ابي اروح الهند ساعدوني

[أملاك]

بناااااااااااااااات ابي مساعدتكم يااااااا الغاليات


انشالله باذن واحد احد نبي نرووووووح سياحه للهندد

انا ولله مو متشجعه كلش ولا عارفه شي اهناك اللي راحت او سمعت عن الهند تعطيني بالضبط وين نروح لانا ضاعين ماندري وين نروح اهناك وشنو الاماكن السياحيه واحلا المناطق والاسواق


ردو علي

 

[~ عز ~]

للرفع

 

[romya]

انا رحت <كيرلا> جنوب الهند رووووووووووعه بالعكس تشجعي وروحي انا درتها كلها وفيها غابه كبيره تجنن تقدريين تدخلينها بالسفينه او تتمشين داخل الغابه مع ناس مسلحين وفيها مناطق كثيره تهبل وعلى فكره لما تتعمقين داخل كيرلا ماتشوفين عرب لانهم مايتمشون داخل كلها اجانب العرب يجون كيرلا يتعالجون بس مايدرون ان فيها طبيعه احلى من سويسرا ...وبالنسبه للاسواق روحي حيدر اباد انا اتقضيت من هناك وطبعا لازم يكون عندكم سواق يوديكم الاماكن الحلوة هناك احنا نعرف كثير هناك ضبطوا امورنا

 

[نجديه بالشرقيه]

انا بعد رحت كيرلا وتوني دريت انها بالجنوب من الاخت اللي فوق هي حلوه لا باس بها بس الكريه انه بين منطقه ومنطقه ما يجي اقل من ساعه بالاول احنا رحنا لعلاج الوالده الله يعطيها العافيه ويطول بعمرها بس لاعت كبدنا واحنا بالسكن حق المستشفى وصرنا كل يوم السواقين يودونا مكان اول شي ودونا بحرهم على قولتهم هو كورنيش على قدهم بس اللي عجبني فيه الشغلات اللي تنباع على الرصيف
<< اذكر هنا اختي قامت تصيد مع الصيادين سمك لا يفوتك طريقتهم حلوه بالصيد
ومره ودونا لمنطقه الشلالات يعني بتصعدون على جبل بالسياره اللين تشوفون الشلال احنا وقفنا السياره ودخلنا وشفنا الشلال عن بعد بس ترا متعب بالمشي يعني اذا بترحون روحو وخذو راحتكم لا تستعجلون زينا يعني يبي لكم 3 ساعات براحه
وبعدها رحنا منتجع بكوتشن بعد هذا حلو لا يفوتكم بحر نظيف وشحلاته بس يبي له المكان ترتيب بس هنود وش عرفهم بالترتيب
ورحنا متحف حق اثار وسوالف انا بصراحه ماعجبني لانه مافهمت شي وندور حد يتكلم انجللش زي الناس مافيه نبي نفهم وش جالسين نطالع
وفيه مجمع اسمه ابرول هذا المجمع الوحيد اللي شفناه بالاصح اللي ودونا له وكله يقولون ماعندنا اسواق زينه بس لا تصدقونهم
بالبرول هذا فيه محل كبير يبيع سواري تجنن وملابس هنديه بعد حلوين وقريب من هل المحل محل ثاني يبيع ملابس جاهزه اذا تبي حق رجال واطفال لبس هنود كشخه انا واختي درنا هل المجمع بساعه ونص ممدانا لانه السوق يسكر على 10 ليلا

وبعدها رحنا منطقه اسمها مونار تبعدعن كوتشن ب 4 ساعات وهي منطقه بارده جدا لانه فووووووووووق جبل يعني واحنا طالعين بالسياره تخرعنا تخرع مو صاحي بس بنزله اهون بكثير بمونار هذي رحنا لمصنع الشاي وشفنا شلون يصنع الشاي وغير انه بعد بتشوفين حولك مزارع الشاي شي بصراحه الريحه والمنظر وفيه حديقه حيوان بس احنا يوم رحنا قالو فيه صيانه هذا اللي حلو بي مونااار
والمهم لا رحتي الهند شوفي مكان سوي فيه شوليدار اللي هو مساج عندي عندهم بالحليب او بالزيت ولا رحتي مصنع الشاي لايفوتك اشتري شاي بالهيل اذا كنتي تحبينن الطعم الغريب
وبس جلسنا بالهند 2 اسبوعين ونص وبعدها امي طنقرت الا تبي ترجع ولا كنا ناوين نروح دلهي وبومباي وحيدر اباد
ولا يفوت سوق البهار اسلي عنه مدري وينه شفت له صوره واستخفيت عليه
وانتبهي من الاسعار ترا من يشفون وجهينا يعلون السعررر على طول قبل بتسمعين كلمه عرب عرب وبعدها يعلى السعرررر
وبس معليه طولت هذره اتحمست علشاني توني راجعه من شهر
بس بشكل عامماعجبتني كثير توقعتها انظف بس راح تحسين بتلوث

 

[romya]

بس حبيبتي في عندهم اماكن راقيه كثير مثلا الميرديان في كيرلا فوق الروعه نظافه وراقي جدا وانا قعدت فيها اسبوعين ونص ودرتها كلها ون ضمن المناطق مونار وميسور وبنجلور ومناطق كثيره ماتحضرني واكلهم فضيع وزوجي سنويا يروحها وفي منطقه اسمها جوا بصراحه هذه كلها عرايا لانها كلها بحر وهي رووووووعه بس ماانصحك تروحينها بس انا مارحتها يوم قالي كلهم عرايا واجا نب

 

[~ عز ~]

مشكورين بنات استفدنا من تجاربكم


بس يليت تكلمونا عن بمبي اكثر