ابي ارائكم و خبراتكم بتجهيز لاستقبال الولاده

[uM-ThNaYaN]

بنات انا اليوم قعدت اسولف مع زوجي عن الولاده و الاستقبال والمصاريف اللي نحتاجها و قلتله ما ادري بس ابي المبلغ الفلاني ..
اتصلت بعدها بأمي ابي اتأكد جان تقوللي لاااااا شويه و يمكن مايكفي لازم تشترين اغراض و ماري شنو
بنات شنو تجهزون للاستقبال ؟
اليوم امي تقولي استكاين للجاي و مطارات و مادري شنو كل هذا ما فكرت فيه

بنات كل وحده تقولي عشان نسوي لسته حق كل البجريات يستفيدون و نسوي لسته
مشكورين

 

[uM-ThNaYaN]

شدعوه بنات خلونا نستفيد خو

 

[Dark SouL]

حياتي اذا ناوية تسوين استقبال قطيي قطة محترمة يعني يبيلج خدمة اهما يسون لج كل شي مثل الحلو والمعجنات واهما يسون لج الجاي والقهوة والحلو

 

[uM-ThNaYaN]

خدمة الجاي والقهوه اكيد هذي بس الحلو و الموالح اكيد انا بييبهم من بره ..

ابي اعرف شنو المواعين و الاشياء اللي لازم اشتريها و اجهزها هم كل هذا يبييله ميزانيه

 

[lo0ola]

ٌُإذا بجرية يبيلج :
مطارتين للشاي والقهوة , صواني للشاي وكلاسات العصير والماي , طقم استكانات وفناييل وكلاسات ماي وعصير وقند الشكر

صواني حلو , ومواعين صغيرة للمكسرات اللي علي الطاولات وهالأشياء

مفارش مع الكفر

فازات و ورد وشموع مثلاً

التوزيعات

الهدوم اللي تستقبلين فيها الناس

تجهيز الياهل : مهادات وفنايل وبجامات وكبابيس وهدوم تستقبلين فيها الناس

جنطة كبيرة للياهل وثانية صغيرة

الجيس مال البيبي واحد عملي وواحد كشخة

مميات ومطارات والمقسم مال الحليب وجهاز التعقيم

وبس هذا اللي أذكره

 

[uM-ThNaYaN]

مشكوره حبيبتي ماقصرتي .. الله يتمم عليج و تولدين بالسلامه

بعد بنات يالله شدو الهمه لوووول

 

[بنت التوخذه]

يبيلج ميزانيه معينه بس نصيحه خلي كل شي ناعم

 

[uM-ThNaYaN]

اي انا ابي كل شي ناعم و بسيط بس كل شي غالي الحين و امي متنحه تبي تسوي شي حلو و قاعده اسوي لسته شنو بشتري عشان اقول حق زوجي جم ابي بالضبط و ما اعرف شي :/

 

[auoma]

والله اذا اول بيبي يبيلج قطه سنعه يعني وايد اشياء تحتاجينها *

 

[فلافل وبطاط]

يبيلج ستاند وتوزيعات
كفر استقبال وملحقاته + لبسج ولبس البيبي
مطارة شاي وقهوه واستكاين وفناييل وقفاش وسكريه طقم سنع
قلاصات ماي وعصير ...
حلو ومعجنات + سكر + كوكيز + مكسرات + ماي لقاح + ماي زعفران >>> فناتق زياده
ممكن ميني كبب + ميني ورق عنب .. انتي شوفي واختاري شنو بتوزعين ...
ورد او بالونات او فازات سمج او انتيكات انتي وشنو حابه ...
اذا تبين صحون حق المعجنات والاشياء اللي تتوزع ...
مفارش طاولات + صواني تقديم ...

امممم ماذكر بعد ... بس ذكرت اللي انا حايسه فيهم

طبعا غير اللبس العملي للبيبي ... ولج لفترة النفاس والمستشفى...
ولاتنسين جيسة (مدس) تقديم البيبي ...

اغراض الجمعيه لج وللبيبي ... تحتهم وايد تفاصيل بس انتي طالبه
بس للاستقبال ...

ان شاءالله فدتج باشياء والبنات مايقصرون معاج ...

 

[uM-ThNaYaN]

فلافل بطاط مشكوره ما قصرتي حبيبتي بس بنس الوقت امي تقول الياهل ما يبيله مدس ولا شي لأن استقبال بالمستشفى تقول الياهل بالحضانه و هدوم و مهادات العاديه .. مادري اذا فهمتيني لوول :×
انا فكرت اذا بحسب الغرفه بمستشفى السلام و الفلوس ملوت الولاده ليش دكتوري من بره مع التجهيزات كلها و الككاو و كل شي 5000 دينار .. امي تقول يمكن ما يكفي بعد :/ انا احس انه وايد بس يوم فكرت استكاين و قلاصات و هالسوالف احس انه يكفي و ما يكفي
شرايكم ؟

 

[KOKO_284I]

شوفي هالروابط

http://www.q8yat.com/t986281.html

http://www.q8yat.com/t981891.html

 

[الذووق]

حياج الله موضوعي استقبالي بدسمان
وان شاء الله راح يفيدج وايد
وعسى ربي يسهل عليج ان شاء الله