ابى مساعده

[حبيب قلبي]

بنات انا عندى مشكلة مع ريلى وهو انه يتحكم بلبسى وما نى عارفة اشلون اغير هالشي اهو يبينى البس العباة وانا ما ابى حاولت يمين ويسار ماكو فايدة وهالشي امسببلى مشكله نفسية حتى خواتى ما قاموا يطلعون معاى بسبب العباة ساعدونى بليز وبصراحة لم البسها احس انى جن وحدة مهمله بنفسها وجنى وحدة كبيرة شسوى قولولى

 

[حبيب قلبي]

مشاركة: ابى مساعده

20 عضوة بالمنتدى ومحد رد على

 

[سمسميه]

مشاركة: ابى مساعده

ليش مكبره السالفه حكوكو؟ بالعكس والله طيعي ريلج ولما يشوفج طايعته راح يخف عنج
وبعدين تقدرين اول ما توصلين المكان الي انتي رايحة له تقطين العباة وتكشخين
والله يهديكم ويؤلف قلوبكم ويسمح اموركم يا رب

 

[rayaan]

مشاركة: ابى مساعده

انا ما اشوفها مشكله

حاولي تقنيعينه بوجهة نظرج وناقشيه

أو

حاولي تقنعين نفسج فيها

 

[حبيب قلبي]

مشاركة: ابى مساعده

انا دايما اقوله انا مومقتنعة بوجهت نظرك ولا انت مقتنع بلى اقولة فالمشكلة مالها حل رضيت ولا انرضيت لابستنى لابستنى معنه ما كان جذية قبل

 

[أمواج البحر]

مشاركة: ابى مساعده

ما ادري يا حبيبتي لكني اشوفها شغله عاديه

يمكن انتي الحين مستصعبتها لكن لما تتعودين بتصير عندج شغله جدااا عادية

وبعدين معقولة خواتج ما يطلعون معاج عشاج العباية :/ شغله غريبه صراحة

واذا كانت العباة مقاسج بالضبط ماراح تكون مهتمله بالعكس انتي كشخي بلبسج اللي تحت

ان شاء الله تقتنعين بعد شنو تسوين هذا ريلج وما تقدرين تغيرينه

والله يصلح بالكم

 

[bnt_kwt]

مشاركة: ابى مساعده

طيعي ريلج
ترا يا اختي خواتج ما راح ينفعووونج لي زعل منج ريلج
بسبب انج مو حابه العبايه انا عندي مبدأ
اذا ريلي زين معاي بكل شي
ما تسوا السالفه اني ازعل علشان شي واحد اهو يبيه وما يأثر
واذا كان يبيج تلبسين عباية راس انا اشوف وايد بنات يلبسوونها
وتحتها احلى وارقى الملابس والله والشي الزين والكشخه
يعني لبسي عبايه الراس وتحتها كشخي
واذا العبي العاديه
فوالله انا ما البسها الا حق الدوام يعني اللي يكونون لف عرفتي
والملفع والجنطه والساعه يتغيروون وهالاشياء تكون كشختي فيهم حق الدوام
لا تكبرين الموضوع اختي وطيعي ريلج والله يهديكم ويصلح الامور بينكم

 

[نفيشه]

مشاركة: ابى مساعده

وانا نفسج ما كنت مقتنعه بس ترى السالفة فيها ارضاء لزوجج وراحة له
وترى الريال اللي ما يغير مو ريال
يعني شنو احسن يقول لج لبسي عباة ولا مثل حليمة بولند يسبل مرته الحمدلله والشكر والله انا يوم شفت الناس جذي قلت الحمدلله اللي عطاني ريال يغار علي
وفي عبي ترى اكشخ من البدل انتي لبسي الشي الراقي والجنطو والجوتي بعد واللفه بالعكس بيكون شكلج وايد مرتب وكشخة ومحترم بنفس الوقت

 

[الحياة]

مشاركة: ابى مساعده

بالعكس اهوه الحين اشوفه انه يحبج وااايد ويغار عليج بعد
يعني لو ما يغار عليج او يحبج ما كان قالج لبسي عباية
وبعدين الوحده لا كانت لابسة عباي تكون مثل الدانة متغطية بصدفتها
واهوه يبيج تكونين احلى دانه عنده
وعلى قولة خواتي لبسي تحت العباية اخر كشختج ولبسي بعد على الموضة ولما توصلين بيت اهلج او مكان يسمح لج انج تقطين عبايتج قطيها وطلعي كشختج كلها

اتمنى انج تطيعينه بهالكلمة وراح تفيدج العباية بالاخرة انشالله

 

[Maltesers]

مشاركة: ابى مساعده

ههههههههههههه ضحكتيني جنه وحده مهمله بنفسها !!

