ابيـــــــــــــــكم. ضروري !! :(

[Fashion]

بنات شنو تنصحوني كونسيلر حق دوام يومي
قاع استعمل كونسيلر كيورولان احس تعب منطقه الهالات وصارت غامجه اهو روعه بس موحق دوامي ويومي لانه ثقيل ابي كونسيلر زين ومابيه يخطط معاي وحدي متاذيهههه قاعده احوس ومولاقيه شيء وياريت الي تقول تكتب السعر معاه وشكرا !!!


وشرايـــــــــــكم بكونسيلر ماك تنصحوني فيه!!

 

[قمر بلادها]

بالنسبه لي شخصيا مجربه كونسيلر ايف سان لوران
شياكة وحلاوة القلم بالضغط رائع و يعطي اضاءه للوجه ويستخدم للعيوب الخفيفة جداً واستخده للأضاءة لما تحت العين .

 

[أدعج غنج]

هلا حبوبه تقدرين تسميني ملكة الهالات هههههه
بالنسبه للكونسيلر اللي من ايفسانلوران اللي حاطته العضوه ...ماااينفع خير شر .. اهو مجرد اضاءه لا أكثر ..ينفع للناس الرايقه اللي ما عندها هالات

أنا استخدم (الدبل وير من استيلودر) رووووعه كتغطيه وثبات ..وما اذكر السعر سامحيني
وعلشان المنطقه ما تتعب من كثر الكونسيلرات اللي استخدمهم ...قمت استخدم كونسيلر غارنييه والله انه رائع اهو علاجي بنفس الوقت ترا...رغم ان تغطيته مو ذاك الزود بس لازم بعد تخففين على عويناتج شوي ....وسعره يا بلااااش

 

[ReD&FoSHia]

انا محد جرب كثري كونسيلرات بدعت فيهم
احسن واحد للدوام غيرلان و بربري

 

[لعبة ايام]

للرفع :eh_s(17):

 

[*نمله كاشخه*]

انا بصراحه احلى كونسيلر جربته وواااااااااااااااايد حبيته شااانيل عجيب و ينن :*

 

[Tom ♥ Jerry]

,


تبين يومي آخذي كونسيلر غآرنيه آختي تستخدمه حق الجآمعه كل يوم تقول حلو
بس طبعا خفيف شوي مو مثل كريولاين ..
كريولاين مآركه قوية مآ تنفع حق استخدآم يومي .. خليها حق المناسبات
و كونسيلر مآك بعد حلوو وآيد يمدحونه و ميكب فور آفر يمدحون مآلهم بعد :*


:eh_s(22):

 

[Sparkle]

أنصحج بهل كريم العين من نيفيا بس يبيله أستمرار ويخفف من الهالات والخطوط تحت العين وهمن البطاط وايد زين




قبل لا توزعين الكونسيلر لازم توزعين كوريكتر(الكوريكتر أهوه كونسيلر ملون يصحح عيوب البشره) أخذي اللون البرتقالي أو المشمشي الوردي (ينباع عند ماك-كريولان-باليت ميك اب فورايفر-باليت جرافتوبين-بوبي براون)



أنصحج بهل كونسيلر من مكياج المنصور تغطيته فل كفر وسعره بدينارين ونص
اسمه LA Girl Pro Conceal Concealer
http://i1059.photobucket.com/albums/t426/AmberLikes/lagirlproconcealconcealer.jpg


وهذا تغطيته


وثبته اب بودرة لورا مرسيار الشفافه( البودره الشفافه بيضا بالعلبه بس تندمج بالبشره وتصير شفافه) ينباع هل ماركه عند محل Bloomingdales في مجمع دبي مول وبرا في أوربا والتاجره ميس هارودز توفره