن

مثل مطاعم منتزهات ولاهم شىء الاسواق وخاصه فيه محلات مايعرفونها السياح حيل يمدحونها ابى كل شـــــــــــــــــــــــىء

عن عاصمه الضباب

وشكرا الكونتيسه​

 

[الكونتيسه]

ليش مافيه تفاعل

 

[اوملييتا]

اخ على لندن و علو جوها و سوقتها
اموت عليها حبوبة اي فندق حجزتي ؟؟قولي لي عشان اقدر افيدج اكثر بالاماكن القريبة منج

 

[*مارلين_مونرو*]

احم احم ..

شوفي حبيبتي ..لندن بالصيف حللوه بس عيبها كلها خليجيين و عرب ..
بس انا عندي احلى وقت حق لندن اخر اسبوع قبل بداية الدوامااات وااااااااي عذاااااااااب .. لـ وووو لـ

السوق :
1-شارع الاوكسفورد فيه كل الماركات العادية (( نيو لوك - 21 فوريفر - توب شوب -اتش اند ام - إلخ ... )) وفيه مجمعات مثل هاوس او فريجر إلخ ..
2- مجمع سلفريدج في الاكسفورد.. هذا فيه بوتيكات الماركات العالميه (( شانيل-برادا-ميوميو-ال في إلــخ )) .. وفيه ميكاب .. و ملابس .. وادوات منزليه .. وجمعيه .. بس هالمجمع مجمع ماركات .. وفيه سكشن فيه الماركات مثل (( موسكينو .. كوكاي .. مورجان إلخ ..))
3-بوند ستريت هذا مقابل للاكسفورد و يمتد لي البيكاديللي سيركس ... هذا نفس الشي كله بوتيكات ماركاات .. كل داعووس تلقين فيه بوتيك
4-في مجمع لونه اخضر موجود بالبوند ستريت نسيت اسمه والله بس تلقينه موجود فيه تحت اوتليت حق محل قوتشي ..
5-منطقة النايتس بردج : هذي المنطقة فيها مجمع هارودز (( ماركات عالمية )) و سالون ستريت هم بوتيكات و ماركات عالميه ..
6-في مجمع هارفي نيكولس بنفس المنطقة هذا بعد ماركاات وااايد حلو ورااقي ..
7- في مجمع يديد بس ماادري وين مكانه بالضبط بس اللي سمعته ان اكبر مجمع بلندن و تووه يديد سألي التاكسي او الفندق عنه ..
8- مجمع الكونز ويي هذا مجمع مافيه شي زوود يعني بس سينما و محلات عاادية و ينفع حق تمشي اذا ما عندكم شي تروحون له ..
9- الاوتليت (( بيستر فليج)) تروحين له بالقطار تقريبا ساعه و ربع .. فيه خصومات على بعض الماركات بربري .. ديور .. فرساتشي .. بس مو زووود ترى !!

المطاعم والقهاوي :
1- مطاعم النايتس بردج : سينيور ساسي , سكاليني ,مونبيليانو. بيلا ايتاليا كلها إيطاليه ..
2-مطعم بهارفي نيكولس .. بالفود كورت فوق حق السوشي ..
3-قهوة ريشو و قهوة بارك تاور بالنايتس بردج ..
4-قهوة 101 بالشيراتون ..
5-مطاعم هارودز اللي داخل كلها عذاااااااااااااااااااااااب .. البيتزا اللي على البار نسيت اسم المطعم و قهوة و دونات كرسبي كريم ..
6-مطعم وكافيه جوزيف في سلون ستريت عندهم روزيتوا عذااااااب..
7-مطعم سولت اند بيبر بظهر فندق مالينيوم بشارع سلون ستريت ..
8-ستاربكس و ربعها بكل مكان بلندن ..

ااااااااااااااه يا لندن ياااا حلاتج .. لـ وووووو لـ

الاماكن الترفيهيه :
1- الهايد بارك (( غنيه عن التعريف ))
2-الريجنت بارك (( كلها ورد و بحيرات وقوارب ))
3-مدام تيسو (( متحف الشمع )) ضروووري تروحون له ..
4-بيكاديللي سيركس بالليل توننننس .. فيها مجمع تروكاديروا كله العاب قيمز ..
5- السينمات بكل مكان
6-وفيه فيريس وول اكبر فيريس وول بالعالم تقدرون تركبونها صوب البيج بين ..

المناطق الخارجيه :
1-بورموث : منطقة ساحليه بيتش و بحر توننننس تروحين لها من الصبح و تردين بالليل تبعد ساعتين بالقطار عن لندن ..
2-بلاكبول : هم ساحلية و حلوه تقدرين تقعدين يومين فيها وساعتين جنه عن لندن ..
3-برايتون : ,,,,,,,,,,,,,,,,,,,,,,,,,,,,,, ......... نفس اللي قبلها ..
4-كارديف : منطقة بااارده و طبيعيه تووونس ..
5-مانشستر و ليفربول : واايد حلوين بعد ..

نصيحه نصيحه نصييييحه : لا تطبين اجواررود بالليل كله مسخره و لوووعت جبد .. الاجواء تلوووع الجبد فيه

 

[شمايخ]

احلى فندق الكمبرلاند وسلفردج ولايطوفج مجمع بلو وتر ترى عجيب

 

[bride collection]

حبيبتي اذا تبين شوبينغ روحي جم يوم بالقطار مانشستر

صج روعة