ابي اسافر ماليزيا وابي مساعدكم بالاماكن الساحيه؟؟

[الماااسه]

السلاااااااااام عليكم
شلونكم بنات انشالله بخير
بنات بسافر ماليزيا تقريبا بعد اسبوعين
انا وزوجي ولا عندنا اي فكره عن الاماكن السياحبه نهائيا
وابيكم اتعلموني شنو الشارع اللي يسكنون فيه العرب وشنو احلا ا
لمجمعات اللي عندهم فيها تقليد للماركات
بلييييييييييييييز ابي مساعدكم؟؟؟؟؟؟؟:tek:

 

[أم حمني المزيون]

انتوا حجزتوا كوالالمبور وشنو بعد بينانج ولنكاوي ...؟؟؟
عموما قوليلي وين حجزتوا أقصد المناطق أو الجزر وأقولج شنو أحلى شي فيها...
شوفي في موقع اسمه دليل ماليزيا السياحي واااايد استفدنا منه كل المعلومات موجودة وحتى حاطين جم بروجرام بالمناطق والأماكن السياحية اللي تروحين لها ....

 

[الماااسه]

ماحجزت للحين بس ناويه كوالالمبور فقط لاني مااعرف الجزر الباقيه

 

[أم حمني المزيون]

ترى كوالالمبور كلها أسواق بس الطبيعة والرحلات الحلوة تكون بالجزر أحلى مثل بينانج البحر فيها يهبل والبراشوتات وحديقة الفواكة.. وبعد روحي جينتينج اهي أبرد شوي وكلها ضباب وااايد حلوه وأغلبها ملاهي وألعاب وسيلانجور بعد حلوة فيها مدينة مائية وملاهي ...
احنا رحنا أول يومين سيلانجور وبعدها أخذنا طيران داخلي ورحنا بينانج وتمينا 4 أيام وبعدها رحنا يوم بس ما بتنا في جينتينج وآخر اسبوع تمينا في كوالالمبور حق التسوق والتشري....وكانت رحلتنا 15 يوم ....بس كانت الرحلة عجييييييبة:ggdw:

 

[الماااسه]

يعطيج العافيه ام حمني ويخليلج حمني بصحه انشالله وعافيه طول عمره
شنو اسم الفندق اللي سكنتيه بكوالالمبور وهل خدمته حلوه او لا
وشنو اسامي المجمعات اللي عندهم واتكون فيها تقليد الماركات درجه اولى
وهل فيه بكوالالمور حدايق مائيه

 

[almyasa]

http://www.malaysiaarab.com/forums/forumdisplay.php?f=3

عندج هالرابط فيه عن ماليزيا وانشالله يساعدج

 

[البرنسيسه77]

فندق تايمز سكوير هو احلى فندق واكبر وهو عباره عن فندق ومجمع تجارى ضخم بينهم جسر مشاة والمجمع فيه سينمات وimax ومطاعم والعاب ومحلات تجاريه فظيع طبعا هو فى كوالالمبور وعندج صن واى لاجون عباره عن اكبر حمامات سباحه فى العالم والعاب لكن حمامات سباحه مختلطه وكلها اجانب والمايوهات عاد حذث ولا حرج لكن اهم منطقه واللى لازم كل من يروح ماليــــــــــزيا لازم يروحلها ويقعد فيها 3 ايـام هى جنتنج وهى عباره عن منطقه فوق الجبل والضباب على كيف كيفج بس ترى برد ثقلى الملابس وتحتوى هالمنطقه على 3 اماكن عند بعض وهى الفندق + الملاهى + المجمع التجارى فقط يعنى الاشياء المهمه فقط الفندق هو فيرست وورلد وعلى فكره المنطقه تقدرين تروحيلها عن طريقين اما التلفريك او السياره والعوده كذلك فانا افضل تروحين بالتلفريك وترجعين بالسياره

اذا بغيتى اى استفسار حبيبتى انا بالخدمه

 

[qema87]

انا عندي سؤال ب جنتنق في تكاسي يردونا كوالا ولا شلوون نرد !

