ابي استشارتكم بعد الله اي دكتوور ارووح اعالج؟؟

[هيونتي]

مرحبااا بنات
انا وحده يمكن اول مره اكتب موضوع
بس دايم متابعه معاكم
وانا صارلي سنه ونص ناطره ان الله يرزفني بالحماال
وحاسه فيكم
وعسى الله يرزقنا
انا مشكلتي اني مادري وين ارووح
عند اي دكتوور
وحجي النااس وايد
وكل وحده تمدح لي دكتوور
قلت بروح عند فوزيه قالولي ماتعطي ويه
واذا عندها زحمه يمكن ماتدخلين عندها
ورحت امس فتحت ملف بمستشفى لندن عند الدكتور باتريك جييل يمدحونها
بس والله من دخلت المستشفى مادري ليش مارتحت ولقيت عنده زحمه
وطلعت وخذيت موعد عنده على يوم السبت الياااي
وهم حاطه في بالي ارووح عند دكتور محمد صلا الدين هذا مرتاحتله اكثررررر بمستشفى السلااام
والله يابنااات تفكيري انشل من كثر مافكررر
تكفووون ابي منو اللي جرب عند دكتور محمد صلاح ودكتور باترييك واي احسن

نااطره ردكم لان يوم السبت انشاالله برووح عند واحد فيهم
والله يرزقناااا

 

[هيبة ملك]

خلاص روحي للي مرتاحه له

وتابعي معاه

مانفع لروحي لغيره مافيها شئ

كاهو أحنا من دكتور لدكتور وعسى الله يرزقنا


السالفة مو سالفة دكتور لا ياقلبي

له بيد الله سبحانه وتعالى

 

[الريشة]

لازم تراجعين عند الدكتور ليمن تحملين ان شاءالله
ما يصير تغيرين كل ساعة من دكتور لي دكتور
لأن الدكتور يبدي معاج العلاج بالتدريج, أول شيء اذا تحتاجين كلوميد - بعدين ابر - بعدين تلقيح صناعي- بعدين طفل أنابيب
اذا بديتي مع دكتور و ما كملتي و رحتي لدكتور ثاني راح يبدي معاج من الأول.
و الله الصراحة انا مرتاحة حق الدكتور محمد قطب.

 

[om-shaheeno]

السلام عليكم ...
عاد والله والله والله امس واحد يصيرلنا من ابعيد من زمان مو شايفينه ...مسكين ما خلا مصر وتايلند المستشفى الامريكي ما اراح وحتى اهني بالكويت افترررر ...مسكين كله على حسابه الخاص ...
والله امس شفته وجان اقووله ها بشر في شيء ولا للحين جان يقولي مرته حامل..
ولمن سالته اي دكتور قالي محمد صلاح اللي في السلام الدولي ..
بس حبيبة قلببي اهم سووا عنده عمليه يعني مو ابر وكلوميد لا لا عمليه ... وما شاء الله ..يارب يثبت حمالها يارب وتولد بالسلامه ...

فهالدكتور انا سامعه عنه وايد وهم اهني بالموقع يمدحونه ..بس انشالله لمن اتراجعين عنده يارب يرزقج يارب ...ولا تنسين ترا مو بس على شطاره الدكتور هم هذا رزق من الله سبحانه والله قادر على كل شيء

 

[احلى سماء]

انا الحين اراجع عند الدكتور علي بمستوصف الراشد عيادته
عندنا باالجهرا

بس اذا انتي بره الجهره

عندج الدكتور عادل مرسي بمستشفى المواساه

تمدحه بنت خالي وحملت عنده بعد 3 سنوات زواج

 

[نكهةالبرتقال]

انا أراجع بالصباح


و اذا ما رزقني الله بعد كم شهر براجع عمد فوزية القطان ان شاالله

 

[ام فوااز]

سميرة العوضي وايد يمدحوونها نفسيتها حلوة ومريحه بالتعامل

 

[هيونتي]

شكرا على المروووور خوااتيييييييييييييي
وبصرااحه تعقدت ازيااده
حييييييييييييييييل افتكرررررررررر مخيييييييييييييييييي
بس انشاالله اللي الله كاتبه بيصييييييييييير
وعسى الله يرزقكم ويرزقنااااااااااااااا

 

[جبنة بيضة]

شوفي اهي كل وحدة بتمدحلج دكتورتها الي مرتاحتله ساعات يكون الدكتور نفسيته زفت بس شاطر انتي صلي استخارة و توكلي على الله بس اهم شي الدعاء و الاستغفار

الله يرزقج

 

[*ماي الورد*]

انا كنت كنت اراجع عند دكتورة فوزية والله تطلع روحي من الزحمة نطرة اربع خمس ساعات
و عادي عقب كل هالساعات يقولون لج عندها ولادة وتتوزع الحالات على مساعداتها
بعد نسيت كل هذا عقب ما حملت
الاكيد الدكتور الزين عنده زحمة

 

[*ماي الورد*]

انا ارشح لج

د فوزية القطان
د ماجدة اليتامي
د ناهض حمادية
د منصور العرف
د اسامة صالحة

 

[هيونتي]

حبيباتي مشكووورات
بس انا مشكلتي مشكله
اذا قلت لزوجي هالدكتوور يقول لاهالدكتوور
مايطاوعنييي
وباجر بنرووح لدكتوور باتريك اللي بمستشفى لندن
والله كرييييييييم
دعواتكم

 

[قلوب مطمئنة]

رد : ابي استشارتكم بعد الله اي دكتوور ارووح اعالج؟؟

الدكتور باتريك حيييل يمدحونه والفريق البلجيكي اللي برويال حياة هم ممتاز

وانتي اهم شي استخيري والله يكتب لج اللي فيه الخير

وعسى الله يرزقج بالذريه الصالحه

 

[شقرا كويتيه]

رد : ابي استشارتكم بعد الله اي دكتوور ارووح اعالج؟؟

تبين نصيحتي وربي اختي سنتين ماحملت سبحان الله حملت عند الدكتور مصطفى تومسو بدار الشفا هادي حيل تمدحه اختي روحيله نصيحه

 

[الفيروزيه]

الله يرزقج انشاالله
بس اهم شي انج تستمرين علا دكتور واحد من البداايه للنهايه هذا اكيد بعد ماترتاحين معاه في العلاج مو تروحين لدكتور وتخلينه اليوم الثانيي
والله يرزقج النشاالله
ويرزقنا معاج