ابي استشاره وادري انكم ماراح تخلوني

[حدي كيوت]

الســـلام علـيكم ...

خواتي العزيزات انا صارلي متزوجه اقل من سنه وكنا مأجلين فكرة الحمل شوي لكن قبل شهرين قلنا خلاص ودنا بياهل وانا كنت احن اكثر لاني لما اسمع انه وحده متزوجه معاي وحملت ودي انا بعد احمل وانا اموت عالياهال المهم ...

جربنا قبل شهرين لكن ايي لي اخر الشهر وتطلع النتيجه سلبيه فقلت يمكن لازم افحص واجيك اذا انشالله ما يكون فيني انا شي بس ابي اعرف وين اروح وين تنصحوني عند منو عشان لا سمح الله طلع شي عشان اعالجه من الحين ....

تكفووووووووووووووووووووون ساعدوني لاني مابي اقول حق اهلي ..

 

[● عـِـِـِزۈة آخ‘ـَـۈاْنـهـآ «-~]

امممممم
عادي روحي لاي دكتوره
لانج فحص بس

عندج دكتوره جميله خوش وحده
عيادتهم ب العربيد بلازا
وان شاءالله مافيج الا العافيه

 

[ام يوسف السعد]

انتي حبيبتي كنتي تأكلين حبوب

 

[بيبي غيرل]

نفس سوال ام يوسف اذا تاكلين ممكن يتاخر الحمل من شهر لي ثلاث

 

[احلى ديما]

حبيبتي شهرين من قطيتي المانع يعني تواالناس وطبيعي ان مايصير حمل في ناس يكملون سنة مايحملون واهما الحمدلله مافيهم الا العافيه،، اذا حابه تتطمنين روحي عند أي دكتورة تسويلج سونار وتحاليل بس صدقيني ماله داعي تو الناس والله يفرحج بالحمل هالشهر يارب

 

[حدي كيوت]

لا انا ماكليت حبوب كلللللللللللللللللش بس كان المانع طبيعي عشان جذي خايفه

 

[sosowaty]

و عليكم السلام حبيبتي

ترا شي طبيعي لا تحاتين لان الرحم ع ميتهيأ للحمل يبيله من اول يوم لسنه

بس اذا ناويه تفحصين عادي عند اي دكتور

لان بس فحص حتا الصيدلانيه تقدر تقرا تحاليلج و تعلمج اذا سليمه او لا

والله يرزقج حبيبتي

 

[Aloe Vera]

روحي عند اي مستشفى ترتاحين له او مفكرة تولدين فيه

او روحي الحكومة كل التحاليل ببلاش لان بالخاص يطلعلج بال100 و فوق و انتي و راحتج

والله يرزقج الذرية الصالحة

 

[سارة ة]

الله يرزقج ويرزق كل محروم بالذريه الصالحه

 

[لهفة المشتاقه]

الله يرزقج بالبيبي السليم

لاتفكرين وايد بالحمل

ان شالله بتحملين

 

[زين ودلال]

شهرين مو وااايد

تو الناس عالفحص

الله يرزقج يارب

 

[بشور]

شوفي حبيبتي انا سنه وشي كنت حاطه لزقه منع الحمل وخفت لايتآخر حملي والسبه اهي ورحت دار الشفا افحصتني الدكتوره وقالت انتي سليمه مافيج شي يمنع الحمل ،، والحين الحمدلله توني حامل

عاد اذا تبين نصيحتي فحصي عند اي احد عادي اذا قالولج مافيج شي شوفي شسويت عشان احمل ومايتأخر حملي جربيها وانا قريت انه وايد بنات تأخر حملهم وجربوها واحملو من اول شهر ،، وانا عن نفسي صارت معاي من اول مره جربتها،، خامس يوم الدوره حطي على نهايه ظهرج لزقه الاسد ماادري شسمها مالت عوار الظهر وخليها ٣ ايام وباليوم الاخير شوفيلج وحده تسوي حجامه وخل تسويلج حجامه عشان الحمل ،، انا عن نفسي سويتهاوالحمدلله حملت،،

سوري طولت عليج بس هااااا اذا حملتي ادعيلي الله يخفف نساتي ويهون علي يارب



والله يرزقج بالذريه الصالحه اللي تفرح قلبج يارب

 

[عجميه ذوق]

الله يرزقك بالذريه الصالحة ��

 

[انجبر قلبي]

نطري شوي توج حاولتي شهرين انشالله مافيكم شي و تحملين قريب

يمكن ما صدتوا فترة التبويض اشتري جهاز تبويض من الصيدليه

 

[-فلانة-]

تو الناس حبيبتي عطي رحمج فرصة يتهيأ حق الحمال..
ولا تفكرين وايد ترى النفسية تلعب دور خيالي بالموضوع..
الله يرزقج عن قريب إن شاء الله.​

 

[راقيه وجذابه]

عادي حبيبتي انا ماحملت الا عقب ٦ شهور من عرسي ولاكنت اخذ مانع ولا شي بس جذي من الله

ومرت حماي الي كانت عروس وياي ماحملت الا تو يعني عقب عرسنا بـ ١٠ شهور وماكلنت تاخذ شي

عادي حبيبتي لي سنه من عرسج طبيعي بس افحصي للإطمئنان

 

[حدي كيوت]

مشكووووووورين على ردكم الجميل ما قصرتو والله يريحكم مثل ما ريحتوني والله يسهل عليج ويهون عليج نساتج يا بشور

 

[BeNt PaRiS]

بس ترا عادي اول سنه بدون حمل


انا قعدت عشر شهور


و حملت


يعني طبيعي

و مع ان مافيني شي ولا زوجي فيه شي