ابي اجي الكويت تساعدوني بليز

[مدام الدكتور]

السلام عليكم ورحمه الله وبركااته


شخبااااركم بنااات


اعرفكم بنات الكويت راعيات فزعات ويتكل عليكم وبنات منتدى كويتيات ماتقصروووون


حبيباتي حبييييت تحطووون لي جدول طلعات ومحلات سياااحيه بالكويت


لاني جايه للكويت انا وزوجي بأذن الله لمده 4 ايام وحبيت استانس فيهم


وابي نااادق رخاص لان المدة قصير ولانه بطلع من الصبح ليم الليل يعني الندق بس للنوم

فاتمنى تفيدوني :yaaaaaarb:

 

[catwiti]

بالنسبه للفنادق شوفي موقع booking يحطلج الاسعاار والفنادق الموجوده

اماكن سياحيه بحطلج جم مكان من الي فبالي
ببدي بالكافيهات والمطاعم
عندج موفمبك البدع هنااك تلاقين كافهات ومطااعم حلوه وتونسس
والمطاعم عالخليج مثل جيليز و فرايديز و ابل بيز وبرج الحمام والابراج وشرمبي و عبدالوهاب هذا لبناني وفيه غيرهم
و المارينا موول اهو سووق وفي الجهه الي صووب البحر يسمونه المارينا كرسنت ك ومطااعم بره القعده حلوه وتطل عالبحرر

غير المطاعم عندج بيت دكسوون اهو متحف صغيير داخله بيت كويتي قدييم بس صغير مو كبير وداخله مطعم اكل كويتي اسمه بيت دكسون
والمركز العلمي فيه الاكواريوم و مدينه الاستكشاف و سينما الاي ماكس اكبر شاشه بالشرق الاوسط ( مادري ليلحين ولا فيه اكبر منها لوووول ) والافلام كلها ثري دي طبعا افلام وثائقيه مو افلام عادي
واذا حابه تشوفين معاارض عندج معرض بيت ديفاا مجاابل مستشقى الاميري الي عالبحرر
وبالنسبه للمجمعات عندج الافنيوز والكوت وشرق والمارينا والمهلب
ممم هذا الي فباليي
ان شاء الله البنات الباجي يفيدونج اكثر
وشوفي المواضيع المثبته بالقسم راح تفيدج وايد

 

[Miss independent]

كتبتلج رد طول وانمسح
يلا ماعليه بعيده

الفنادق ماعندي علم انا اشوف البنات يمدحون فندق ديل كوستا الي بشارع الخليج يقولون رخيص ونظيف بس هم تأكدي
اول يوم خليه بالسالميه لا تبعدين
اول شي اخذيلج فره بالسياره على شارع الخليج تاخذ معاج ساعه الا ربع
بعدين روحو حق مجمع المارينا كرسنت
هذا مجمع كله مطاعم حلوة
روحو تريقو
انا ارشحلج زعتر و زيت
بعدين روحو عبرو بالجسر حق مجمع مارينا مول
هالجسر يربط بين المجمعين من غير ماتطلعين برا وانتي تمشين فيه تشوفين شارع الخليج تحتج

بعدين تمشي شوي بالمجمع حلوة محلاته عالميه وبعدين قعديلج بكافيه لونتر او ستاربكس شربيلج جاي او كوفي

واذا تبين تتغدين انا انصحج تروحين مطعم فريج صويلح اهو بالسالميه صاير ورا المارينا من داخل مو من صوب البحر
هالمطعم يقدم اكلات كويتيه شعبيه حلوة اعتقد راح يعجبج

بعد ماتخلصين روحي الفندق ارتاحي
العصر روحي مجمع 360
هالمجمع راقي وحلو حرام يتطوف
دايما تلقين فيه تحت بالنص معارض دشي المعارض الي فيه
وفي كافيهات ومحلات هم راقيه
فوق في سينما ومطاعم اشكال والوان
واغلبها حلوة
بس انا انصحج تحت في مطعم اسمه اوبن فليم كتشن الكل يمدحه ومن الزحمه لازم حجز
انا انصح اذا بتروحين اول شي تحجزين بالمطعم بعدين روحي شوفيلج فلم ولا قعديلج بكافييه ولا تسوقي

تحت بالسرداب في سوبرماركت ومحل العاب اذا بتشترين حق عيالج
انا مادري معاج يهال ولا لا عشان انصحج باماكن بعد
اعتقد سويتلج جدول حق يوم كامل

 

[el7ob Klah]

