ابي اتزوجي من تدور لي ريال 00ايه ابي اتزوج لاتستغربون

[ღ❤سـنــيـــڪـرز❤ღ]

بسم الله الرحمن الرحيم


السلام عليكم جميعاً ...




أبي أتزوج .. ايييييييييي ابي اتزوج



بصراحه مليت من حياة العزوبية .. والزواج ستر البنيه .. ومو عيب ولا حرام اني ابي اتزوج ...




ولي يعافيكم انا منزله الموضوع عشان تدورولي ريل .. الي يستحي يقولي مني يدزلي عاالخاص ...



أنا ناطرتكم ترى ...















مستغربين صح ..!







المهم خلونا نكمل ...


أبي لاهو قصير ولا طويل وايد .. يعني طوله مناسب حق طولي .. طولي 163 .. عاد انتو قدرولي اذا كان طوله زين حقي ولا لأ ...
وأبي حنطاوي .. مو مشكله إذا كان أبيض .. بس يفضل حنطاوي او اسمر
وعيونه وساع .. وخشمه دقيق .. وحلجه مقبول ...
وجسمه لاهو ضعيف عصاقل .. ولا متين بطه .. يعني زين
وأبي ملتزم بدينه يعني يصلي يصوم يعرف ربه ...
وأبيييييييييي .. وابيييييييييي جاااااااامعي .. وخلوق ومؤدب


والباجي على الله ...











عفيه دوروووووووولي .. خلاص حياة العزوبية مو حلوه كلــــــــــش .. تملل















أدري لي الحين مستغربين .. بس خلص الموضوع ترى ..!

















لا ما خلص ..!










الموضوع الاساسي اهو :



ليش دايماً البنت لما تقول بتزوج الكل يفهمها بمفهوم غـــلـــط ..!
ليش ما يفكرون ان البنت تبي الستر .. تبي تكمل دينها همن ..!
تبي تبني بيت وتكوّن أسرة ..!
أحب أعرف رأيكم


​

 

[عادت ذكرياتي]

الله يستر على بنات المسلمين ...

 

[الأميرة جوري]

مو كلهم...هذا تفكيرهم .... الله يرزق بنات المسلمين بالازواج الصالحين يارب

 

[فدوووو]

اي والله صادقه بس م كلهم بين البنات عادي

بس المشكله في الناس الجاهله اللي تفهم غلط

 

[الحللللوه]

خخخخخ يستتر عليكي ضحكيتي وقلت والله البنت كماان تتشررط طوله ولوونه خخخخ
انا من المؤيدين للزوااج بس البنت لمايكوون عمرها سبعه وعشرين وفوووق
هذا رائي وموفقه

 

[ديمــــــــــه]

بالعكس مافيها شي انا احترم البنت اللي تقول ابي اتزوج لانها تبي الستر ولا بيني وبينك مافي احلى من حياة العزوبيه ودجتها

بس سبحان الله البنت السويه الا يجي يوم تقول ستوب ابي اتزوج ابي الستر وتقولها بصوت مسموع بعد لانه شي حلال ومايخجل

الله يكتب لتس الرجل الصالح الطويل ذو المنكبين اللي يسعدتس ويهنيتس ويرزق اختي معتس لانها هي بعد تبي تتزوج وكلت روسنا

ثاانكس عالموضوع استانست عليه :eh_s(7):

 

[ملــوك]

كنت بدورلج ريل جد هههههه 

 

[حبي بيرين]

تعالي خوذي من العلل من اخواني المهم الزواج ممكن يكون للوحده جنة وممكن جهنم

 

[دوووووووووووبا]

صح لسانج حبيبتي ..

