ابي استغى عن زوجي شلون

[صفحه بيضه]

قوة بنات شلونكم انا عندي مشكله
اني مااقدر استغى عن زوجي انا صارلي متزوجه سنه ونص وعندي ولد
وقبل كنت انام عند اهلي خميس وجمعه بس مااقدر اذا نمت عند اهلي اتضايق
وكله افكر فيه وابي ارد البيت بسرعه علشان اقعد معاه قبل اطلع مع اهلي
سوق بحر بس صرت مااستانس آلا معاه اذا زرت احد بيت اهلي او خوالي ماستانس احب اجابله 24 ساعه
مع انه هو عكسي يحب يطلع مع ربعه ويحب يروح عند ربعه بالدوانيه يعني عاايش حياته بس انا مااادري ليش جذي
ابي افارقه شوي ابي استانس مع اهلي ابي ازور رفيجاتي بنات خالتي بيت جدتي بس ماستانس والله ماستانس آلا معااه
طبعا هو مايدري بهالشئ بالعكس يقولي روحي اطلعي مع اهلج استانسي بس هو مايدري انه وناستي معاااه شسوي ابي حل ابي اعيش حياته ماابي زوجي يكون حياتي كلها مره زعلت معاه ورحت بيت اهلي والله كرهت نفسي ماتحملت فراقه
الحين كرهت بيت اهلي يذكرني بهوشتي معاه ويوم كنت زعلانه وقاعده عندهم ابي اعيش حياتي
ابي زوجي مايكون كله حياتي

 

[صفحه بيضه]

استغنى تصحيح الكلمه

 

[popa]

اي راح يطفش منج اذا شافح معجعجه ولازقه فيه لان ماراح يشوف ان فيج سر او غموض وكل شي عنج يعرفا وماراح يصير بينكم سوتلف وراح يصير بينكم جفا مع الايام عشان جذي حاولي وظغطي على نفسج ولاتنسين انتي طارحه موضوع جوابه عندج انتي قلتي استغني عنه
طبعا لاتهينين الريال لكن لا تصيرين اوفر مجابلته

 

[Patcholli]

هالشي بيدج انتي
الحل انج تسوين كنترول على مشاعرج
وماتخلين حياتج كلها ووناستج مرتبطه بانسان واحد
خلي لزوجج نصيب ولاهلج نصيب ولرفيجاتج نصيب

 

[زوجة عزيز]

وقت اللي يكون اهو موجود بالبيت خلج معاه ووقت اللي يكون معا ربعه طلعي عند اهلج او صديقاتج جذي بتضيعين وقتج وبتلهين غصب خصصي لكم يوم بالاسبوع تكونون معا بعض طول اليوم

 

[hend6363]

الحال من بعضه

 

[Rooz Aziz]

لا تنامين عند اهلج


زوريهم متى ملفضيتي

واهو له حق يطلع ويزور ربعه

 

[latkt7as]

انا نفسه
اتضايق اذا بعدت عنه لو جمم ساعه امسك نفسي بالغصب
ماتصل او ارسله
امس لما جيت لاهلي احس مخنوقه
مع اني متضايقه منه وكارهته بس احس ماقدر استغني
عنه

 

[بحور العنا]

الله يديم المحبه بينكم

بس انتي تقدرين توزعين وقتك بين زوجك وولدك واهلك وطلعاتك يعني حاولي ماتفكرين فيه
واذا ماشفتي انك تغيرتي اقعدي على الاب توب دشي المنتدى واقري مواضيع الهي نفسك فيه وانا متأكده مليون بالميه انك راح تستغنين عن زوجك واهم من هذا كله خلي عندك القناعه والمقدره على انك تبين تشغلين نفسك عنه وموفقه خير حبوبه

 

[دلوعةمآمآ]

من الغلط تخلين زوجك كل شيء بحيااتك

وانتبهي تقولين له انك ماتستغنين عنه ومن هالكلام لأنه بيشوف نفسه عليك ِ

اطلعي ورووحي لنااس القعده حلووه معاهم وماتحسيين بالملل

بس مو درجة تهمليين زوجك وبيتك,أطلعي بوقت طلعته وردي قبله

واهم شيء دراستك أو وظيفتك إذا موظفه لأنه بتغنييك عن زوجك وغييره

موفقه

 

[مألوفة]

انا زوجي مجابلني ٢٤ ساعة وانا ماعندي اهل اهني بالكويت ولا رفيجات ولا احد غيره صار اهوا امي وابوي واهلي ورفيجاتي وكل شي من يطلع من البيت احس اني بمكان ظلمة وبارد والله العظيم مع اني اقعد مع عيالي بس هم تفكيري معاه مااقدر ما افكر فيه وهو حتى دواوين ما يروح من الدوام للبيت ومن البيت للدوام

