شوفي انا انصحج تبدين بهولندا وتنهين بلندن للتسوق مع ان كل الاماكن فيها تسوق حلو وانا العام بديت بهولندا ونهيت بفرنسا همن عشان اشري لعيالي للعيد بس همن ببلجيكا كان في بدل حلوة ...
المهم البرنامج انج تروحين امستردام بس لاتطولين فيها لانها اباحيه وايد وما ترتاحين فيها مع انها وايد حلوة وهمن غالية حيل من ناحية السكن يعني بمستوى لندن ولو ان لندن ارخص بعد منها من ناحية السكن ..
طبعا في كذا رحلة لاتطوفينها منها رحلة صناعة القباقب والجبن وايد تستانسسن فيها
وهمن رحلة حوالين امستردام بالبوت
وفي كذا رحلة بابروشورات تلاقينها عند المكتب اللي جدام محطة القطار وتحجزين منه رحلة البوت ...
عندهم السكوير دوم هي السنتر
وهناك اغلب شيء متاحف ومنهم مدام تسو متحف الشمع وانا ما احب اروح لنفس الاماكن بديرة ثانية يعني مال لندن وايد احلى واهو الاصل ..
دير بالج المخدرات هناك مسموح فيها وهم بعض الكافيهات يقدمون كيك وقهوة فيها مخدرات يعني الاحسن تجتنبين هالاشياء واذا ملزمة سألي عنها اول ودير بالج من الرد دستركت لان منطقة قذرة اخلاقيا واباحية حيييل
وبعدين روحي لاهاي او دنهيج بلغتهم وايد حلو وكلاس حدها وراقيه وخصوصا الشخيفيننفجن والا اهو الشاطيء اللي فيه المطاعم والتمشي وايد حلو ووايد راح تلاقين كويتين هناك طبعا لاهاي راقيه وسوقها اللي بالسنتر حلو وعندج طبعا اتش اند ام وسي اند اي وهيما وكذا مجمع عندهم وايد حلو والمحلات اغلبها هولندية ومو موجودة بالكويت واسعارهم حلوة ..
لاهاي فيها رحلة حق معالمها منها محكمة العدل الدولية والقصر الملكي والحديقة اللي بالسنتر وهمن احلى رحلة اللي راح تستمعون فيها وخصوصا اذا معاج يهال المادورادام واهي هولندا المصغرة فيها معالم هولندا صغيرة واتحرك بالازرة مثل المجسمات واتونس وفي نفسها ببلجيكا بس هذيج الميني يورب يعني معالم اوربا كاملة مصغرة ...وترى مو بعيدة عن الشخيفيننقن...
وانصحج تروحين نوتدردام وايد يمدحونها بس احنا مارحنا لان الجو كان مطر وماراح نستمتع ونوتردام تعتبر حديثة ومبانيها عالية يعني مو نفس امستردام
اذا عندج وقت روحي لاوترخت وماسترخت يقولون فيهم سووق حلو وانتي شيكي على معالمهم قبل تروحين ...
بلجيكا وااايييد استانست عليها بس سياحتها مو داخل بروكسل كثر مافي مناطق برا بروكسل وايد حلوة ..
ببروكسل عندج الساحة الرئيسية اللي تكون مربعه اسمها ساحة الرويال اذا ما خربطت وفيها الميني يورب وملاهي تلاقينها في الاحياء العربية وتكون بالشارع مسكرينه والحلو فيها تقعدون للي الليل يعني للوحدة او الثنتين فيها وتكون بالصيف بس
وعندج برا بروكسل
مدينة الالماس واهي مدينة اليهود اانتيوريب وفيها شارع السوق حلو ومصانع الالماس وتكون برحلة تحجزينها من مكاتب السياحة بالساحة الرئيسية ببروكسل
وعندج غنت مارحتلها يقولون حلو بس صغيرة فيها كنيسة يروحون لها
وعندج احلى مدينة بالشمال الاوربي بروغ وايد حلوة ولا تطوفينها ويسمونها فينيسيا الشمال واهي نهر ودار مداره بيوت وتشابه وايد امستردام بس سياحية درجة اولى وفيها برا منتزه فيه عروض وداخلها وايد محلات حلوة ومحلات الكاكاو البيتي ..
وعندج رحلة واترلوو واهي التلة اللي فيها تمثال الاسد للمعركة اللي خسرها نابليون ..
ورحلة للكسونبورغ
ورحلة لدسلدورف وكولون بالمانيا
ورحلة الكهف ومدينة دينان بعد حلوة
واي احبها بلجيكا وايد احسها عائلية وايد
وعندج مدينة العاب تروحين لها ربع ساعة عن بروكسل
وهمن السوق ببروكسل بالشارع اللي فيه السيتي دو
وشارع لويس اللي فيه الماركات ..
اما لندن فاعتقد معروفة وانصحج اذا بتطولين فيها طلعي رحلة لبورتسموث على البحر وايد حلو وهمن سوق الاوت ليت اللي بالليستر فيلج .ومجمع البلو واتر برا لندن هم بعد يمدحونه
اغلب لندن سوقه وانا احب سوقها بس يبيلج ميزانية بصراحة ولا يطوفج هارودز انا اشري لبناتي منه دايما للاعياد وهمن سيلفردج ..
شارع اكسفورد
ريجنت ستريت
البوند ستريت للماركات
الوايت ليز
سوق كامدن تاون حلو
بري مارك مثل لاند مارك
شيفرد بوووش حق شغل الحريم الكبار من شالات وقمصان لندن والدلاقات وهمن محلات الخام اذا تشوقج هالشغلات واكثر شيء ناخذها للصوايغ .
وعندج كوفنت قاردن يوم الاحد تونس للتمشي وفيها بعد سوق حلو ..
هذا اللي حضرني واي استفسارات انا بالخدمة
وان شاء الله تروحين وتستانسين وخصوصا ان الدول الي اخترتيها وايد حلوة