البنات ما قصروا

بس اذا تبين فندق عادي جداً ورخيص

عشان يكون فقط للنوم والراحه عندج فندق كروان بلازا

يطل على شارع الخليج والشارع هذا على البحر صوب جون الكويت

سعر الليله بالفندق 50 دينار وكل المجمعات والمطاعم والبحر مقابل الفندق

 

[Miss independent]

ثاني يوم تريقي بأي مطعم
انا احب ماكدونلدز
او روحي حق المركز العلمي بالسالميه فيه كوستا تريقي وبعدين دشي الاكواريوم والسينما
بعد ماتخلصين تمشي شوي ع البحر برا ولا روحي القهوة الشعبيه
الغدا يعتمد شنو تحبون اكل امريكي هندي فرنسي صيني
بس هم حلو تروحين مطعم مغل محل هذا ماكو كويتي مايحبه لول
بريانيهم حلو مع الجكن بتر ولا تنسين التش تش ضروري تطلبينه
المغرب لما يحلا الجو روحي سوقي المباركيه هذا سوق شعبي
كل شي فيه رخيص شربيلج استكانة جاي وتسوقي
وتطمشي راح يعجب ريلج كله مسابيح وخامات دشاديش
عقب روحيلج اي مطعم من المطاعم الي فيه اهما وايد ساحه كلها مطاعم يم بعض وتعشي فيه مشويات

 

[زبده]

اهلا فيج حبيبتي
الفنادق اذا تبين شي زين موغالي عندج كراون بلازا او فندق مارينا او النخيل او موفيمك البدع
اذا غالي عندج فندق ميسوني توه يديد و عندج الراية و الشيراتون
المجمعات 360 مول فيه فوق برجر كمبني فضيع الافنيوز فيه وااايد مطاعم مثلا عندج غاوشو غريل ستيكات اينن
لازم تروحين سبونز بعشا يوم اهوا بعيد صوب الفنطاس بس مجمع مطاعم حلو وايد
مارينا مول سوق شرق الابراج و عندج النادي العلمي
و حياج الله

 

[Miss independent]

خلي يوم كامل حق الافنيوز لانه كبير وايد وياخذ وقت
روحي تريقي بأي مطعم فيه شكبره مشالله ومتروس مطاعم وبكل زاويه تلقين ستاربكس
انا عن نفسي احب اتريق بالمقهى الانجليزي صج غالي بس يسوا راقي وهادي وحلو ريوقهم اعتقد يسكر 11
بعدين تمشي انتي وكيفج الافنيوز شكبرره كل شي فيه محلات ماركات عالميه محلات عالميه عاديه نفس زارا ونكست
انا انصح تتسوقين من الافنيوز بعد الحين السوق كله سيل استغلي هالفرصه
اذا معاج يهال لعبيهم ببروي وماجيك بلانت مادري شسمه
عقبه تغدي بردهة المطاعم ولا شوفيلج اي مطعم كل المطاعم الي تخطر على بالج تلقينها

 

[Miss independent]

يحليلي والله قرقت ولا بعد عندي حجي اقوله خخخخخخخ

اذا ودج تكملين بالافنيوز كملي ولا خل تقترحلج وحده من البنات مكان لان مادري انا عندي الافنيوز ياخذ يوم كامل

اخر يوم او النص يوم اللي عندج اذا كنتي يايه سياره حلاته تخلينه جذي روحي مجمع الكوت بالفحيحيل هالمجمع قعدته صوب النافورة حلوة بطلي قوقل وكتبي مجمع الكوت تطلعلج صورة قعداته برا حلوة تغدو بمطعم ميجانا داخل مطعم لبناني اكله حلو يطل ع البحر واسعاره معقوله وبعدين روحو مجمع المنشر مشي اهووا جدام مجمع الكوت حلو حق تمشي في محلات تحف فيه العاب اطفال فوق

الكويت متروسه اماكن سياحيه والله تعبت وانا اكتب اذا تبين شي قوليلي حبيبتي وانشالله تستانسون =)

 

[كـويتية]

والله البنات كفووا ووفووا

بس ماحبيت اطلع وماارد

تريقي بالابراج واييد رووعه تريقت مرة عنده او تريقي في مطعم البلد مطعم لبناني واايد رووعه

وعندج المسرحيات يمديج على مسرحية طارق العلي لانها طوال السنة جنه

والمجمعات عندج الافنيوو وشرق والمهلب و360 والبيرق والبحر سنتر وسوق السالمية وشكثر مجمعات

والمطاعم عندج ميس الغانم ينن اكله فضييع وعندج فريج صويلح وعندج مطعم الستينات حق المجابيس رووعه