فها الشي مو بس انتي الي تحسين فيه في حريم وايد تحس نفس احساسج وما تنلامين لانج تحبينه بس مع الوقت يمكن يصير عندج الوضع عادي انتي توج ما صارلج سنة متزوجة والله يوفقج

 

[يتيمة جابر العز]

لاتكرسين حياتج لزوجج ولا تصبين اهتمامج فيه !!!
ونصيحه لا يعرف هالشي لان كلش مؤ من صالحج

الزبدة انا حاسه بوضعج وعرفت شخصيتج من كتاباتج
واضح انج إنسانه شفافه وأول رجل قابلتيه وحبيتيه الي هو زوجج والله يديمها عليج
بس هذا شي طبيعي اذا بتقدرين تستغنين عنه ابسط مثال
انج تنامين عند اهلج يوم بالأسبوع وعووووودي نفسج
ثقي تماماً راح يشتاق لج وبقووووه

والله يوفقج ويسخر لج

 

[orange blossom]

حبيبتي الله يخليكم لبعض انشالله
أنا كنت نفسج بالضبط... ابي اكون على طول معاه
و الحين صار لنا 7 سنين و نص... تغيرت واااايد.... كل ودي اطلع مع غيره
يعني انتي الحين تحسين جذي لأنكم توكم متزوجين
بس بعدين انشالله راح تتعودين مع الوقت

 

[Pinky -cat]

حبيبتي شغلي روحج بشي ثاني وفكري شوي بينج وبين نفسج اهوا يقعد ويا ربعه ينسا البيت ويطلع لجو ثاني وانتي
حاكره روحج بتفكير واحد لا غلط هالشي ، ولا يحس مثل ما قالوا البنات انه كل حياتج عشان لا يستغل هلشي بشي
مو زين ضدج ، فكري يبي ورقة وقلم وحددي اشياء تسعدج وسويها شغلي روحج فيها وخلي ريلج شريك حياة
مو كل الحياة.

 

[صفحه بيضه]

حبيباتي مشكورين علي نصايحكم
ويليت اقدر اطبقها

 

[M!SS.LOBY]

بالعكس الحياة مو كله مجابل ريلج هم اهلج لهم حق عليج وأقاربج هم عليج صلة الرحم ضروري

وبعدين زوجج لا يحس بنقطة الضعف عندج بالايام اليايه راح يستغلج ويستغل عاطفتج

 

[اذوب بكلامه]

انا اموووت بزوجي بس مو لدرجه اني ما استانس اذا رحت لأهلي !!
الزوجين محتاجين يكونون بعيدين عن بعض شوي مو طول الوقت مع بعض
وحلو انك حسيتي على نفسك من الحين وانا كنت مثلك
بس تلاحقت على عمري
زوجي كان يعاملني معامله راقيه ويحترمني ويقدرني ورومنسي مره فتعلقت فيه كثييير
وهو يحبني ومتعلق فيني بس مو مثلي يعني يطلع مع اصحابه ويسافر معاهم
فقررت اني ما اخلي زوجي هو حياتي وبس في اشياء ثانيه اهلي صحباتي هواياتي .... الخ

 

[al-musk]

إبني نفسج ومستقبلج وهواياتج.. حبي نفسج ووناستج وهو راح يحبج لأنج بالبداية تحبين نفسج الريال يحب المرأة القوية إلي يحس نفسه معاها وانها شايله نفسها وشي مهم بالحياة مو ماتقدر نعيش بدونه وإلا تحت مظلته لأن هالشي راح يحسسه بالملل.. دايم إدعي اللهم إملأني بك حتى لا أشعر بغيرك

 

[انثى عاشقة]

قلبي انتي عشانك عروس متعلقة فيه
اشوة انك عارفة ان هالشي غلط وراح يملله منك
حاولي تستانسين غصب اضغطي ع روحك
غيري جو مع اهلك صديقاتك
وطبعا خلي وقت له انتي اساسا راح ترتاحين

 

[المزيــونه]

الله يخليكم لبعض

وحلو انج تحبينه وتستانسين بقعدتج معاه لا تعتبرين هالشي غلط وانج بتغييرنه لان اذا سويتي جذي راح تلزقين فيه اكثر عادي تقبلي شعورج واهتمامج له وحطي بالج كل شي له وقته

اذا كنتي عند اهلج استمتعي بكل لحظه مع امج وخواتج واذا طرى بالج حاولي تغيرين تفكريج بسرعه يا تقومين تغيريين المكان او اتسولفين مع اختج بموضوع او اي شي اهم شي تشتغلين نفسج

واحضري مناسبات اجتماعيه عالاقل مرتين بالاسبوع واطلعي مع خواتج او رفيجاتج وغيري جو

ترى اذا تميتي جذي راح يمل منج وراح اتزيد طلعاته انتبهي خليه يشتاق لج بين فتره وفتره

حتى سفر سافري مع اهلج بدونه خليه يجرب يشتاق لج مو بكل لحظه انتي جدامه