ابي اجيب نسبه ابي اغير فكرة البنات عني

[مبتسمة للابد]

السلام عليكم ورحمة الله وبركااااته

لجميع العضوااااات في المنتدى

حبيت اجيب موضوع تسفدووون منه وانا بعد استفيد منه << بما اني طالبة مثلكم :eh_s(3):


في بنات كثيرين يكونون في كثير من مراحلهم الدراسيه مو شاطرات بالمدرسه

لكن لما يجيون بالثانويه ودهم يشدوووون حليهم لكن ما تعودا على هذا

تقول الوحده : انا طول عمري موشاطره بالمدرسه الحين بصير شاااااطره ما يصير

يعني عبارة يأس يمكن تدمر حياتها ومستقبلها وتقعد بعديين ببيت امها مغبره وما منها فاايده

لكن موضوعنا هذا رااح يكون تعااااااوني

اول شيء كل وحده فينا تقول جدولها << مو جدول ناقلته من موقع وجايبته لنا لا جدولك اليومي الي تسوينه دايم

يعني اول ما تصحين وش تسووين ووش فطورك اول ما ترجعين وش تسوين

طيب ثااني شيء نوعية الاكل ووش فايدته على الجسم والعقل والدراسه

طيب وثالث شي اناقتك كيف تكووووون بالمدرسه

ايه وبعد في شيء مهم نبي تجااارب البناااات الي ما كانوا شطار بالمتوسطه وبعدين شدوا حيلهم بالثانويه

وكيف قدروا على مسكة الكتاااب من بعد التطنيش << لان بعضهم مايقدروووون تكون المذاكره صعبة عليهم

وبعدين كم النسبه كاااانت وكيف صاارت

وتقبلوا تحياتي

هذه لكم :tek:

 

[m-3atboha]

شوفي اللي عندي

أول ششي انا وايد سعيدة اني اكون أول وحده ارد علييج
تبين تنجحين شوفي انا شسسوي
1- ابين للأبلة اني وايد مهتممة بمادتها يعني أجييب بححوث و أقعد أقولها انا مو فاهممة هالشغلة و ابيج تفهميني بسس أكلمها بقممة الأدبب
2- لا بغيتي تححلين الواججب حلي اججابة نموذجية و عندج مذكرات المشاعل وااايد يمدحونها و مالت جمعية المعلميين الوزارة تاخذ منها
3- انا وححده ما اهتم بالدراسسة بسس وقت الامتحان وايد اضغط على روحي و اييب درجة كاملة ضغطي على روحي من البداية عششان تريحين عممرج بعديين
4- في الامتحاان و هالششي ابي الككل يسسويه انا دايم اسوويه اذا محتارة بين اجابتين بالمقالي لا تكتبين الاولى بعدين تكتبين كلمة حل آخر الا هالكلمة لاحد يكتبها كتبي الاجابة الثانية تحتها ععلى طول
5- كتبي كل اللي بمخجج لا تخلييين ششي و اذا الابلة يت بالامتحان توضضح سألي كل الاسألة ترا هذا حقققج ..
6-انتي ياية لمدرسة عششان تدرسين مو مهم الاناقة انتي مو بعررس خللي اهتمامج كله بالدراسسة
7- اول ما تدشين المدرسة من الباب حطي ببالج انج راح تاخذين اجر من الله على اكتسساب هالعلم .. و خلوا نيتككم صصافية

و بسس الله يوفقنا انا وحده ما اهتم بنوعية الغذاء عادي عندي بسس كفائة شربي حليييب واييد و اكلي فوااككه
و اتمنى اني افدتككوم و ابيكم بس تقولون شغلة وحدده


جعل اللي ببال مناير يتحقق و تييب امتياز و ترفع راسس امها

 

[مآمثلك شبيه]

رد : ابي اجيب نسبه ابي اغير فكرة البنات عني

انا شدييييت حيييلي بالثانوية لأنه محتاجين نسبة

 

[Miss Invisible]

