ابي اتطلقق مليت منه.

[ممنوع التجول]

لسلام عليكم

بنات أنا متزوجه ضارلي تقريبا سنتين. وتونى والده ما صارلي شهرين.
المهم. أنا تزوجت عن طريق الاهل ما شفته الا يوم الخطبه ا. وكلمته يوم ملجنا حبيته. رغم المشاكل اللى كانت تضير بينا. ويوم صار العرس اكثرت المشاكل اهو عنيد مايتنازل وانا عنيده وكنت اتهاوش معاه. واقعد. فبيت اهلي اسابيع. وما يسال. ورجع ارد وتزيذ المشاكل لازم كل شهر مشكله جديده ريلي نوعه. مايراعي أنا اداوم. ولا عندى خدامه. وتونى والده. وللحين اسمع بليجيبلي من اول شهر واهو يوعدنى. تخيلوا برمضان اطبخ وغسل وروح الجامعه بسيارتى. وانا لسابع وداخله الثامن. مصرف مايعطينى. ملابس. اهلى يشتروالةى وبنتى. اهلى شاريلها. اغراضها. وكل مانتهاوش اقول لاهلى انى بتطلق لانى صج كرهته ما احبه. واهو مو راضي يسمع. وينسي كلامى. اقوله اكرهك عادى ولا همه. صج بنات أنا ما تبيه واهلي تعبوا معاه من كثر ما يكلمونه وقالولى احنا ملينا ماراح نتدخل.


ساعدونى

 

[غلا صلاح]

غريبه يااختي وووشش نساعدج فيييه انتي ابخص فيييه واهم شششي ديري بالج تحمليين وهو مايصرف عليهم لييششش الله يسخره لج

 

[ديانا سبنسر]

هدي أحسج مضغوطة. حييييل وانفجرتي رتبي أفكارج واقعدي مع ريلج وبهدوء وصليله اللي تبين واصبرررررررري وعطيييييييييييه فرص. على قد ما تقدرين

 

[عسل حدي]

يامسبب الاسباب ويافاتح الابواب ياسامع الاصوات يامجيب الدعوات ياقاضي الحاجات ارزقني بالحمل واقضي عني حاجتي ولا تكلني لاحد سواك

 

[خالتي قموش]

الريال العنيد ما ينفع معاه العناد
لازم واحد يشد وواحد يرخي
لا تاخذينه بلعناد
لو ماخذته بلمسايس و الكلمه الطيبه جان صار خاتم بصبعج
تقدرين تحلين مشاكلج بلطيب مو العناد والصيحه والزعل في بيت اهلج
هو بيقول ازعلت بروحها ترضى بروحها
ومستحييييييييييييييييييييييييييييييل يعتذر و يتنازل
خليج انتي الكبيره والعاقله
لا تعاندينه و تصارخين عليه
تبين منه شي
لا تحنين و تضغطين عليه
اذا شافج ساكته وهاديه
هو من نفسه بيعطيج و بيكرمج

الحياة مو صياح و عناد و حرب
كل واحد يبي يكسر راس الثاني
فري راسه بلكلمه الطيبه
الريال العنيد ما بيله الا المسايس بس مو العناد

 

[امـ خــزامـى]

عسل حدي الله يرزقك يارب بالذريه وكل محروم عاجل غير اجل

وبالنسبه لصاحبة الموضوع كل شي سهل لكن مايصرف على بنته قوييييييييييييييييه


اللله يهديه ويسخره لك

 

[خالتي قموش]

ما يصرف عناد لها
مو بخل
خلها تغير سياستها وتشوف شلون بسوي
مو تصارخ و تطلع
غلط
مو على كل شي تطلبون الطلاق
مو حلاو هو
حلي مشاكلج بلتفاهم
الصراخ ما يجيب نتيجه
الريال ما يهمه لو عنده 10 عيال من مرته
سايسييي و ابتسمي و اخذيه بلكلمه الطيبه

 

[مجهوله تايم]

ياحبيبتي ودي تقرين انماط الشخصيات وكيفية التعاامل معاهااتوقع شخصيه زوجك شمالي شرقي وانتي كمان بس فيه بعض اطرق والوسائل لحياه سعيده مع الشخصيه الشماليه لانهاا جدااا صعبه وبنفس الوقت لو طبقتي بعض الطرق اللي فيهاا صاارت شخصية ممتعه وسهله بالنسبه لك
الله ييسر لك ياربويسخره لك

 

[i'm so happy]

عنيد وبخيل اكره شي فالزوج اكون بخيـــل ..
الله يعينج بس الطلاق مو حل يعني
حاولي ماتكونين عنيده معاه شوفيه شلون يمكن يتغير بمعاملته

 

[a7la_7b]

الطلاق مووووووووووو حل
قعدي معاه تفاهمو لاتعاندينه

 

[وردة وطني]

( ابغض الحلال عند الله الطلاق)
عندج بنت وتبين تضيعينه علشان مواضيع له مجال تتغير وتحسن امورج انتي مشاكلج تهون بوايد مع مشاكل بعضهم
انضري للجوانب الايجاببه فيه غيري من طريقتح مثل ماقالت خالتي قموش فديته كلامه درر
وبعدين حياتي انتي غيري من شخصيتج لاتكونين عنيده معه تري الرجال يجي بالكلمه الطيبه ولابتسامه الطيبه
انتبهي لبنتج وضحي
الاستغفار والصلاه اخر الليل

 

[حبي مودي..]