وعندج الهيثم للاكل الهندي يعجبج بالبرياني وعندج البلد وسوليدير مطاعم لبنانية رووعه وعندج مطاعم واايد حلوة اما اذا تبين ساندوجات مري شارع المطاعم بتلقين اللي يعجبج واذا انتي من اللي يحبون البيتزا عندج مطعم بيتزا هت او بيتزا دومينيز وايد ييننون هالمطعمين يضبطون البيتزا

اماا الفنادق عندج كروان بلازاا رووعه ونظيف اليووم يمكن 60 او 50 دينار
وعندج فندق النخيل ينن رحتله مرة قعدت فيه يومين يينن رووعة وعندج فنادق واايد رخاص

وعندج المركز العلمي دشيه يينن داخله فيه اكواريوم وشاشة ماكس مادري شسمها بس رووعه وداخل في مطاعم مثل بيتزا هت وبرجر كنج وفي عطورات الشايع اذا تبين تشترين وفي صالة الاستكشاف حق اليهال يلعبوون يعني واايد واايد حلوو المركز العلمي رحتله واايد واخر مرة رحتله قبل 4 ايام

ويبيلج تروحين بحر العقيلة بالمغرب جذي تشوفين الشمس وهي تغرب وتقعدين انتي وريلج تشربين هالاستكانة شاي وعقبها اذا يت الساعة جذي 8 حطي عدة الشوي وشمي هاذيج الريحة ريحة الشوي يم يم

وعندج السينما على يوم مريها شوفي لج فلم بموقعهم بالنت كتبي سينسكيب ويطلعلج الفلم والوقت وسعر التذكرة مري شوفي الفلم ياخذ ساعة ونص ساعتين استانسي فيهم

واذا كنتم فاضين وجووكم حلوو حجزوا شاليهات عندكم شاليه خليفة وااي شكثرر يينن رحتله قبل اسبوع واي مااقدر اوصفلكم وناستي قعدنا فيه يومين حجزولكم يوم استانسوو فيه وسبحوو هههه

ولاتنسين تروحين الكوت يينن جدام النافوورات واذا حبيتي تدشين السوق دشي واشتريلج جم غرض
واذا حبيتي تعشين او تغدين فوق فيه مطاعم شكثر منهم مطاعم ماكدونالدز وبرجر كنج وهارديز وجنه فيه الخباز مادري فتوش وجنه جنه فيه مطعم كودو ولاني غلطانة ماني متذكرة بس جني لمحته اخر مرة يوم رحت للكوت فوق واذا حبيتي تطالعين فلم اكو هناك سينماا استانسي بالفلم

وسووري على القرقة الزاايدة ههههههههه

واتمنى افدتج

 

[كـويتية]

والله البنات كفووا ووفووا

بس ماحبيت اطلع وماارد

تريقي بالابراج واييد رووعه تريقت مرة عنده او تريقي في مطعم البلد مطعم لبناني واايد رووعه

وعندج المسرحيات يمديج على مسرحية طارق العلي لانها طوال السنة جنه

والمجمعات عندج الافنيوو وشرق والمهلب والبيرق والبحر سنتر وسوق السالمية وشكثر مجمعات

ومجمع 360 اول ماتدشين دشيلج كوفي تقهوي فيه واستانسي وعقبها تسوقي بهالمحلات واذا
خلصتي طبعا ماراح تخلصين من كثر هالمحلات اقول اذا خلصتي روحي فوق في مطاعم وايد تعشي
في واحد منهم وعقب اذا تبين تشوفين فلم جنه داخل المجمع سينما وعقب اذا تبين تشترين ماجله
للبيت تحت بالسرداب فيه جيان جنها جمعية بس وااي تييننن فيها حركات احلى من الجمعية العادية

والمطاعم عندج ميس الغانم ينن اكله فضييع وعندج فريج صويلح و مطعم الستينات وفريج عقاب
هاذولا حق المجابيس رووعه

وعندج الهيثم للاكل الهندي يعجبج بالبرياني وعندج البلد وسوليدير مطاعم لبنانية رووعه وعندج مطاعم واايد حلوة اما اذا تبين ساندوجات مري شارع المطاعم بتلقين اللي يعجبج واذا انتي من اللي يحبون البيتزا عندج مطعم بيتزا هت او بيتزا دومينيز وايد ييننون هالمطعمين يضبطون البيتزا

اماا الفنادق عندج كروان بلازاا رووعه ونظيف اليووم يمكن 60 او 50 دينار
وعندج فندق النخيل ينن رحتله مرة قعدت فيه يومين يينن رووعة وعندج فنادق واايد رخاص