والله انا نفسج ابي استفيد
هم جذي كنت لاعبه لعب بالمتوسط والحين حييل ضاغطه على نفسي
قاع احس بالضغط واتضايق ويصير غلقه بس شي مخليني حيل استانس
انه انشالله هالتعب يطلع بنسبتي
ياا رب بناات ادعولي اييب نسبه :d
وموفقه حبيبتي

 

[نوناA]

حبيبتي انا كنت بالمتوسطة نعمممممه اذا خذت 80 والحين انا ب12ع ولله الحمدلله من دشيت الثانوي وانا امتيااز ماشاالله

والسبب اني قطيت الونااسة واللعب وراا ظهري وشديييييييت حيلي ودرست بس

موفقين

 

[مبتسمة للابد]

رد : ابي اجيب نسبه ابي اغير فكرة البنات عني

مشكورين ويجزاكم الله الف خير

 

[مهوويه]

رد : ابي اجيب نسبه ابي اغير فكرة البنات عني

انشاءالله اللي تبي تشد حيلها الله يوفقها >>>و اذا الوحده حاطه هدف براسها يعني اذا اهي من صج تبي هالشي رااااح تسويه باذن الله و الله يوفق الكل انشاءالله
V
V
V
عاجبني نكج >>>>>يحسسني بالتفاؤل انشاءالله تظلين مبتسمه ع طووووووووووول :eh_s(17):
:bye22:​

 

[m!ss.lonely]

الله يعطيج إلعآفيه ع آلموضوع إلحلوو
في بنآت شكثثر شدو حيلهم بس آنآ أقوول إلصج بـ عآشر لعبت لعب مو طبيعي
وتحسسسفت حييييل .. درجآتي كآنت زفت
وإلحين قآعده آشد حييلي على قد مآ أقدر والله يووفقنآ يآ رب
[ آنــآ بـ 11 أدبي ]

 

[مملوحه السهول]

رد : ابي اجيب نسبه ابي اغير فكرة البنات عني

انا بـ النسبه لـي مآلـي جدول يعني على حسب المزاج ،،

 

[عذبة الآطبعـ]

رد : ابي اجيب نسبه ابي اغير فكرة البنات عني

انا ما عندي جدول دراسي
انا الحين ب12
بس بالامتحان اضغط ع نفسي حييل وايب درججات زينه الحمدالله

الله يوفقنا ادعولي ايب نسبه ترفع الراس

 

[【华】Miss Moodry]

رد : ابي اجيب نسبه ابي اغير فكرة البنات عني

امم ثانكس ع الموضوع
وبقوولج جدولي اليوومي بس موو تستغربين منه
انا طالبه من لمى كنت بالابتدائي متفوقه وولا مره نزلت عن الامتياز
وفووق هذا كلللله مشااغبه ملقووفه ع الاخررررررر
جدوولي اول ما اقعد الساعه خمس الصبح >> لا تستغربين لزووم الكشخه
تفعدني الوالده بالغصب اغسل فيسي ما احب اتريق ارووح ركض لداري اعيد على شعري بالستريت واظبطه
البس مريولي المدرسه البس اكسسواراتي واتعطر
وبعد معاناه من الوالده اطلع من داري عشان اداوم
اووصل المدرسه املغ افصل استعبط ع الابلات بالحصص عاادي الحياه ايزي عندي
وبعدين رووتين يوومي
واول ما ارد البيت اتغدى وانام واقعد الساعه 10 او 11
وابطل المسن وماادرس وايد
بس اذا في امتحان ادرس ساعتين واذا صعب خمس ساعات هذا اذا متعبه روحي
وانام الساعه 4 الفير واعيد الرووتين نفسه
والحمدالله متفووقه ونسبتي عاليه حييل
وبس ادري طولت عليكم :$

 

[【华】Miss Moodry]

رد : ابي اجيب نسبه ابي اغير فكرة البنات عني

تقعدني *** >> تعديل

 

[【华】Miss Moodry]

