ابيكم ترفعون معنوياتي ارجوكم

[حلم مذبوح]

السلام عليكم ورحمة الله وبركاته
اولشي اعرفكم بنفسي اختكم حلم مذبوح من البحرين
متابعة منتداكم من سنتين تقريبا وماشاء الله اارتاحت نفسيتي لكم اشوف تعاونكم وافكاركم
حسيت ان منتداكم هو المكان اللي ابي افضفض فيه واشاركم من دون تردد او خجل
انا اعاني مع زيادة الوزن كنت اظن شي مستحيل ان وزني ينزل بس الحمدلله حاولت ونزل وزني بس مو وايد تقريبا 5كيلو من اصل 120
حاليا احاول التزم بنظام وبعض الخلطات اللش شفتها في هالقسم بس خايفة ما اواصل لان عندي ضغوطات نفسية وايد وياما ابتديت بنظام او رجيم وهونت
تكفون مالي بعد الله غيركم انا وحيدة من بعد ماتزوجوا خواتي اللي اصغر مني هم اجسامهم متوسطة بس انا شاذة عنهم وحتى لما ابتدي نظام او رجيم يحبطوني يقولون شلج بهالخرابيط
انا محبطة ومنوياتي فالحضيض ابي بس من يشجعني وياخذ بيدي والعزيمة ان شاء الله موجودة
دعواتكم لي

 

[دبلوماسيه الحرف]

اممممم ليش ماتسوين تكميم حبوبه


الحين الكل سواها وانا مثلج اعاني من السمنه واذا سويت دايت

النفسيه تتعب انزل جم كيلوا بعدين اردهم دبلات

فقررت ارتاح اسوي العمليه اخر الشهر

واذا انتي عندج قدره على ضبط اكلج توكلي علئ الله وسوي الرجيم

وفالج الرشاقه ان شاءالله

 

[dnyay_mll]

اهلين حبيبتي
خلي عندج اراده ماتعبتي من السمنه
قولي من باجر بتبدين ريجيم واشتركي بقروب مع البنات في المنتدى وبتلتزمين ان شاءالله
ابدي بتخفيف
غيري عاداتج الغذائيه وخري عن الشبس والبيبسي والكاكاو واستبدليه بشبس الدايت وكاكاو الدايت
غيري الخبز الابيض بالتوست الاسمر والخبز الاسمر
والاجبان والحليب الكاملة الدسم بالخالية الدسم
والله الريجيم حلو والضعف احلى
انصحج تقرين موضوع قطوه ماذا بعد الريجيم موجود بالقسم موضوع رهيييب وبتستفيدين منه وايد وبيعطيج دافع انج تبدين بالريجيم باسرع وقت

 

[حلم مذبوح]

مرحبا خواتي
اشكركم من، كل قلبي
بالنسبة لعملية التكميم اكيد اهلي بيمانعون وثاني شي ماكو ميزانية
انا احاول التزم بالنظام وفعلا انزل كم كيلو بس من تتعب نفسيتي استردهم بسرعة

مشكورين وماقصرتوااشكر لكم اهتمامكم خواتي وانا ماشاركتكم الا لاني ابي اخطو خطوة جادة ومابي اتراجع

 

[namola_mtena]

مرحبا اختي
لاتسمعين كلام من يحبطج ويقولج اشلج اب هالخرابيط نصيحه استمري وراح ترتاحين صج انه الطريج صعب شوي بس كلنا فيه
والقروبات اذا تابعتي معاهم راح يعطونج حافز عشان تستمرين وبالتوفيق

 

[قفشة حلوى]

حبيبتي انا مثلج
تعبت من الرجيمات كل ما اسوي رجيم ارجع الي خسرته وفووقه جم كيلووو ليما حسيت نفسي خلاص جسمي ما يستحمل زياده اكثر
الحين سجلت مع دكتور تيوترشن ف السيف وايد صعب ف البدايه بس الحمدالله كلماله يصير اسهل

 

[حلم مذبوح]

اشكركم خواتي على التشجيع
وان شاء الله راح اواصل
اختي كفشة حلوى ياريت تعطيني تفاصيل اكثر وجم يكلف
وتدفعين المبلغ مرة وحدة والله اقساط
وشلون نظامهم
انا انتظر جمعية وابي اشوف يناسب ميزانيتي او لا
ومشكووورة وماقصرتي

 

[قفشة حلوى]

خيتوو الاشتراك فيه لمده سنه وفيه 6 شهور وفيه شهرين
طبعا انسب شي 6 شهوور الي انا اشتركت فيه ب 175 كل اسبوع الموعد ويعطيج نظام غذائي يختلف عن الي الاسبوع الي قبله بالاضافه الى بدله حراريه وكريمات وشاي وصابوونه واشيا جذي
نصيحه اذا ما بتلتزمين لاتسجليين مو بس عشان السعر لكن لانه يبي له اراد وياخذ وقت
اول اسبوع اصعب وفعلا صعب لكن نتايحه وايد حلوووه
رفيجتي خسرت 20كيلووه في شهرين ونص الحين قاعده تثبت وزنها