انه شخصيا البس عباية وتحت العبايه البس اللي ابي البسه وجم وحده يقولون لي انتي ليش تكشخين اذا ما يبين وكله تحت العبايه

بس يا حبوبه اللبس مو لازم تورينه كل اللي يسوا واللي مايسوا .. وجسمج أمانه من رب العالمين ولازم تحتفظين على هالأمانه وتسترين عليها مو تخلين كل العالم يشوفها ..

وانه مرة قريت كتاب كلماته اثرت فيني حيل .. شبهوا المرأة اللي تلبس العبايه باللؤلؤه واشلون المحاره تحفظها من الاشياء الخارجيه فتصير اللؤلؤة شي ثمين

وعكس هذا الحجر أو الصخر اللي طايح بكل مكان والكل يشوفه ومحد يهتم له


وريلج له حق عليج .. ومن واجبج تطيعينه ومالج شغل بخواتج

قوليلهم لكم دينكم ولي ديني .. وبالعقل حبوبه لبس المرأة الشرعي الحجاب وانه ما أقصد حجاب هالأيام اللي الرقبه كلها تبين

والعباية .. واللي الحين الناس قاعدين يلبسونه مو لبس اسلامي شرعي .. وصار عندنا بالكويت يشوفون اللي تلبس عبايه شي غريب واللي تهول بعمرها هذا المعتاد

يختي فساد

 

[سيدة الكويت]

مشاركة: ابى مساعده

شوفى انا قال لى زوجى لبسى عبايه تدرين قلت له شنو انا عيوز...هذا قبل يعنى

لكن سبحان الله انا الحين متمسكه فيها وايد وستر ولا تخلين الهندى والمصرى والزبال يطالعون جسمج...روحى للعمره مع زوجج وراح تحسين الدنيا ما تسوى شى ابدا والله...حتى المرءه اذا توفت بعيد الشر عنا وعنج تلف بعبايه يعنى راح نلبسنا بخاتمتنا وربى يحسن خاتمتنا
يعنى خلى الكشخه باللأستقبالات والمناسبات وللزوج كشخى ولا تقصرين ....تدرين عاد انا اصغر خواتى وانا البس العبايه عادى ما همونى اهم شئ رضا الله والزوج

 

[ياحلاتي قمر]

مشاركة: ابى مساعده

احلى شي ان ريلج مهتم فيج

مايبي احد يطالعج

وحلو لما تمشين مع ريلج بعباتج موقره مسترة

وشدعووووه خواتج هالقد يعني ما تعجبهم العبايه وما يبون يطلعون معاج
منو الي بيدخل الجنه والا النار

وطاعه الزوج واجبه

وفي عبي حلوه هالايام في العبي المخصرة << الي ما تخدم ولا تفيد

وفي العبي الحلو السنعه

وعاد انتي شكلي بالشيلات

والاكسسورارت مع الساعه الكشخه والجنطه الحلوه

خليه يشتريلج ساعه لما تلبسين العبايه

 

[شاديه]

مشاركة: ابى مساعده

من قال ان لبس العبايه اهمال بالعكس بعض البنات اللي لابسين العبايه سواء عبايه كتف او راس قمه الاناقه

العبايه تعطي انوثه

الانيق انيق سواء لبس العبايه ام بدله

 

[al7reyaa]

مشاركة: ابى مساعده

ابييييييييه منصجج امكبره السالفه خليه يقتنع ان لبسج وسيع ولا تلبسين بنطرونات واذا راكب راسه فكي روحج وترى اكو اعبي اتينن وايد كشششششششخه ولبسي العباة اذا دشيتي البيت وله الاستقبال قطيها واذا انتي بالسوق وله بمكان اشتري لج 2 عمليتين وله 3 مع ملافعهم اكو من طقة المشعل ومنيره الرفاعي اللي بقرطبه واماكن واااااايد.