رد : ابي اجيب نسبه ابي اغير فكرة البنات عني

بنااااااااااات ما انصحكم تسووون مثلي
لانه يمكن تعيدون السسسنه خمس مرات
لوووول
الكل مستغرب مني ومن جدولي هذا

 

[مبتسمة للابد]

رد : ابي اجيب نسبه ابي اغير فكرة البنات عني

:33_1185028183: مشكورين حبايبي :33_1185028183:

 

[مبتسمة للابد]

رد : ابي اجيب نسبه ابي اغير فكرة البنات عني

ايه حنا نبي تفاعل مع الموضوع يعني نبي نكووون بنااات فله مثل ما كنا بالمتوسط وفي نفس الوقت متميزات بالدرااسه

ونبي نعيش الثاانويه بكل شيء فيها يعني انا اعترف بأن المدرسه لازم تكووون مكااااان للدراسه لكن في نفس الوقت نبي

نهتم بأشكالنا شوي



وتحياتي لكم

 

[e.ngland]

رد : ابي اجيب نسبه ابي اغير فكرة البنات عني

مشكوره ع الموضوع
انا مو شاطره بس احاول اشد حيلي كثر ما اقدر
انا ب 11
والحين امتحانات مو نص سنه ولا فاينل
فتره وشاده حيلي وهالكه عمري بالدراسه والله ما اطلع من الغرفه
جني قاعده ادرس للفاينل
لأن جد جد محتاجين نسبه بالثانوي وخلص وقت اللعب

 

[fo0o$hy]

رد : ابي اجيب نسبه ابي اغير فكرة البنات عني

مشكورة ع الموضوع انشاء الله اشد حيلي هالسنة ~~>>>> ادري بس كلام
لوووووووووووووووووووووووووووووووووووووول

 

[Miss-shino]

رد : ابي اجيب نسبه ابي اغير فكرة البنات عني

حبيبتي انتي عسسى الله يوفقج ,


انا صرآحه صرآآحه ما ادرس كلللللللش ومع اني شآطره وذكيه مآشآءآلله ,



لاني كنت مو حآبه المدرسه وماعندي هدف معين كنت اقول ليش ادرس شنو استفيد !


بس بعدها حطيت ببآلي الجامعه الي ابيها والتخصص ,


وفكرت بالمسستقبل خلي نظرتج مستقبليه , ولما تدرسين مثلا مآده الاحيآء ,قولي انا ادرسها مو عشان الدرآسه لآ ادرسها عشان تفيدني بحيآتي ,


واذكري الله بكل وقت وصلي وأدعي ربج وأحمديه , لا تقولين اببببببببدآ ان الماده صصعبه ,


والله والله ربي يشششهد انه الانقليزي ماكنت دارسسته لظروووف وخذيت درجه حلووووووه ,


لانه حطيت ببآلي سهل , وحتى وأنتي تمتحنين قولي لا سهل سهل انا ذاكرته واعرفه بس بركز



واهم ششي التركيز مع الابله مهم مهم مهممممممم وردي ورآآجعي الي قالته جنج تقرينه تسسليه والله جد !



وساعدي نفسج بنفسج , كتبي على ورقه اقدر اييب 100%


انا شآطره , ذكيه , الدرآسه ونآسسه ,




ولا تخلين أي احد يأثر علييج او ينزل من مستوآج حتى لو رفيجآتج قالو غبيه انتي قبل ما تعرفين ,




وحطي ببآلج هدف معين مثلا هندسه بترول :$ , << يآآآآرب انجح




وعسى الله يوفقج ويسسهل عليج وتيبين نسسبه حلووه ~

 

[مبتسمة للابد]

رد : ابي اجيب نسبه ابي اغير فكرة البنات عني

مشكورين حبايبي حمستوني للدراسه بروح ادرس الحين هههههههههههه

 

[PO PO22]

انا متفوقه من يوم كنت بالابتدائي والحين انا بـ11 تقدرين تقولين عني فاشله صرت اكره الدراسه بشكل فضييييييييييع


الله يهديني