ابي استشيركم بالوظيفه .. بليز بنات ساعدوني

[ننوسه 5]

السلام عليكم ..

شلونكم خواتي ؟؟؟ :eh_s(17): :eh_s(17): :eh_s(17):


الله يسلمكم انا شهادتي دبلوم سكرتاريه .. وماني عارفه وين اتوظف اللي تقولي بنك واللي تقولي بالوزاره الفلانيه .. واللي .. واللي .. واللي ..
انا اهلي اقترحو علي بالخاص ! لان قالو لي انتي محتاجه معاش قوي والوزارات معاشهم للي عندها دلبوم قالو جنه ب600 فرشحو لي الوظيفه بالخاص لان بيكون اكثر بس قالو تعب ! وماني عارفه وين اروح اتوظف ! محتاره ..


وللعلم يا بنات انا متزوجه قلت انشالله لمن اتوظف حابه اساعد زوجي لان ظروفنا شوي لكم عليها والحمدلله احنا متفقين ..

الحين ممكن ترشحون لي وين اتوظف ؟؟
واي وظيفه تقبل بشهادة سكرتاريه دبلوم سنتين من بعد الثانويه ؟؟
واذا عندكم نصيحه ياريت لو تفيودني ..

والله يوفق الكل :yaaaaaarb:

وشكرا :eh_s(17): :eh_s(17): :eh_s(17):

 

[برستيج دلوعه]

ليش ما تشتغلين بالتربيه تكونين سكرتيره بالمدرسه ؟؟
ومعاشهم زين ..
وانشالله البنات يفيدونج

 

[الأميرة جوري]

الله يوفقج يارب...

لرفع

 

[lebanon cat]

فيكي تقدمي على الاماكن التالية
شركات الاتصالات
البنوك
الوزارات
شركات كبرى متل الغانم - الشايع - الساير - العوضي - الملا - الحساوي ... الخ

 

[tbola]

عاد السكرتاريه كل مكان يبوونهم <<سكرتيره

بس انتي نطري المكان الزين

مثل التامينات الاجتماعيه ووو وزاره الماليه

بس على حسب نسبتج

والله يوفقج ان شاء الله

 

[frawlah_83]

اذا تبين خاص من وجهت نظري احسن شي البنوك يعتبر قطاع مستقر نوعا ما وفي شوي استقرار وظيفي افضل من الشركات وهم ساعات دوامهم لي ٣ ونص ابتعدي عن الشركات الصغيره

 

[مذهلة 78]

شوفي حبيبتي انا بقولج شي وعن تجربه انا ام وكنت نفس وضعج

على راتب ريلي وكل الاتزامات عليه فشاروا علي اني اشتغل بقطاع خاص وفعلا

اشتغلت وراتب كان 1200 وانا شهادتي دبلوم اشتغلت 4 سنين وهذا غير البونص

وتذاكر السفر بس كان دوامي من 8 ليه 4 ارد البيت هلكانه ابي انام علما اقعد الا

عيالي نايمين لان ثاني يوم عندهم مدرسه فما كنت اشوفهم الا يوم الجمعه لان السبت يكون عندي نص دوام

صج الراتب مغري بس عيالي كبروا وحسيت انهم محتاجين لوجودي معاهم بالبيت
لان طول يومهم مع الخدامه

جان اقدر استقالتي واقعد 8 شهور بدون راتب لين نزل اسمي بالديوان وتوظفت بوزاره صج الراتب اقل بس الحمدلله اداوم 8 الصبح واطلع 1 اخذ عيالي من المدرسه ونرد البيت

وانتي شوفي نفسج لان الخاص راح تنقطعين عن العالم اذا تقدرين توكلي على الله

حبيت اذكرلج تجربتي يمكن تفيدج

والله يكتبلج اللي فيه الخير

 

[عادت ذكرياتي]

الخاص ما انصحج فيه الدوام طويل وإنتي متزوجة ...

الله يوفقج وتلاقين وظيفة ترتاحين فيها

 

[نور مغليها]

انا موظفه بالمنطقه التعليميه والحمدلله مرتآحه فيها صح انه شغل بس الشغل مو حيل زحمه وتعب .. لا الحمدلله
معاي دبلوم كنت بالتجاري **
بس نصييحه من إخت لـ إختهآ لا تصيرين بمدرسه !
لأن راح يعاملونج مثل منفذة الخدمه < يعني اي شي تجي تقولج عليه الناظره او الوكيله تسووينه حتى لو شي مو شغلج..
غير الاستئذان بطلعة الروح والغياب والعرضي عندهم جنه تحقيق واستجواب ليش وشنو وما شنوو

 

[lebanon cat]

هلق الخاص منيح و بعدين وين المشكلة للساعة 4 حضري طبختك قبل بيوم وبس يوصلوا البيت خلي الخدامة تسخنلهم الاكل ويتغدوا وبس ترجعي على التدريس
واذا عم تفتشي عوظايف تابعي هل الرابط

 

[نونه الزعفرانه]

انا مع مذهله ٨٧
الخاص معاش قوي بس مقابل تنقطعين عن العالم
والحكومه اي عدل المعاش ٦٠٠ دينار

 

[ننوسه 5]

انزين بنات ذكرو الاماكن يعني رشحو لي وظيفه مناسبه !

 

[lebanon cat]

عندك البنوك
شركات الاتصالات و الانترنت
شركات الكبرى متل الغانم و الشايع و الحميضي
شركات الاستثمارية
شركات القابضة

 

[chakletaA]

القطاع الخاص بنك / وزاره العدل صراحه ساعات عمل حلوه كونج سكرتيره بس ابعدي بعيد عن القيل والقال
تعلمت درس اني اكون جدا رسميه مع الكل واحفظ لساني من الزلات لان في كميه من الحظيره الحيوانات
تلبسج التهمه يعني تتتتتتتتتتتجيييج التهايم وانت نايم

 

[* Snow White *]

البترووووول يبوووونج نطري اعلانهم الياي لي نزلوا
اخر اعلان لهم كانو طالبين تخصصج، وعندج البنك المركزي نزلو اعلان قبل كانو طالبين تخصصج
وعندج وكالة كونا هم نزلو اعلان قبل وكانو طالبين تخصصج

انا ما ابي انحشج من القطاع الخاص، بس بقولج عن تجربتي فيه انا اشتغلت قبل ابنك
والله ضيم وطلعة روح وماحسيت بلذة الراتب وحتى قلت مايسوى الراتب وابي اشتري راحتي والحمدلله طلعت
بس انتي استخيري وشوفي ميولج، الله يوفقج