ابي استقطع من معاشي حق المحتاجين شلون

[خانتني-دموعي]

سلام عليكم
بنات بغيت استقطع من معاشي حق المحتاجين شلون؟
وحده الله يهديها دقت و قالتلي في شي عندهم ب 10 دنانير تدفعين و تسوين قران بأسمج و يتوزع في افريقا قلتلها اوكي
عطيني عوانج دزيه مسج و انا ايلج اتفاهم معاج
بدال ما اعنيهم ايوني
ولا تقول انشاءالله و حقرت
الا تبي تيي اليت
انا كنت بروح عشان اتأكد !
شلون اقدر اسويها؟
انا مابي شي بس ابي الاجر و الله يباركلي ب معاشي

 

[بعد عمري]

عليكم السلام حبيبتي

عسى الله يوفقج ويباركلج في معاشج .. حبوبة ترة عادي تسألين اي جمعية اسلامية عن الصدقات الجارية وكفالة الايتام او ماي السبيل في شغلات وايد تقدرين تتبرعين لها،قوليلهم انج تبين تحولين شهريا مبلغ لحسابهم وبيعطونج رقم الحساب،، بس وتروحين البنك اللي فاتحة فيه حسابج اتقولين لهم يقطعون من راتب شهريا مبلغ وقدره... للجمعية الفلانية و وطبعا تعطينهم رقم الحساب البنكي مال الجمعية.

 

[om deaj]

روحي اي جمعية خيريةوسوي كفالة يتيم وخليهم يستقطعون من المعاش دايركت
وكذلك اذا تبين تزيدين روحي غيرهم وشوفي نظام الاستقطاعات على الصدقة وحددي مبلغ معين ولو قليل

الله يوفقج يارب

 

[خانتني-دموعي]

رد : ابي استقطع من معاشي حق المحتاجين شلون

مشكورين بنات انشاء الله راح اروح سبوع الياي

 

[الباحثات عن الجمال]

روحي الإداره العامة للأوقاف.
وجزاك الله خير.