ابيها نضيفه بشهر !!!

[فراشة لكويت]

السلام عليكم
شلون احلى كويتيات؟؟
اناشالله الكل بخير :eh_s(6)::eh_s(6)::eh_s(6):[/COLOR
]
انا اناشالله باقي يومين واسافر :ada:وابي شقتي اطلع منها نظفيه جدا .. وارجع لها نظيفه..
بس انا عندي مشكلة الزهيويه الصغيرة :krkrkr::krkrkr:لاعت جبدي حطيت العجينه وما فايده :0bee2e8d89::0bee2e8d8
الاسئله ...........
1.شلون ارد للشقه واهي نظيفه ؟
2. شلون افتك من الزهيويه الصغيرة غيرالعجينه ؟
واذا في المزيد من التعلميات. لا تبخلوا :eh_s(6)::bye22:

 

[بنوته جامعية]

وعليكم السلام ،،،

قبل لا تسافرين غطي الاثاث وكل شي تقدرين تقطينه عشاااان لا يغبر

والزهيويه ... الطريقه الاولى : قبل لا تنامين رشي بودره الزهيويه وهذي مثل المخدر واغلبهم يموتون وانتي قعدي الصبح وصبحي بجم زهيوي منسدح على ظهره والثاني يصارع الموت ... عاد خميهم وبالزباااااله


الطريقه الثانيه : اسهل من الاولى
حطي اللزقات .. اللي تصير مثل ورقه فيها صمغ يمر الزهيوي عليها ويلزق ... ولما يتيمعون وحطي ثاني وثالث لما يموتوووون كلهم


اتمنى اني افدتج

 

[ماي الورد]

حبيبتي انتي يمكن تستخدمين العجينة الجاهزة الي تنباع في الجمعيات او الصيدليات في عجينة ثانية انتي تسوينها هالعجينة اقل شي سنتين ونص ما تشوفين ولا زهيوي يفكر انه يمر من جنبج الي تحطين لها معلقة حليب ومعلقة دقيق واشوي سكر اكيد تعرفينها

اما عن الغبار ما اقدر افيدج عاد انتي لو حصلتي حل خبريني تعبت وانا امسح كل يوم بدون فايدة

 

[kim kardashian]

يا حياتي و الله .. كنت اعاني من هالمشكلة لما سكنت بشقة كانت وايد وصخة .. خذيت اسبوعين كاميلين و انا انظف فيها ..و الزهيوية كل يوم يطلعون .. اكتشفت ان كبتات المطبخ وراها عالم من الصراصير الصغيرة و بيضهم !!! شلت المطبخ كله و قطيته بره .. جبت شركة رش الصراصير رشولي في البواليع و انتي بكرامة و حطولي عجينة .. و يولي مرة ثانية عقب اسبوع عشان يرشون مرة ثانية .. و قالولي ترى ما يقتل بيض هالصرصور الا الكلوركس .. شريت مرشات خالية و عبيتها كلوركس و قمت ارش بكل مكان كل يوم .. لمدة اسبوعين .. و هم كنت اكت بالبواليع شكثر .. ارتحت عقب مدة لان الام تموت يبقى بيضها اللي ما يموت على ما يفقص و بعدين يموت .. يعني تقريبا دورة حياة ام و صرصورها .. و بعدين ينتهي موضوعهم انشاء الله .. و هم نصيحة جربي العجينة اللي قالت عنها ماي ورد منتي خسرانة .. لا تشيلين العجينة حتى لو تنشف .. خليها ترى تقعد 6 اشهر ما يصير فيها شي .. حطي بزوايا المطبخ و الحمام و انتي بكرامة لما ينقطعون .. بس واظبي على سكب الكلوركس في البواليع كل شهر .. و انشاء الله كله يروح و تنعمين بشقة نظيفة خالية من الصراصير الصغيرة المزعجة

 

[aengineera]

حبيبتي هاذي نصيحه خذيتها من بنت بالمنتدى وصج انفعت معاي
في بستي سنتر السالمية بالجمعية نفسها صوب المبيدات
شكل ابرة مكتوب عليها بالاخضر
تحطين منها بالحمامات وصج بتفتكين

 

[ديما الكويت]

شوفي انا بقولج شلون تحافظين على نظافة الشقة من الغبار والتربة :
1-غطي مراوح الحمام والمطبخ بقبعات النايلون مالوت الشور shower cap.
2-غطي الأثاث القنفات بشوادر بيضا نفس الأفلام الأجنبية نصيحة مجربتها بشقتي ولمن ايي اوخر الشوادر القي الأثاث ماحشه غبار ووسخ .
3-فلي الكهربا عن المطبخ الثلاجة والجوله وغيره وايضا باقي الشقة .وحطي بالثلاجة لمن تسكرينها قطعة فحم عشان تسحب ريحة الثلاجة من التخمر والوسخ .
وهذي تجاربي