ابي اادبه واوقفه عند حده قبل لا يتمادى

[ام{الخوخ]

هاااي متزوجات اخباركم

ببتدي فاسالفه
انا من شريت الاب تووب وانا اتابع زووجي فيه شنو المواقع الي يدخله والساعه كم

حتى بالمسن اقرا محادثاته المهمم اني متابعته

هم ما عنده خرااابيط الي يسوولف معاهم ربعه وقرايبه

قريت له محادثه يقول لولد خالته المتزوج / عندك ايميلات بنااات :s141:
قاله / لاء ما اظيفهم عندي

بنااااات حدي مقهووووووره كييف اوقفه عند حدددده قبل يتمادى

سااعدوني


لا تقووولون مو مقصره معاه هو اللي معترف اني مو مقصره:082502bye_prv:

ويحبببببني حددددددددددددددددددددده ما يقدر على فراااقي :friends:

بس انا حدي مستغربببه الي سووواه​

 

[atoootta]

رد : ابي اادبه واوقفه عند حده قبل لا يتمادى

افضل طرقه انج تواجهينه

بس مو بطريقه انج مفتشه من وراه

قوليله شفت محادثتك صدفه وعاد بدعي بتهزيئه خخخخخخخخخخخخخخ

والله يسخره لج يارب ولايشوف غيرج ان شاءالله

 

[اشتياق]

عادي زله

لحظة شيطان

يمكن قالها بس جذي من باب الشحاطه

لاتسوينها قصه

طوفي

 

[Tom ♥ Jerry]

.


الريال حتى لو يحب مرتتتتتتتتتتته و مستحيييييل يستغنى عنهآ
و يعترف 100% أنهآ مو مقصره معآه ..

اذا كآن أهوه متعود من قبل يكلم بنات و يطآلع عآدي
تلقينه بعد الزوآج عآدي عنده يكلم حتى لو يبووس التراب الي تمشين عليها !
> شنسوي ريايييل :× !

و الله انا مآدري شتسوين حآليآ :d بس آنتي لا تقولين له الحين
اذا تكرر الأمر مره ثآنيه قوليله و فهميه أنه مو أول مره تجكينه .. عشان يستحي و مآ يسويها مره 2 !

.

 

[[[ عيون جابر ]]]

دام مو قاعد يسوي شي غلط لاتضغطين عليه وتحطين هالسوالف في باله

 

[( مي )]

مو يمكن يسأله بمعنى
( انت عندكم ايميلات بنات وتكلمهم ؟؟؟ )
فرد عليه ( لا ما عندي ما أضيفهم )

يعني بيعرف اذا اللي يكلمه عنده بنات بالمسنجر ولا لأ من باب السؤال والسوالف


مو شرط انه يقصد ان يبي هالإيميلات

 

[كتكوتة قلب ميدو]

يمكن يساله بس جذيه مو قصده يبيهم احسني الضن فيه

 

[الغاليه نونو]

انتي كبري عقلج وبلا خرابيط دام الريال يحبج وانتي واااثقه منه شهالربربه الزايده بعد؟؟؟؟


يمكن كان في موضوع بينهم من قبل عن سوالف الايميلات وساله من باب النصيحه مو شرط يكون ريلج وراه شي غلط لاسمح الله لاتسيئين الظن بالريال واحسني النيه يمه ولاتعطين للشيطان درب يدش يعفس بيتج ياحظيييييييييييييي اعقلي وحطي عقلج براسج مويمكن يبي يتأكد منج بيشوف انتي من النوع اللي تنبش ورا ريلها والا اللي واثقه منه ومن تصرفاته


انا اقول الركاده زينه يمه والله يسخر لج بوعيالج ياااااارب

 

[النشبه88]

اي والله احسني الظن فيه ... لو يبي يضيف بنات باقل من ثانيه يدخل مواقع تعارف ويتعرف .. يمكن يسأله بس جذي

 

[FeShinGoOo]

يمكن بيتشيحط جدام قريبه

 

[بـاسي قــوي]

رد : ابي اادبه واوقفه عند حده قبل لا يتمادى

الله يهديه و يصلح حاله و يشوفج احلى وحده ولا يشووف غيرج و يسعدكم مع بعض ياررب

 

[LA TROO7]

وضعج صعب

تتكلمين من ج تراقبين كل تحركاته بالنت ؟؟

 

[كويتيه مذهله 87]

يمكن رفيجه يضيف بنات ويبي ينصحه يمكن عنده سوالف من قبل وريلج نصحه بس حب يتأكد اذا رد لسوالفه او لأ ليش ماتخلين نيتج صافيه

,,,

 

[باربية الكوووويت]

الله يهديه بس عطيه تهديد قوليله يافلان انا احبك وكل شي بس اذا تاكدت انك بيوم تخوني لو نظره بتكون نهاية علاقتنا فاذا تحبني حافظ على هلعلاقه ولاتخربها

واذا قالج شسويت وماسويت قوليله انا بس انبهك اخاف بيوم يقص عليك الشيطان

 

[واصله]

حبيبتي لا تقوليلة شي
اولا راح يرقع السالفة لان انتي ما شفتي شي يخليج متاكدة وبالنهاية انتي بتطلعين الغلطانة والشكاكة
ثانيا حتى لو بيسوي شي راح ياخذ حذرة منج يعني بعدها املج تطيحين على اي شي
عاد انتي لاحظيه وان شالله ماتشوفين الا اللي يسرج يارب
اذا لقيتي شي قوي ودليل كبير تقدرين تواجهينة لكن الحين لا وان شالله ما تشوفين شي مو زين

 

[DooLy88]

اوكي لاتحطين بذمتج
بس بعد لاتصيرين غبية
سكتي هالمرة محد يدري شكانت نيته
واصلي المراقبة
وقبل لاتكبر سوالفه واجهيه
وقولي لي شيصير معاج حتى لوتدزين لي مسج خاص



وان شالله يبقى يحبج بروحج طول العمر ولايغير عليكم شي

 

[sawaranza]

سؤال عادي ما قال شي الريال صفي النيه

 

[سارووونه22]

طولي بالج ويستحسن لاتفتشين من ورا ريلج

 

[*ريما*]

رد : ابي اادبه واوقفه عند حده قبل لا يتمادى

يمكن مو قصدة
فهمي منة قبل لاتتسرعين
والله يهدية

 

[مــســك]

مو يمكن يسأله بمعنى
( انت عندكم ايميلات بنات وتكلمهم ؟؟؟ )
فرد عليه ( لا ما عندي ما أضيفهم )

يعني بيعرف اذا اللي يكلمه عنده بنات بالمسنجر ولا لأ من باب السؤال والسوالف


مو شرط انه يقصد ان يبي هالإيميلات

معــآهــاااا .. ​