عزيزتي مافي بيت الا فيه مشاكل لكن العناد يزيد المشكله وهي تكون ولا شي اسمعي اذا زوجك بدأيتكلم وحسيتي بتصير مشكله الزمي الصمت وخليه يقول اللي عنده انت لاتتكلميين واذا سكت وحسيتي الوقت مناسب كلميه وضحيه له بالشي اللي يضايقك بالسلوب الحلو والمداره تقديري تاخذي وتعدلي كل شي العناد يزيد المشكله مايحلها,, الحياة الزوجيه تنازل من الطرفين ومو اثبات من الأقوى بعدين لاتعودينه اهلك يشترون ويسروفون عليك وعلى بنتك الله يكتيلك اللي فيه الخير..

 

[mmloo7a]

نسبة الطلاق وصلت 42%

ماوصيكم خن نوصل 70%

 

[خالتي قموش]

واذا شفتيه معصب بعدي عنه
مو كله عند اهلج و زعلانه
مو كل شي نبيه لازم نحصل عليه
دشي قوقل وشوفي شلون تتعاملين مع العنيد
بيقولون نفس اللي قلته لج
عامليه مثل الطفل العنيد
لو ولدج عنيد
تتبرين منه؟
عامليه بلطيب و الهداوه بيسمع كلامج
ساحليه
لانج انتي الخسرانه
الريال ما يعيبه شي
والف وحده ترضى فيه
وبتلعب عليه
غيري اسلوبج و تركي عنادج
وشوفي شلون حياتج تصير
ترا عادي عنده تقعدين الدهر كله

 

[خالتي قموش]

انا ريلي عنييييييييييييييييييييييييييييييييييييييييد حده
والحين تغير
اول ما خذته نفس ريلج بس انا غير عنج
عرفت شلون اتعامل معاه
تخلى عن عناده بعض الشي

اذا عصب ما ازعل واروح بيت اهلي
اقعد عادي
اول شي اسكت عنه لبعض الوقت ومن نفسه يهدا ولا جنه شي صاير
عادي مو كيميا هي
كنت اعاند قبل بس بعدين عرفت له الحين حياتي تحسنت

 

[Laidy n3ooma]

العنيد ماينفع معاه العناد

ولاتقولين ليش انا اتنازل ليش هو مايتنازل

عناد الريال غير عناد البنت

انتي خلج لينه معااه وانتي عودتيه تكونين عند اهلج بالاسابيع من البدايه فماقامت تفرق معاااه

تناااازلي واخذيه بالسياسه يمكن هذا مو بخل على قولة اللي فوقي يمكن مايصرف عناد فيييج

انتي حاولي تغيرين من شخصيتج شيلي كلمة اكرهك وانت بخيل وماحبك من قاموسج تخيلي اهوا يقولج هل حجي

واهوا لو مايبيج جان طلقج من زمان


طولي باااااااااااالج وياه اخر حل حطيه الطلاااق

ولاتروحين عند اهلج المشكله تنحل بوقتها ليش تتاجل اساااابيع

وصارحيه بمشاكله وعطيه شوي من المسؤوليات


عندي مرت ولد عمي عودته ان ينظف ويطبخ وياها اول ماسكنوا البيت تخيلي شنو سوت

نظفت الكباته الفوقيه اللي بالمطبخ ومسحتهم ولمعتهم والكباته والادرج اللي تحت خلتهم يوم رد ولد عمي من الدوام قالها يعطيج العافيه بس ليش منظفه فوق ومخليه تحت

قالت له اللي تحت هذا نصيبك من التنظيييف النص بالنص احنا هني نخدم بعض محد يخدم حد والثاني يقعد

وهذا من اول يوم اسكنوا فيه

البيت او الشقه بيتكم انتوا الاثنين والعيال عيالكم انتوا الاثنين والدوام انتوا اثنينكم اداومون سواء دوام جامعه او دوام شغل

فمحد احسن من حد

اكيد مابتحبينه ومراح تتحملينه دام كل شي على راااسج

تركي عنج العنااااد والراس اليابس واذا عصب حقريه وروحي عنه اي مكان انشغلي مو هو يصارخ وانتي تصارخين

والله يهديج ويهديه

 

[بنت.المطيري]