الله يهدينا اجمعين يا رب العالمين .

 

[Dancing^Queen]

مشاركة: ابى مساعده

حبيبتي اذا ريلج شارط هالشرط ومسويه مشكله مالج الا انج تنتنازلين عقب ماتكونين حاولتي بكل الطرق وشفتي انه لامفر
شنو اتسوين بعد
بس ممكن اتكملينه قوليله تنازل وانا اتنازل يعني حل وسط في زوارات واشياء مالبس لها عبايه وفي اماكن البس لها عبايه هذا حل من الحلول
وبعدين في عبي اتزوغ اتهبل جنها بدل كشخه اللي تصير ويا شيلتها
لبسيهم موشرط عبايه موحلوه

 

[حبيب قلبي]

مشاركة: ابى مساعده

حبايبى مشكورين على الردود الى تبرد القلب اثرتوا فينى بصراحة اخت اخزان ضحكتينى والله على سالفة الساعة اصدقين المره اليايه بقوله لبس العباة بساعة هاهاهاها وانا البس العباة الى على الكتف زما البس الا الكشخة ولا قمت اصمم عبى حقى على ذوقى واطلع بطلعات بعد وبدوام الكل يسألنى عن عبى لان فيهم حركات حلوة وبسيطة وبنفس الوقت ما تخرب من رونق العباة عاد تصدقون لم البس العباة احس انى مرتبة على عكس البدلات بس الوحدة تحتاج تلبس وانا احس ان نظرت الناس تتغير لم تشوفنى بالعباة فى النهاية انا بشترى راحت بال ريلى وعسى الله يخليه لى اهو مو مقصر معاى بشى

 

[bnt_kwt]

مشاركة: ابى مساعده

اي صح انتي جذي اوكي
تشترين رضى ريلج وراحه بالج

 

[نفيشه]

مشاركة: ابى مساعده

الله يوفقج حبوية

قولي هذا الدعاء وايد حلو

وفكري فيه راح ترضين براي زوجج

اللهم اجعله لي كما احب
واجعلني له كما يحب
واجعلنا لك كما تحب

وعسى الله يعطيج على نيتج انشالله وهالشي سويه لله علشان تاخذين اجره
والريال خايف عليج من هالوقت وهالناس ترى وقتنا مو مثل قبل الدنيا امان وكل من عينه بالارض
راحت هذيج الايام والنفوس صارت مريضة

عسى الله يستر عليننا وعلى عيالنا وحبايبنا يارب

 

[امون حبيبة زوجها]

مشاركة: ابى مساعده

الله يوفقج انشالله والله انا اعرف وحده لايعه جبدها من زوجها تدرين ليش
لانه يقولها تمكيجي ولبسي بدل وخلي كل الناس تشوف جمالج تخيلي
اهي لايعه جبدها تقول مااحس انه يحبني لانه اللي يحب يغار حطي هلكلمه في بالج اللي يقولها خلي الناس تشوفج هذا مايحبها لانه هلناس فيهم رياجيل وهذول يخرعون هلرياجيل

بعدين حبيبتي انتي قالج عبايه اعرف ناس واجد يلبسون حريمهم نقاااااااب وعباية راس موكتف وعسل على قلوبهم لانها عارفه لومايحبها مايحميها من نظرات هلي بشوارع

وعلى قولة البنات العبي الحين مرتبه وحلوه وتظعف وترز مع الجنطه والساعه والاكسسورارت والله محد بيقول مهمله هذا اذا ماقالو ياحلات ذرابتها
وصراحه سالفة خواتج ؟؟؟؟؟؟؟؟؟؟؟؟؟؟؟ لاتعليق

 

[حبيب قلبي]

مشاركة: ابى مساعده

مشكورين خواتى على الردود الطيبة وجزاكم الله الف خير