وعندج المركز العلمي دشيه يينن داخله فيه اكواريوم وشاشة ماكس مادري شسمها بس رووعه وداخل في مطاعم مثل بيتزا هت وبرجر كنج وفي عطورات الشايع اذا تبين تشترين وفي صالة الاستكشاف حق اليهال يلعبوون يعني واايد واايد حلوو المركز العلمي رحتله واايد واخر مرة رحتله قبل 4 ايام

ويبيلج تروحين بحر العقيلة بالمغرب جذي تشوفين الشمس وهي تغرب وتقعدين انتي وريلج تشربين هالاستكانة شاي وعقبها اذا يت الساعة جذي 8 حطي عدة الشوي وشمي هاذيج الريحة ريحة الشوي يم يم

وعندج السينما على يوم مريها شوفي لج فلم بموقعهم بالنت كتبي سينسكيب ويطلعلج الفلم والوقت وسعر التذكرة مري شوفي الفلم ياخذ ساعة ونص ساعتين استانسي فيهم

واذا كنتم فاضين وجووكم حلوو حجزوا شاليهات عندكم شاليه خليفة وااي شكثرر يينن رحتله قبل اسبوع واي مااقدر اوصفلكم وناستي قعدنا فيه يومين حجزولكم يوم استانسوو فيه وسبحوو هههه

ولاتنسين تروحين الكوت يينن جدام النافوورات واذا حبيتي تدشين السوق دشي واشتريلج جم غرض
واذا حبيتي تعشين او تغدين فوق فيه مطاعم شكثر منهم مطاعم ماكدونالدز وبرجر كنج وهارديز وجنه فيه الخباز مادري فتوش وجنه جنه فيه مطعم كودو ولاني غلطانة ماني متذكرة بس جني لمحته اخر مرة يوم رحت للكوت فوق واذا حبيتي تطالعين فلم اكو هناك سينماا استانسي بالفلم

وسووري على القرقة الزاايدة ههههههههه

واتمنى افدتج

 

[meme>the best]

البنات ماقصرو .....

بس إذا بتيين الكويت لاااااازم تروحين للأفنيوز و 360والرايه افضل امااااااكن للتسوق والشراء يغنونج عن كل المجمعات

وانصحج *بمجمع الكوت انا مااشتري منه شي بس اروح عشان قعداته حلوووووه وتشرح الصدر عالنافوره وستاربكس بعد مكانه حلو

واكو مناره اذا صعدتيها بتشوفين منظر وايد حلو اممممممممممم والمطاعم انا احب فريج صويلح خدمه خمس نجوم 

اممممممم إذا تبين لعيالج ماعرف اماكن حق اليهال عندج حولي بارك حلو وبمجمع الافنيوز قسم لليهال بيستانسون اكيد اسمه بروي

وبس قلتلج الأماكن ألي احبها بس نصيحه اذا بتشترين لا تشترين الا من الافنيوز و360 والرايه انشاءالله افدتج

وحياااااااااااااااااااااااج بتنورينا انشاءالله تقظين اوقات سعيده *

 

[غادة الحلوه]

البنات ماقصرو كفو وفو
بقولج كذا مجمع
الافنيوز حلو وفي كل شي واكثر حق اليهال والمطاعم وايد بالافنيوز
360مول ،الكوت،المنشر،المهلب،البحرسنتر،دسكفري،المارينا مول ،شرق
الاماكن الترفيهيه
المدينة الترفيهيه،ماجيك بلانت،حولي بارك،الاكوابارك،المسيله
ان شاء الله افتدج

 

[غادة الحلوه]

نورتي الكويت يالغاليه*

 

[انا و بس]

بالنسبة للمجمعات انا ما أنصحج في مارينا و شرق لأن قدم وبس مارينا موقعة حلو
بس لازم تروحين الافنيوز اكبر سوق بالكويت وفيه كل المطاعم الي في بالج و360 هم حلو بس مافي كل شي نفس الافنيو وبس

 

[انكسر خاطري]

اي زين حبوبات بعد اذن صاحبة الموضوع

انا بعد بزور الكويت بعد شهر ان شاءالله بس ممكن تقولو الدينار الكويتي كم يساوي بالريال السعودي لاني حدي ماعرف شي

يعني فرضا بشتري غرض بدينار...كم ريال يصير

 

[Madrideya ~]

مآ قصروآ البنوتآت

welcome to kuwait city

 

[عيد الفرح]

فديت بنات ديرتي والله قلوبهم طيبه وذربات فزعو من قلب وصاحبة الموضوع ماعلقت لو بكلمة شكر شدعوه ياحافظ البنات ماقصرو معاج عبريهم لو بكلمه
مو تقرين العناوين واطنشينهم