انا ريلي نفس ريلج وانا باااارده حيييل وهاديه،،بس من كثر مااهو ماينفع معاه شي صرت نفسه عصبيه خذيت طبعه ،،بس اجبر نفسي واتعدل واضبط اعصابي لان ادري انه مايجي بالعناد ريلي نوعه روح يمين يروح يسار وكان مايعطي ولايصرف يحاسبني عالفلس اصلا ماكان يعطيني فلس عشان يحاسبني ،،بس شوي شوي شوي شوي بدا يتعدل ويتغير بالبدايه كان يتغير ويرجع نفس قبل عقب لا الحمدالله بدا يتغير اكثر ويعدل طبعه لان شافني طيبه وزينه معاه وخليت خواته يفهمونه شلون يتعامل مع المرا ووان قام يشوف ان رياييلهم يعطونهم ويصرفون عليهم،،انا وااااايد تعبت معاه وااايد ،،يارب لك الحمد مشكله الصرف صار انسان ثاني ،،لكن بالعصبيه بدت تقل عنده شوي شوي وانا نفسجتقريبا سنتين وتوني حامل الحين بالخامس والله يسهل امورنا ويصلح بالنا وذات بيننا وياج بعد يااارب ،،الطلاااق شيليييه من بالج ،،انا عقب ماشفت ابوي صار عندي قناعه ان الريال يتغير والمرا اهي الخسرانه،،ابوووي 5سنين وصار عنده بنت وولد واهو عصبي وعنيد ويطق كان مكروووه ماكنا نحبه احنا عياله،،بس بعدين لا عقل ونضج تفكيره وفهم وبدا يفهم والله اللي يشوفه الحين يقول هذا مو اهو وكذلك زوجي ماكنت متخيله ان ممكن يتغير

 

[بنت.المطيري]

اي وترا علا فكره اذا كل شوي تقولين بروح بيت اهلج والله يبيعج ،،ويتعود انه مايشوفج ويتعود علا اسلوبج اصلا اكبر غلط الوحده تزعل تروح بيت اهلها انا تدرين شسوي بعد الزعله وبعد مانتراضا احس اني مغموته اهني اوك اروح عند اهلي عشان اغير جو وعشان ترتاح نفسياتنا لكن مو حزة الزعله ،،والدليل ان بالدين لو لاسمح الله حصل طلاق المرا عدتها تقول فبيت زوجها لين تخلص العدة تتغطا عنه وتروح بيت اهلها ليش عشان تصير الموده بينهم يشوفها جدامه رايحه راده وكاشخه ولابسه ويشوفها قايمه فيه يمكن يلين قلبه عليها ويردها لكن بعاداتنا اللي تتطلق سيييدا تروح عند اهلها ماتقعدله وهذا اكبر غلط البعد يقسي القلوب ويدخل الشيطان اكثر ،،،انصحج تقريب كتاب نساء من الزهره ورجال من المريخ وتقرين حق ناعمه الهاشمي بالمنتديات ،،،وااااايد راح تستفيدين وتعرفين شاللي يخلي الريال يطفر وياخذ اسلوبج بالعناد الله يوفقج ويصلح ذات بينكم


الزواج من الرجل العنيد معركة بارده لوخذيتيها ببرود ويبيلها صبر ،،انا اهم شي سويته اني ماانام واهو زعلان مني اراضيه غصبا عليه

لما يقول مابيج او بوديج بيت اهلج مرات من الحره اقول اي ودني اصلا اللي مايبيني مابيه ومافي اطول من لساني ،،لكن بعدين اهدا واقولهانا ابيك ومابي اهلي وانا عصبت وانفعلت وانت غلطك جذي وانا ماتحمل ،،انا زوجياشوه قالي انا اقولج مابيج لان ابي اعرفرانج متمسكه فيني ،،مثل مااحنا الحريم نبي الامان حتا اهم بس مو كلهم يبينون انا زوجي الحمدالله وضحلي هالشي ان لما اقول بوديج لاهلج مو قصدي اوديج ولما اقول اكرهج ابيج تقوليلي احبك ،هااشي لاااازم تاكدين عليه بعلاقتكم انج تبينه ومو بايعته ،،لكن طريقتج من البدايه غلط حاولي تصلحينها حبيبتي

 

[خالتي قموش]

لما ازعل و بروح بيت اهلي
ما اعلمه اني زعلانه
اروح كزايره
يومين وارجع
تهدى اعصابي و اريح و ارجع
اروح مرات عند خواتي
ومرات انا اراضييه
المركب اللي فيه قبطانين يغرق
لازم واحد
ليش اعور قلبي
واتعب اعصابي
خلاص خليه يعصب ويهدى
والحين اسم الله علينا متفاهمين و عسل
لاني عرفت له
وهو يقولي تستاهلين
تدرين الكل قالي ما راح تتحملين
حتى هو قالي بنتطلق من اول شهر
بس الحمدلله عديت كله المصاعب و تحملت ودست على اعصابي عشان المركب يمشي

مو داشه حرب
اكسر راسه و مدري شنو
الافكار الخايبه
ردي بيتج وتعوذي من ابليس

 

[الـزين و الجـود]

المشاكل مافي بيت يخلى من المشاكل..
والعناد مايمشي مع عناد..
ليش مايصرف عليج !!
واهلج مكلمينه كذا مره وملوو


اذا بعد تدخل الاهل ماتعدل ليش صابره عليه..!!
الله يكتب لج اللي فيه الخييير​