ابي استخدم التامبون

[(عسل وقشطة)]

السلام عليكم ورحمة الله وبركاته
انا عمري16 سنة لكن حيل متفتحه على الغرب اخذ منهم الزين واترك الشين
تعلمت منهم اشياء حلوة ساعدتني بحياتي حيل
لكن ابداً ما اخذ الشين وانا الحمد لله ملتزمه وحافظه القران يعني ما اهتم بحلالهم الي عندنا حرام
المهـًًًم انا لاحظت انهم يستخدمون التامبون هذي صورته
التامبون - بحث Google‏
وتقدرون تقرون عنه
لكن البعض يقول انه ياثر بغشاء البكارة والبعض الاخر لا
بتقولون لي اهم مايهتمون بالبكارة كثرنا فعادي عندهم
وبتقولون لي له اضرار وانتي بغنى عنها
انا ودي اجربه لكن خايفة كل ما ابي اشتريه اتردد حيل لكن فعلاً ابي اجربه
شنو تنصحوني فيه
انا بستخير وباخذ شوركم الله يهدي المسلمين اجمعين
احبكم بالله
و السلام عليكم ورحمة الله :eh_s(7):

 

[ام الدرر]

حبوبة انتي انسانه ملتزمه
ليش بتستعملينه العادية شنو عيبها
ومنو قال لج ما ياثر على غشاء البكارة وهو قطعة يابسة ((دع مايريبك الى ما لا يريبك )
ثانيا الدم عزج الله يضل داخل لحين تغييرها
ابتعدي عن الشبهات في الحلا والحرام حبوبة ​

 

[Combat]

ويع انا اتقزز منه بصرحه انتي توج بنية ماتخافين ؟؟؟

 

[al-musk]

اصلا اذا تم فترة طويله وماقدرتي تبدلينها لظروف انج طالعه ولا مسافرة ولا اي سبب فممكن السموم تسببلج ضرر وترفع درجه حرارتج .. وانا اقول حدج صغيرة وبدال ماتركزين بهالاشيا اهتمي بدراستج ومستقبلج ولاتضيعين وقتج بهالاشيا .. هم سووه حق السباحات والاولمبيات والمتسابقات فحده مالج حاجه فيه

وحدج جريئة على هالعمر انا حسبت ان وحده كبيرة ومتزوجه .. لاتلعبين بنفسج ومنتى مضطرة على استخدامه

 

[جنتي نوف]

معقووله اتفكريين فييهاا؟؟؟
قلنا متفتحه بس مو جذي !!! هذي حق المتزوجات. بالعربي انتي بنت !!! مو زيين *
انا عن نفسي وانا متزوجه ما احب استخدمها لها اضرااار*
ياماما اللي بعمرج لاتشطح *لشي مو بسنها
اهتمي بدراستج *واستشيري امج *بخصوصياتج. واتركي منج *تقليد الغرب

 

[(عسل وقشطة)]

اول شيء اشكركم على ردكم
بعدين يعني انتوا اكلتوني بالعكس انا مهتمه بدراستي ودرجاتي حلوه
لكن رفيجاتي امريكيات واحنا وايد نروح امريكا ونقعد فيها فلم اروح لل وول مارت اشوفه فيعني حبيت استخدمه
واذا الموضوع راد على امي امي ما عدها مانع اسوي كل شيء لكن بحدود المعقول
وانا خلاص شلت فكرتة من بالي
ومشكوورين
وجزاكم الله الف خير

 

[Perfume]

هلا حبيبتي
مكتوب عليه انه ما يأثر على غشاء البكارة
لكن ما انصحج تستخدمينه لانه يظل الدم داخل متجمع
لما تزوجت انصحتني وحدة استخدمه بس ماتقبلت الفكرة