ابيكم تساعدوني

[Suki_Candy]

بنات شلونكم شخباركم

والله مادري شقول لكم مستحيه شلون ابدأها معاكم
و صج المشكله وايد وايد استحي منها
و ابيكم تساعدوني

اليوم عزكم الله دخلت الحمام و ماقدرت اخرج و اخرجت شوي و كان يابس و لاحضت نزول قطرات من الدم و خفت واييد أخترعت
و فوق جذي استحي اروح الطبيبه و اقول لها او اخليها تكشف عني شلون يا بنات اكسر هالخجل و استحي وايييد
انا محتارة اذا اقدر اقول حق الوالده او اي احد من اهلي
والله خايفه و ابيكم تساعدوني والله فضلكم على راسي محتاجه مساعدتكم

تحياتي

ارجو الرد بالخاص
تحياتي

 

[زيـنـه]

مشاركة: ابيكم تساعدوني

من رايي تقولين للوالده و تراجعين دكتوره المستوصف و اهي تحولج للمختص لان ممكن تكون معاج بواسير .

و الله يشافيج و يطمن قلبج .

 

[سمسميه]

مشاركة: ابيكم تساعدوني

اذا هذي اول مره تصير لج هالسالفه مكن معاج تكرمين امساك عادي بس انتي كثري سوائل وخصوصا على الريج شربي ماي دافي يمشي البطن بسهوله
اما اذا كانت هالسالفه تتكرر عندج لازم تروحين الطبيب او اذا تستحين روحي الصيدليه يعطونج جيل يساعد شويه

وما تشوفين شر ان شالله

 

[Suki_Candy]

مشاركة: ابيكم تساعدوني

مشكورين و ماتقصرون

زينه
على راسي والله و يعطيج العافيه

سمسميه

تسلمين و يمكن هالشي اسويه

 

[coffee]

سلامتج
كثري فاكهه يمكن نوعية اكلج تسوي قبض.. واذا الامساك متكرر عندج انصحج تاخذين ثلاث قفشات خروع (ينباع بالصيدليه للاستخدام الداخلي) وخلطيهم مع عصير (يفضل مانجا كي دي دي) علشان ما تحسين بالطعم بس هااا لزمي البيت (يفضل ويك اند) لان باقل من ساعه يطلع المفعول.. وبعدها بتحسين بفرق وراحه مو طبيعيه

 

[موني موني]

حبيبتي ... هذي اعراض بواسير عزكم الله واهي ممكن تسبب نزف بسيط بالمنطقة نفسها و البواسير اتيي من الامساك .. حاولي تاخذين ملينات ..

وسلامتج ما تشوفين شر

 

[Suki_Candy]

كوفي
تسلمين ياقلبي

موني موني حبيبتي انتي مشكورة

 

[حبيبته آنا]

انا رايي من راي كوفي بس اذا انتي ليلحين تحسين بعوار والدم ما وقف لا تسكتين على عمرج لبسي نقاب و روحي الطبيب

 

[Suki_Candy]

حبيبته آنا
تسلمين على ارودج لا الحين الحمدالله اوكي احسن
قمت اكثر من ماي و اكل شغلات فيها الياف مثل الخيار و اشرب عصير برتقال فريش


تسلمون حبايبي والله على خوفكم على

 

[ام مارية]

اكلي خضروات وفواكه وكثري من الحليب خاصه الفرش من دون غلي مثل المراعي وكثري ماي قد ماتقدرين

وروحي للطبيب احسن عشان يعطيج ملينات.

 

[Suki_Candy]

تسلمين يا ام مارية