ابيكم تواسوني تعالو كلكم تكفوون مالي غيركم

[أجرح وداوي]

:eh_s(11):السلام عليكم
اخواتي ابيكم تواسوني اكتب لكم وانا ابكي:eh_s(16):
زوجي اشترى سياره جديده وقال ترى هالسنه مافي سفر عشان شريت سياره والميزانيه صفر
قلت ابشر أهم شي ظروفنا
واليوم جاء يقولي:yaaaaaarb: بسافر اسبانيا
وشلووووون وانت تشكي الظروف؟
المصيبه انه عارف اننا اخر مره رحنا دبي قبل 7 شهور اما سفرات للخارج كانت قبل 3 سنوات وألحين نفسي ومنى عيني أسافر لاني مره مخنوقه الرياض تطفش جوّها متعب ومافيها اماكن نزهه طول السنه واحنا بالبيت
وزوجي اصلا شغله كله سفر طبعا داخل السعوديه وأنا وعيالي محبوسين بالبيت
والحين يقول بيروح لحاله والله نفسيتي زفت:eh_s(11):
طول اليوم وانا ابكي مقهووووره
ترى يابنات زوجي طيب وكريم معاي ويصلي ,صح لما سافر اخر مره مع اصدقاءه اكتشفت شي واعتذر لي وسامحته وانتهى اللي بقلبي بس من ناحية الاخلاق والتربيه والاهتمام بالاولاد والصلاه صراحه ماعليه كلام .بس اللي قاهرني انه هالمره فكر بنفسه وانا ساكته من اول وحارمه نفسي من بعض الاشياء ولاقلت بسافر لانه اشترى سياره
بس انصدمت انه بيروح بلحاله :eh_s(11):
والله زعلانه عليه من اليوم ومقهوره وش اسوي الحين ساعدوني

 

[ابدا يالغالي مانساك]

عليج بالكلام الحلو ويااااااه والالحااااااااااااااح
مع انه ماااااااايفيد معااااااهم

 

[unapproachable]

الله يعينج ويهديه ..

 

[الأميرة الحزينة]

تعاليله بالسياسه حبيبتي ,, حاولي تساحلينه كسري خاطرة وخلي عنج التطنقر والزعل ترا بهالحالات ما اييب نتيجه..:bbbiu: قوليله خاطري اسافر معاك ومن الحجي الحلو ان شالله يطيح مابراسه :yaaaaaarb:

 

[حور القصيميه]

حبيبتي حاووولي معه " قولي له من زماان ماطلعنا واشتقت اطلع معك ومنها الكلام والريق الحلوو ياحلوو

وان شاءالله يسمع لك

 

[عبير-الشرق]

حاولي تقنعينه تروحين معاه او اذا تحجج بالميزانيه شوفو دوله مانكلف مع ان الريايل لي اشتهو السفر مهما تحاولين ماكو فايده اسالي مجرب ولا تسال خبير

 

[Laidy n3ooma]

اشتكي لربج مابيردج فاضيه .. وبتشوفينه هون عن السفره او خذج وياه

 

[بقــآيآ جـروح]

قولــي له هالكــلام قولي آذى ىن متضآآيق مره آنآآ متضآآيقه آمرآآر
وودي ىسآآفــر والعيـآل وديهم يومين عند آهلــج وقولي له حتى لومآآتكفي الفلوس بسآآعدك
ودبري نفســج آحكريه من كل مكآآن لاتخلين له فرصـــه يتهرب ​

 

[!الجادل الصعب!]

آنتو لكم حق بعد عليه .. اذا تعرفينه بيقتنع حنيه عليه تسآفرون معه ..
آنتوآ اولى من ربعه ..

