ابي استقيل شلون ووين اروح ؟! بلييييييييييز ابي الرد ضروري

[تفااحة]

واللة ماندري شنقولج انا مثلج من تعينت بالروضة وانا نفسيتي زفت تعبت حيل وانا هذي السنة الرابعة لي بالروضة وكل سنة اقول هالسنة بنقل وتخلص السنة وماسويت شي وهذي انا اقووولج صج المعاش حلو والعطلة حلوة والطلعة بنهاية الدوام قبل الناس حلوة بس اذا الواحد مومرتاح صعب يعطي واللة ساليني واللة انا دروسي كلها مش حالك ةاي كلام لاني موحابة المجااااااال وانا اقدر ابدع وعندي افكاااااار مو طبيعية بس مالي خلق اسوي الي علي وامشي غير الدخوووول اليومي علينا ماكوشغل ليش ؟؟؟ حرام عليهم ضاغطين علينا وملوعين جبودنا هالمشرفات واللة انا وحدة اذا محد دش علي حلقتي تصير اروع مايمكن واحس اني ماخذة راحتي مع اليهااااااال واستانس معاهم عكس لما يكونون حاااضرين احس اني مقيدة بقوانينهم وتوجيهااتهم الي مالها داعي .........................

بالعربي الروضة شغلهاااااااااااا كلها للادارة والتوجية مو للطفل والطفل ضااايع بالطووووشة مو مستفيد ولاشي .....


اقووووووووووووول انحاشي لحد يقص عليج الحقي عمرج واذا تقدرين غيري تخصصج خصوصا اذا ماكنتي متخصصة رياض اطفال بالكلية التحويل اسهل اما اذا كنتي متخصصة اغسلي ايدج اشلعي من الوزارة كلهاااااا ....

يبا انا اعرف لي الوحدة واخصائية بعد بالروضة وماعليها ضغط وحولت وزارة الدااخلية شلووووون مادري ......
واخوووي مدرس اجتماعيات من اول كووووووووورس انحاااااااااش ماتحمل راح الشؤوون وماشاللة مرتااااااح ...

انا عن نفسي بحول اخصائية نفسية خصوصا ان تخصصي بالجامعة علم نفس ...... _03ba:

 

[F@ntG Q@t]

تفاحه لا تحولين اخصائية العن المعاش يلووووع الجبد

 

[أميره بلا قصور]

نفس الحاله والله

اول كورس ولااايعه جبدي...

صاكتهم مرضياات

ماني متقبله الوضع كللللللللللللش

وعقب كلام تفااحه مااراح ارد خبر لاي كائن كااان

هالكورس الاول والاخير ان شالله..بروح الشؤوون او الكهربا والمااي...

بس شلوون الطريقه بنات...استقيل واقدم ع الديوان والا شلووون؟؟؟

 

[ام _خلودي]

اخيييييييييهانت اول كورس ومع يهال صار فيج جذى
عيل شقول انا 5 سنين ومع ثانوية لايعه جبدى
صار 3 سنين وانا اركض من وزاره لوزارة
ومن عضو لعضو وماكو فايده مو سهالات السالفه

ماابي اضيق خلقج اذا تبين نقل خارجى لازم بعدين
سنتين يالله تقدرين تقدمين نقل

واذا قدمتى استقالتج الديوان مايسجل الا بعد سنه

ادعولى بنات الله يسخر لى خلقه ويتمم نقلى

تعبت مليت

 

[فلة سارة]

حبيبتى اذا تقدرين وعندج واسطة طلعى من الروضة واشتغلى بوزارة ثانية هذى نصيحتى ولا تنطرين أوتتاثرين بالردود سوى إللي انتى مقتنعه فيه والله يوفقج وبالنسبة حق سؤالج روحى حق الناظرة وقولى لها أبى أقدم طلب الأستقالة لظروف خاصة جدا وتوكلى على الله

 

[مواجيب]

اختي تبين راحتج سوي اللي انا سويته


عقب 6 سنين بالتربية قدمت استقالتي وانا أضحك والله
و كسرت وراهم أوله بعد


عشان تستقيلين واحد من الأثنين يا انج تقدمينها وقت الدوام :

عن طريق الناظرة تخبرينها
تقولج روحي السكرتاريا بالمدرسه يعطونج نموذج الاستقاله و كتبي سبب استقالتج و بأي تاريخ و وقعي
و الناظرة توقع لا مانع و يطرشونها المنطقه و نطري الاجراءات و الموافقه تاخذ وقت

او في الاجازة روحي المنطقه على طول و قدمي استقالتج


عاد الاجراءات الثانية ما أعرفها لأني توني مستقيله وما خلصت أوراقي


انحاااااشي دامج بأولها لايعه جبدج
ترى كنت مستانسه بوظيفتي و مرتاحه بس ىخر سنين لاااااعت جبدي
واللي يقهرني ان اللي دار مداري كلهم بره التربيه وانا الوحيده اللي تعبانه و نفسيتي زفت
صح يتشكون من سوالف الدوامات و كل شي بس أهم شي عمرهم ما ردوا البيت و شالوا هم شغل اليوم الثاني

توكلي على الله و لاتترددين وادعي لي عقبها اذا ارتحتي بره التربية

و موفقه

طمنينا عليج


على فكره كنت بحول من الثانوية للروضه بس أثااااري التربيه كلها جذيييييي!!!

 

[Om_Ksha]

والله مادري انا شنو ابي (((((((((((((((((((((

 

[مواجيب]

الله يعينج اختي

تعوذي من الشيطان ... شده و تزول

و استخيري ربج

 

[وجودي عسل]

انسي موضوع استقاله



انقلي اداريه بأي مكان سواء بالوزاره او المنطقه التعليميه


بس بيطيح من معاشج تقريبا 200


والنقل يبيله واااااااسطه

 

[حلم المسافر]

استخيري ربك وبعدين قرررري

 

[مخروووشة]

الله يكتبلج اللي فية الخير

حبيبتي غيري الروضة يمكن ترتاحين

 

[Om_Ksha]

لا اللي فيني مو صج !

رديت شحلوي بس يتني هالانتكاسة ,, ضروري استخير وشكلي بفاجئهم باستقتالتي ,,