عجبني طرحج للمشكلة

والله عاداتنا وتقاليدنا استغفر الله تقول ان البنت لازم ماتقول زوجوني حتى لووووو بخاطرها الستر لازم تسسسسسسسسسسسسسسسسسسسسسسكت .. انزين لي متى؟؟؟

انا ضد هالفكرة و احب الديمقراطية والبنت اللي شخصيتها قوية احسن من الضعيفة

الله يرزق كل بنت بالزوج الصالح ويستر عليهم يارب

 

[Sugarlips]

ما فيها شي يعني المراة مو بشر و لها احتياجاتها؟

كفاية انه السيدة خديجة اهي اللي طلبت الزواج من سيدنا محمد عليه الصلاة و السلام

لاوالله اللي تبي ريل خل تقول و بأعلى صوت

أبيييييييييييييييي اتزوووووووووووووووج​

 

[ترانيم القصيم]

تدرين ليه الناس تفهم البنت غلط ؟

لأن بالعادة البنت تكون حياويــة ,, و المفروض ما تصرح برغبتها بالزواج على علن حق الرايح و الجاي ^^

 

[معلمة_منكوبة]

اللي تبي الستر ماتتشرط طويل وقصير !! خخخخخخخخ

 

[بدوردا الأموره]

عاتي ان البنت تقول ابي تتزوج

بس تخيلي انج حرمه عوده وبنتج قالت يمه ابي اتزوج

انتي شنو موقفج شلون ببتصرفين وتزوجينها

يعني بتطقين على بيوت الجيران وتقولين بنتي بتتزوج عطونا ريل لها
ولا بتحطين لها خطابه ولا شلون ؟

الولد اذا قال ابي اتزوج بتخطبين له بس البنت تروحين تخطبين لها ريل ؟

هذي المشكله ولا مافيها شي انها تقول بتتزوج

 

[قلبي محمد]

ممممم صح في مجتمعنا للأسف هالشي عييب وفشله بنظرهم
مع ان المفروض ان البنت لما تبي الستر تقول حق امها عالاقل
الله يرزقني باللي اتمناه ان شاءالله ويرزق جميع بنات المسلمين بالازواج اللي يتمنونهم

 

[رحيل المرافيء]

بدوردا الامورة
في بنات ينخطبون واهلهم يردون الخاطب بحجة البنت ماتبي او بتكمل دراستها
ولايشاورونهاااااااااااا فالافضل تقووولهم
وبالعكس مافيها شي البنت تقول بتزوج
بس هذي شغلة الام هي تحس ببناتها
بس امهات هالوقت ماكوو احساس لاهية بزوارات واستقبالات وعروس

 

[^ MiSS MoOoka ^]

والله مت من الضحگ خخخخخخخ

والله صح بس البنااات الكباار شوووي موو توهم صغااار مرااهقاات

يعنني العزووبياات بس المراهقاات صرااحه فشلهـ منوو الجريئه تقوولهاا خخخخخخخ

 

[Miss.Nony]

اهو أكيد عادي وكل وحده و نيّتهـآآ

بس بـ مجتمعنآ الشرقي عيب ! .. أولا الريال اهو اللي يبادر مو احنـآآ !

ثانيا : جيل أمهاتنـآآ ويدادتنـآآ يتميزون بالحيـاء وإذا يابو هـ الطاري يومين تتخشش من ابوهــآآ !!

مو الحين < اكييد مو الكل يعني ..

بسس هذآ الواقع وهذا الشي اللي مشوا عليه أهالينـآآ من سنيــن وأساسا مو حلوه بـ حق البنت تقول تبي تتزوج

مهمـآآ كان ومهمــآ صار يظل هـ الشعور ( دآآخلي ) ماله داعي أعترف واللي مايسمع يسمع !


تسسلمين حبيبتي

 

[مزيونة الخبر]

اووة انا اول وحدة ابي اتزوج لكن ماجا النصيب وصعب البنت تقول ابي اتزوج فشلة ويقلون طايحة بجبد نفسة على قولتة امي البنت تجلس بيت اهلة مستورة ان شاء اللة يجي عمرة خمسين ماتقول ابي اتزوج تجلس الين يجي الرجال نصيبة وياخذة عكس الشاب متى مانوى يتزوج راح وخطب وتزوج فهي مسالة عادات وتقاليد

 

[غدووو العنزي]

انا مع رد بدورد الاموره اعجبني

 

[ام كوثر2007]

بالعكس يا قلبي اللى تدور الزواج هذى تبي الستر ما فيها شى ابرك من الخوره والطلعات والمشي البطاال


عسى الله يرزق بناتنا وبنات المسلمين كلهم الريايييل السنعه يا رب .