 

[مسك الجود]

يحليلج مكبره الموضوع خليه يسافر مايشوف شر حتي لو قعدتي تبكين مني لا باجر الريال اللي في بالا راح يسويه لا تمرضين نفسج @ قال يسافر قال والله ضحكتيني ههههههه

 

[الوردة المكنونة]

الله يعينج

بس برأيي الشخصي السفر مو من ضروريات الحياة

يعني ماله داعي اتنكدين على نفسج عشان سفره

بنات الحياة ابسط من جذي لا تضيقون خلقكم على اي شي

 

[ام زهقانه]

الطلاق موحل انتي يتيمه واهو فيه موصفات ديتيه زينه يمكن اهو معصب ذاك اليوم بس اسخيري قيل اقدام خطوره مليون مره استخيري هذا الطلاق وترا كل عايش مو مرتاح

 

[اجمل الورود]

الله يهديك خوفتيني تعالوا وتكفون انا قلت السالفه كبيره
وبتالي سفره .خليه يروح ولا تنقهرين على شئ عادى
اذا ما سافرتي السنه بتسافرين بعدين هدي عشان تعدي

 

[نسمات 26]

خله يسافر وادعي له يرجع بالسلامه ويحفظه من كل شر

والرجال اذا الفكره في باله صعب تغيرينها

الشي إلي يقهر يمكن بعدين تتضايقون من ناحية المادية وخصوصا انه شاري له سياره جديدة

 

[اسرار الغلا]

الله يسخره لج

 

[كـايدتهم]

هلا قلبي

زي ماقلت وحده من الأخوات تعالي له بالسياسه وحبذا بالتلميح ابدااا لاتلحين عليه اغلب الرجال مايحبون اللح والزن فوق روسهم وعلى نفس الموضوع لو بيوافق بيبطل ساعتها:bbbiu:

بس خليك قريبه منه حييل هالفتره لمحي انك تشتاقين له حتى وهو بالدوام < ع اساس اشتاقلك اكثر اذا سافرت :eh_s(15):
دوم ابتسمي في وجهه سوي عليه تمثيليه ع اساس تكلمين وحده من صاحباتك بالجوال وتقولك انها بتسافر مع زوجها وانتي ردي قولي احنا لسا ماقررنا وين بنروح !< خليه أمام الامر الواقع :eh_s(9):
ومتى ماصار الجو رايق وحسيتيه بيتقبل الكلام كلميه وخليك هااااديه اذا ماوافق عاد الشكوى لله بس صدقيني الموضوع مو كبير لدرجة يضايقك والا تبكين احس الوحده تفلها وتستانس اكثر مع اهلها :eh_s(9):

ربي يكتبلك اللي فيه خير وان شاءالله خططي تجيب نتيجه :eh_s(22):​

 

[لبوة36]

استخيري في سفرته وسفرج معاه وبتشوفين اذا كان سفرته شر راح يقعد بإرادة الرحمن واذا سفركم معه فيها خير راح تسافرون وبدون تتعبين نفسج وتطلبينه او تبجين وتدمرين نفسيتج وان سافر وخلاكم بعد الاستخاره فلا تندمين لان الخيرة فيما اختارها الله
والله انا مجربه والحمد لله عايشه حياتي بالاستخاره ومبسوطه باللي مقدره لي الرحمن

 

[زهره الخليج]

مافي الا كلام الكلام اللين .. شي يقهر والله


وان شاء الله يارب انه يااخذك وتسافرون وتقولين لنا امين يارب العالمين

 

[@البتووول@]

ليت همي مثل همك اخييييييييه بس الله يسخر لج زوجج يارب

 

[أجرح وداوي]

مشكورين يابنااات الله يسعدكم والله اني مشيت بوصاياكم
وكلمته باللين مثل ماقلتو
والحمد لله كأنه بدأ يغير رايه ويلين شوي بس مو ميه بالميه يارب لك الحمد والشكر
وان شاءالله يااااارب انه يلغي السفر لحاله نهااااااااائي
ادعوولي حبيبااتي تكفون والله اني احبكم واموت فيكم ومالي بعد الله غيركم