ابي اروح دولة او جريرة باردة وهادية ياربت تفيدوني

[hiiii]

السلام عليكم ..

شلونكم خواتي .. انا محتارة وياريت اللي عندها تجربه تساعدني وتفيدني ..


انا ابي اسافر مع زوجي ابي اروح ديرة تكون باردة وفيها طبيعه وبنفس الوقت ماتكون غالية وايد واسعارها نفس عيشتنا بالكويت ابي مكان يكون هادي وحلو .. انا كنت يروح ايطاليا بس محد مدحها ويقولون انها مو حلو مع اني احب الاماكن والمباني الاثرية اللي فيها وكنت بطلع من روما واروح اقعد يوم في دزني لاند فرنسا بس مترددة وخايفه ايطاليا تكون مو حلوة وماتعجب زوجي ياريت اللي تعرف تساعدني بس بنات لاتقولولي تايلند لاني مو حابه اروحلها وهذه اول سفرة لي مع ريلي وابيها تكون بمكان حلو

ياريتتردونعزي لاني بحز من الحين حق وره رمضان

 

[louraa]

ايطاليا حلوه
وتقدرين تروحين من ميلانو الي فينيسا او (لوقانو اهيا بسويسرا بس قريبه لميلانو جدامج بحيره و جبال ووراج سوق ) حلوه و هاديه و هم تقدرين تروحين ل فيرونا هاديه بعد اهيا منطقه روميو و جولييت


تبين مكان هادي و وطبيعه انصحج ب النمسا عندج كابرون هاديه و كلها جبال و قريبه لزيلامسي 10 دقايق بس زلمسي عيبها زحمه وخليجين وايد
(سالزبورق -سيفيلد -انسبروك- زلمسي - كابرون -فينا)

انترلاكن وايد يمدحونها مارحتلها بسويسرا
اخذي فكره و سووي بحث بالنت صوره و فيديو

 

[اخت خالتهم]

كابرون هاديه وطبيعه ورخيصه

 

[بوسنية]

السلام عليكم ..

شلونكم خواتي .. انا محتارة وياريت اللي عندها تجربه تساعدني وتفيدني ..


انا ابي اسافر مع زوجي ابي اروح ديرة تكون باردة وفيها طبيعه وبنفس الوقت ماتكون غالية وايد واسعارها نفس عيشتنا بالكويت ابي مكان يكون هادي وحلو .. انا كنت يروح ايطاليا بس محد مدحها ويقولون انها مو حلو مع اني احب الاماكن والمباني الاثرية اللي فيها وكنت بطلع من روما واروح اقعد يوم في دزني لاند فرنسا بس مترددة وخايفه ايطاليا تكون مو حلوة وماتعجب زوجي ياريت اللي تعرف تساعدني بس بنات لاتقولولي تايلند لاني مو حابه اروحلها وهذه اول سفرة لي مع ريلي وابيها تكون بمكان حلو

ياريتتردونعزي لاني بحز من الحين حق وره رمضان

حياك الله اختي , لا تحتارين البوسنة و الهرسك ارض الطبيعة الخلابة و الجمال الأخاذ , اسعارها متوسطة و تجربة السفر اليها ضرورية:eh_s(7): اهلا و سهلا بكم في البوسنة

 

[مارون جلاسيه]

انترلاكن سويسرا توها اختي راده وايد تمدحها طبيعه خيااال ماشالله
اوالنمسا كابرون رووعه بعد يم زلمسي

 

[نـعـومـه]

تحبين المتاحف والاثار روحي اسبانيا بس جنه جنه حاره !!

تبين براد مالج الا اوربا ايطاليا بصراحه الاي راحلها مامدحها حيل يقولون قديمه

وترا اوربا كلها غاليه واغلى شي سويسرا وفرنسا

شوفي النمسا

 

[hiiii]

مشكورين خواتي الله يعطيكم العافيه اليوم بكلم ريلي على الدول اللي نصحتوني فيها وبسوي سيرج عنهم وهم اهوى اقترح علي نروح بلغاريا او هولندا وللحين محتارين ?