 

[حلم مذبوح]

هلا اختي
مشكوووووورة على الرد
ياريت تفيديني اكثر
بلنسبة للدفع المبلغ تدفعينه مرة واحدة ويكون شامل مع كل اللي ذكرتيه؟
اعرف وحدة اشتركتمع مركز تنحيف تدفع 400دينار غير الكريمات اللي لازم تشتريها منهم
ومشكوووورة اختي وماقصرتي وماعليج امر اذا عندج رقمهم ابيه
ربي يجزاج كل الخير

 

[قيثارةالشوق]

اب لعيووونج وخلج على اصرارج بالريجيم لانك انتي صح والله يووفقك وتصيرين رشيقه وتقهرين عذااالج

 

[عطاء أنثى]

الله يرزقج بالاراده القويه اللي تخليج تضعفين



مالج الا الدعاء ان الله يسهل لج امرج


واكلي اكل صحي

 

[قفشة حلوى]

هلا اختي
مشكوووووورة على الرد
ياريت تفيديني اكثر
بلنسبة للدفع المبلغ تدفعينه مرة واحدة ويكون شامل مع كل اللي ذكرتيه؟
اعرف وحدة اشتركتمع مركز تنحيف تدفع 400دينار غير الكريمات اللي لازم تشتريها منهم
ومشكوووورة اختي وماقصرتي وماعليج امر اذا عندج رقمهم ابيه
ربي يجزاج كل الخير

اختي اي شامل والدفع مره وحده اول ماتروحين
وحتى كل اسبوع لج موعد للوزن ويعطيج نظام غذائي تمشين عليه طول الاسبوع ولازم رياضه الي هي مشي ساعه او نص ساعه
دكتورنيوترشن في السيف 17564870
اذا حبيتي تشتركين خبريني عشان يكون اشتراكج عن طريقي بيخفضونج اعتقد 15دينار

شسمه المركز بو 400دينار؟

 

[((shoOoshoOo))]

الله يوفقج حبيبتي
صدقيني السالفه بسيطه بس تبي شويه وقت ..

احسن شي اخصائي تغذيه يتابعج

 

[حلم مذبوح]

السلام عليكم
تسسسسلمين اختي قفشة حلوى ماقصرتي
انا اتصلت اخذت موعد عند دكتور نيوتريشن
بكون شاكرة لج ان قدرتي تساعديني
موعدي تاريخ 17/4
كلمة شكر ماتوفيج حقج
الف شكر لكل من رفع معنوياتي واتمنى دعواتكم ليي بالتوفيق مع مركز نيوتريشن
اختي قفشة حلوى مركز بو اربعمئة دينار اسمه في ال سي
V lc

شكرا مرة ثانية للجمييييع

 

[حلم مذبوح]

تسلمون اخواتي وشكرا لرفع الموضوع
واولى تباشير دعواتكم ان تفاجات ان لي جمعية هالشهر كنت ناطرتها بشهر ستة
الحمدلله المبلغ تقريبا تامن
وان شاء الله ارادتي بتكون قوية بفضل الله ودعواتكم
شكراااااااااااااااا

 

[حلم مذبوح]

وينج اختي قفشة حلوى انتظر ردج

 

[قفشة حلوى]

امممم اسفه خيتي صار لي فترة ما دشيت المنتدى توني الحين استلمت الرساله ورديت
رحتي الموعد و لإ لا شصار؟

 

[حلم مذبوح]

هلا وغلا اختي قفشة حلوى
هالاسبوع ان شاء الله
يعطيج العافية
شاركينا فهالموضوع
http://www.q8yat.com/t1044014.html
نبي ناخذ من حماسج شوي

 

[om MaRyooM]

حبيبتي كل شي بالتصميم والاستمرار يصير

بس مابي احبطج انتي رجيم ماينفع وايد معاج لأن بتاخذين وقت وايد وايد طويييل ويمكن تزهقين وتردين تتحبطين ولاتنزلين

فنصيحتي لج سوي عملية الحلقة لأنها مريحة اكثر من التكميم
واذا اهلج راظين اصري عليهم ولحي
الزم ماعليج صحتج ونفسيتج وشكلج

وان كان عالميزانية حطيلج موعد بالاميري او الفروانية

 

[حلم مذبوح]

هلا اختي ام مريوم
مشكورة حبيبتي عالنصيحة
انه بالبحرين والمشوار مع المستشفيات الحكومية ياخذ سنوات
وحدة من صديقاتي سوت تكميم معده انتظرت دورها سنتين وشوي
واشوف حالتها شلون من تاكل زود عالمسموح ترجع اللي كلته
غي سلبيات وايد
اممممم ناس وايد مجربين هالنظام واوزانهم اكبر وبالصور حاطين تجاربهم مع المركز
نزلو ووصلوا للوزن المثالي بعد
وانا مجربة نظام غذائي وونزلت عليه بس نزول بطيء
لاني ماكنت اعرف بالضبط شنو يناسبني من اكل وشنو بيضرني
الدكتورة فالمركز عطتني نظام مفتوح
تسلمين اختي شرفني مرورج