ابي اخلي التمر على شكل اسطواني صغار مو الطريقه المعتاده كور-ساعدوني

[برنسيسة2007]

السلام عليكم
كويتيات محتاجه تدلوني على صينيه تخلي التمر شكل اصطواني صغار بحاول افهمكم:
وحده لقيت عندها تمر حاطه عليه من بره فستق وبعظهم اةريو وبعضهم سكر مطحون المهم انا عادي اسويها بس شكل دائره
لكن هذي التمر شكله اسطواني مرتب والقاعده اعرض من الاعلى
مرتب حيل حيل وموراضيه تقول الله يسامحه شلون شكلهم مرتب عاد انا والله محتاجه لان التمر هذا دايما يوميا اسويه لزوجي ياخذه الدوام يعني ماراح اسوسه لناس مثلا فمادري ليش موراضيه تقول شلون شكلهم مرتب
سالت وقالولي قوالب ترصهم داخلها بعدين تقلب الصينيه وتطق طرفها بالطاوله فيطيحون
بحثت بالنت لقيت قوالب المعمول وتجي مفلطحه وعريضه فياريت وحده ترشدي ابي قوالب تمر اتخلي التمرة اسطوانيه مرتبه حيل
جزاها الله الجنه ورزقها من حيثرلاتحتسب اللي تساعدني
بنات يمكن في طريقه مو صينيه او اداة فيدوني فيها بليز

 

[جارة القمر]

وعليكم السلام


انا اتوقع تقطعه بقطاعه

المقادير ::

3 كوب دقيق

نص كوب زيت او مقدار فنجانين قهوه

2/1 كأس ماء (للعجن)

4/1 كأس ماء دافيء (لتذويب الخميره)

1 ملعقة ك بيكنج باودر

1 ملعقه ك خميرة

2/1 ملعقة ك سكر

ربع ملعقه (ص) ملح




للحشوه:

تمر خالي من العجوة مضاف له شوي زبده وقرفه.

ذوبي الخميره بالماء مع السكر ثم نتركها ربع ساعه ثم نضيفها الى باقي المقادير ونعجن حتى نحصل على عجينه مرنه وناعمه ثم نتركها تترتاح لمدة نص ساعه .
نفرد العجينه ثم نبرم التمر ونضعه على طرف العجينه .

نلف التمر بالعجينه حتى يغطي التمر .

نقطع العجينه ويكون شكلها اسطواني .

نقطعها على شكل اصابع طول الواحد تقريبا 5سم او حسب رغبتك .

نخفق بيضه ونغمس الاصابع فيها او ندهنها دهن بالبيض ونغمسها باي شئ تحبينه من المكسرات

(الجوز هند _ فستق _ لوز مبشور _ رشة قرفه _السمسم)

ندخلها الفرن الى ان تستوي وتتحمر زين وهذا شكلها بعد ما طلعت من الفرن.

خليها تبرد بعدين رصيها في صحن التقديم او احفظيها بعلب بلاستيكيه مفروشه بالورق

منقوووووووووووووول

 

[أحلى همبه كويتية]

شكرا جارة حبيبتي




انا عندي قوالب طوالية
تلاقينهم بالأسواق الشعبية
مثل المحاميد - سوق الحميضية بالسرداب وغيرها كثير

حتى يكونون بلاستيك مو خشب مثل الأشكال المدورة وصناعة سورية

 

[الشيف نانا]

قصدج مثل اللي بالصوره..؟
حبيتي انا اسويه بقوالب الثلج,,

 

[Miss Cherry]

قوالب الثلج لبسيها بلاستيك اللي يجي برول وحطي فيها التمر لما تاخذ شكل القالب بعدين اقلبي البلاستيك بيخليه يطلع بسرعة مايلزق