 

[أم حمني المزيون]

سكنا في فندق با سيفيك ريجينسي لأن بصراحة آنا وريلي ما بغينا بشارع العرب نحب الهدوء وهو فندق رااااقي وهادي ونظيييييف وبعده عن شارع العرب بس 3 دقايق مو أكثر ....تقدرين تشوفين غرف الفندق وكل المعلومات عنه في النت .
بالنسبة حق جينتينج رحنا بالتيليفريك وردينا فيه لأن بصراحة أسرع وأونس وبعد لأن طريج التكسي في الجبال يقلب جبدي ويجيب لج الدوخة وأطول بعد ...وأنصحج تروحين سيلانجور أول ما توصلين لأنها أقرب شوي للمطار وقعدي فيها يومين ..أول يوم روحي الملاهي والحديقة المائية في سن واي لاقون واحنا حجزنا فندق بيراميد تاور عند الملاهي والحديقة المائية بالضبط وبالفندق نفسه مجمع وااايد حلو وراقي وثاني يوم روحي حديقة ماينز ووندرلاند حلوه وسوقها أحلى...
بالنسبة حق الجناط التقليد روحي بكوالا جاينا تاون السوق الصيني ...بس بصراحة وصخ ولويه وقمته وريلي زفني زف على هالسوق بس شسوي ناس موصيني على الجناط والا آنا تقريبا كل جناطي شريتهم من مجمع سوقو لا تطوفينه ..فيه ماركات وأسعارهم بحدود 50 كويتي بس أصليين أحسن من التقليد مثل قي لا روش وبولو وماركات ثانية حلوة...

وااايد قرقت صح...!!:tek:​

 

[الماااسه]

http://www.malaysiaarab.com/forums/forumdisplay.php?f=3

عندج هالرابط فيه عن ماليزيا وانشالله يساعدج

يعطيج الف عافيه يا حلوه على هالراابط
:tek:

 

[الماااسه]

فندق تايمز سكوير هو احلى فندق واكبر وهو عباره عن فندق ومجمع تجارى ضخم بينهم جسر مشاة والمجمع فيه سينمات وimax ومطاعم والعاب ومحلات تجاريه فظيع طبعا هو فى كوالالمبور وعندج صن واى لاجون عباره عن اكبر حمامات سباحه فى العالم والعاب لكن حمامات سباحه مختلطه وكلها اجانب والمايوهات عاد حذث ولا حرج لكن اهم منطقه واللى لازم كل من يروح ماليــــــــــزيا لازم يروحلها ويقعد فيها 3 ايـام هى جنتنج وهى عباره عن منطقه فوق الجبل والضباب على كيف كيفج بس ترى برد ثقلى الملابس وتحتوى هالمنطقه على 3 اماكن عند بعض وهى الفندق + الملاهى + المجمع التجارى فقط يعنى الاشياء المهمه فقط الفندق هو فيرست وورلد وعلى فكره المنطقه تقدرين تروحيلها عن طريقين اما التلفريك او السياره والعوده كذلك فانا افضل تروحين بالتلفريك وترجعين بالسياره

اذا بغيتى اى استفسار حبيبتى انا بالخدمه

يااااااااااحلوج انتي على هالمعلومات عزااااااااااااالله انج جبتي الزبده
الله ايوفقج انشالله واتسااااااافرين احلا سفره بهالصيف:tek:

 

[الماااسه]

سكنا في فندق با سيفيك ريجينسي لأن بصراحة آنا وريلي ما بغينا بشارع العرب نحب الهدوء وهو فندق رااااقي وهادي ونظيييييف وبعده عن شارع العرب بس 3 دقايق مو أكثر ....تقدرين تشوفين غرف الفندق وكل المعلومات عنه في النت .
بالنسبة حق جينتينج رحنا بالتيليفريك وردينا فيه لأن بصراحة أسرع وأونس وبعد لأن طريج التكسي في الجبال يقلب جبدي ويجيب لج الدوخة وأطول بعد ...وأنصحج تروحين سيلانجور أول ما توصلين لأنها أقرب شوي للمطار وقعدي فيها يومين ..أول يوم روحي الملاهي والحديقة المائية في سن واي لاقون واحنا حجزنا فندق بيراميد تاور عند الملاهي والحديقة المائية بالضبط وبالفندق نفسه مجمع وااايد حلو وراقي وثاني يوم روحي حديقة ماينز ووندرلاند حلوه وسوقها أحلى...
بالنسبة حق الجناط التقليد روحي بكوالا جاينا تاون السوق الصيني ...بس بصراحة وصخ ولويه وقمته وريلي زفني زف على هالسوق بس شسوي ناس موصيني على الجناط والا آنا تقريبا كل جناطي شريتهم من مجمع سوقو لا تطوفينه ..فيه ماركات وأسعارهم بحدود 50 كويتي بس أصليين أحسن من التقليد مثل قي لا روش وبولو وماركات ثانية حلوة...

وااايد قرقت صح...!!:tek:​

يااحلو قرقتج تشرح الصدر يعطيج العافييه وانشاالله ايخلييلج حمني بصحه وعافيه وتسافرين معاه هالصيف احلى سفره:eh_s(6):