ابي ارائكم لغرفتي اليديدة

[*ندى الورد*]

صبــاح الخيــر :eh_s(17)::eh_s(17): شلونكم

راح احط لكم صور اثاث غرفتي اليديدة وانا محتاجة مساعدتكم مادري شنو احط بعد :eh_s(2):عشان اكسر اللون وكيف انسقها ياريت تساعدوني :eh_s(9):

بسم الله :ggdw:











وسلامتكم:eh_s(22):

 

[فوفو الدلوعه]

حلووووووووووووووووة
عليك بالعافية

 

[*ندى الورد*]

"فوفو الدلوعة":eh_s(22): الله يحلي ايامج ياربي

 

[كذبـ a ـك حلو]

حلوو الاثاث ما شااء الله عليج بالعافيه

بس يبيلها شوية شغل يعني دخلي عليها شغلات سلفر

بس ما شااء الله وايد حلووه عليج بالف عافيه

 

[دغبووجه]

ماشاء الله اتينن تتهنين فيها ياقلبي

دخلي عليها الوان تحييها مثل التركواز او الفوشي او المووف

ولو تغيرين الستاره احسن لان ستارتج كلاسيك وغرفتج موودرن فالافضل تشوفين ستاره مناسبه للطقم

ولاتحتارين الابيض كل شي حلو معااه

وعوووافي

 

[بشوررره]

ماشالله الاثاث وايد حلو وناعم عليج بالعافيه

 

[_زينه_]

حلوووو

اكسريه بالالوان العسليه او درجات البني

لان جنه بردتج لونها زيتي

ف حلو معاها العسلي او البيج

 

[MiSS B.K]

انا اقول كسري اللون بصبغ الطوفه وغيري الستاره

تتهنين

 

[*ندى الورد*]

فوفو الدلوعه , كذبـ a ـك حلو ,دغبووجه , بشوررره , زينه , MiSS B.K
يعطيكم العافيــــة ياربـــــــي ماتقصروون ^^​

 

[حروف الأمل]

دخلي اللون البنفسجي راح تكون روووووووووعة

ومباركة عليك

 

[خليجية11]

ابحثي عن صور غرف مودرن راااح تفيدك اكثر


بس حلوة الغرفة
دخلي معاها سلفر وبنفسجي مثلا

او دخلي معاها احمر وبني محروق

تتهنين فيها

 

[أم@الحلوين]

ماشاءالله
روعه
عليج بالعافيه

 

[Om_Ksha]

حلوووو اثاث مييداااس احبه .. انا عندي لو الطوفه تنصبغ وردي يصير احلا ..

بس لانه بردتج زيتيه اقتراحي انه تحطين ولل بيبر بييج على نقشه ملكيه يطلع واااااايد حلووو .. لو مثلا ماتبين الغرفه كامله بس ورا السرير والباجي ينصبغ بيج ..

 

[جني الحلوة]

حلوه ماشاءالله غرفتج هي كلها من ميداس لان شكل الكبت من ايكيا ......لو تغيرين استارتج يكون احسن انا غرفتي مثلج لونها ابيض وحطيت ورق جدران لون اسود من ورا السرير وباقي الغرفه ورق ابيض والصراحه اطلعت فضيعه حتى استارتي خليت لونها ابيض بسلفر والزل حطيته ابيض الصراحه غرفتي اطلعت مسلسل تركي هههههههههههه

 

[...صاحبة سمو]

ماشاء الله حلوه انا بشتري غرفه ومحتاره بين الابيض او الاسود راح اختار ابيض وايـــــــــــــــــــــــد حلـــــــــــــــــــــــــــــــــــــــــــــــوه​

 

[Om_Ksha]

دورت على شكثر صور عشانج وحفظتهم بس ياربي ابي موقع تحميل سنع انزلهم !!

 

[Om_Ksha]

بجرب احط هاذى اذا صار اكمل الباجي ..

http://www4.0zz0.com/2011/03/28/19/772247736.jpg

بس يريت موقع تحميل سنع هذا بطيء ومليق

 

[أيسكريم باالشطه]

الون البنفسجي المووف احس روعه يطلع

 

[*ندى الورد*]

ثانكــس حبوبات عالمشاركة والله يعطيكم 1000عافية حروف الأمل , خليجية11 ,أم@الحلوين ,Om_Ksha , جني الحلوة , ...صاحبة سمو ,أيسكريم باالشطه ...

جني الحلوة : غرفتي مو من ميداس انا خذتها من محل بالامارات ^^ قاعده اتخيل شكل غرفتج اكيد طالعة وآآآو تتهنين فيها..

صاحبة سمو: الاثاث الابيض احسه دارج هالايام ويناسب البنوتات *_^ ..

قررت احط سوفا بلون العسلي بني فاتح وعليها مخدات بلون الاصفر والخياري وان شاء الله انزل الصور بعد التعديل :$

ثـــانكس فديتكن بنات احلى منتدى *كـويـتـات*:eh_s(7):​

 

[F.L.O.N.A]

حبووووووبة غرفتج بصرااااحه وبدووون مجاملات رووووووووووعه ..

بس الستارة احس مالها شغل < لا تزعلين ..

وبالنسبة للالوان دام الاثاث ابيض كل شي حلو عليه ... واتوقع احلى شي ( بيبي بنك مع ابيض او اوف وايت ) ( تركوازي البحري ) .. او بنفسجي <<< قممممممة الاناقة مع الابيض

شوفي هالصور وان شاء الله يفيدونج

شوفي هذا اللون الوردي وااااايد حلو وراقي مع الابيض ..

في وحده من البنات اهني بكويتيات كانت حاطه غرفتها نفس غرفتج بالضبط من ايكيا وصابغة هاللون واااااااااايد حلو حيل عجبتني ... شووووفي .. واخذي فكرة

وشوفي هذا البنفسجي مع الابيض ..

واذا كنتي تحبين الالوان الترابية ... ترااا موووضه هالايام وحلوين بعد مع الابيض وتدخلين لووون ثالث يكسر مثل الفوووشي او التركواااز او الاخضر الليمووني

وهذا التركوااااااز

وعندج الاخضر الليموني افاتح

وبالنسبة للستاير خليهم بسيطين .. روووول او شي ناااااعم احلى من الستاير الكلاسيك