ابي استقيل من وزارة التربية

[shaukah]

السلام عليكم
احس الكل بالوزاره وده يسوي مثلي خاصة المدرسات
انا مدرسة تربيه فنيه هذي بداية السنة الثانية لي من تعينت
مشكلتي مو بالتدريس بالمهام اللي تقوم فيها المعلمة المكروفه
اول مدرسة كنت فيها كنا قسم الاحتياط كل احتياطات المدرسه
علينا غير الاشراف و المناوبة و برامج الاذاعة و تجديد المراسم و المرقبه
هالمددرسة مشكلتي كبرت طلع الجودة الشامله انا مع مدرستين علينل سجل توكيد
الجوده الشامله و الكنترول و المقصف و النشاط و المناوبة و تجديد المراسم و الاذاعه
غير حصصي الاساسيه
فوق كل هذا ناظره تلوع الجبد لسانها طويل ما تقدر المجهود
احس كل سنه مهام المعلمة تكثر و تزيد
فقررت استقيل و احول المالية او اعادة الهيكله سنوات الخبره ما تروح علي و معاش اقوى
غير الكادرات وكافي ما اصرف على الوزاره و ارد البيت مرتاحه ما احاتي شي بالمدرسه او
اصور اوراق او اروح المكتبة
اللي عندها فكره عن الاستقاله تفيدني محاتجتكم 

 

[conan-89]

رد : ابي استقيل من وزارة التربية

للرفع للرفع للرفع للرفع و الله انا ودي بعد لاعت جبدي و تعبت و انا ما كملت سنه

 

[ست بيت]

رد : ابي استقيل من وزارة التربية

حبيبتي انا صار لي 17 سنة ادرس تربية فنية ............اعتقد العيب بالمدرسة.........اذا مو مرتاحة منها قدمي نقل حسافة تستقيلين

مادتنا مريحة ...........تقدرين تكلمين ادارة المدرسة (بهدوء) ايشيلون من بعض المهام...........وايخلون بعضها اهم ايحبون

المتعاونين.......واذا عاندواااااااااااا كلمي التوجيه اورئيسة القسم ختوزع المهام عليكم ..... عموما السنين الاولى صعبة

بالتربية...............والله ايوفقك بالتشوفينه

 

[shaukah]

شكراا على الردود
كلمت رئيسة القسم قالتلي لا ترفضين شي بعدين يقولون عنج مو متعاونه
ومو بصالحج ما راح يعطونج تقديرات حلوه
كلمت الوكيله قالتلي عندنا نقص شوفي فلانه و فلانه شايلين اكثر منج و ما تكلموا
فانا اختصرت الطريج و قلت بحول وزاره على الاقل ارد البيت اجابل عيالي ما افكر بالمدرسه

 

[shaukah]

شكرا على الرد
و التفاعل
كلمت رئيسة القسم قالتلي لا ترفضين يقولون مو متعاونه وانتي تكونين خسرانه ما يعطونج تقديرات
ونا راح تترقين
كلمت الوكيله قالتلي عندنا ضغط وكل المدسات نفس حالتي و محد شتكى
فقررت استقيل و افتك من هالويه
اقعد بمكتب اخلص شغلي و ارد البيت
و ما اضطر اصرف فلس على الوزاره عشان اترقى
بس ابي الطريقه شلون استقيل ؟

 

[نوتيلااا]

وانا معاج يالغاليه ، بستقيل بشهر 6 باذن الله ياليت احد يقول لنا الاجراءات ؟

 

[klkaw]

رد : ابي استقيل من وزارة التربية

عطيهم طاف لاتعبين نفسج عليهم معاشج في جيبج وشفطي لهم

وامسكي وظيفتج والتزمي بحصصج لاتكثر وخرابيط الاداره طناش من قلب

 

[ست بيت]

رد : ابي استقيل من وزارة التربية

روحي حق الناظرة وقعدي معاها وقوليلها اعذريني انا ما اقدر اسوي كل هالمهام واذا عالامتياز ماابيه وبس داومي وقعدي

درسي البنات الي في ذمتك وقدمي نقل الله ماكثر الا هالمدارس سألي عن ادارة زينة وانتقلي

 

[Om_Ksha]

روحي السكرتاريه يعطونج ورقه لاستقاله .. بعد ماتوقع الناظره عالموافقه وتم الاجراءات

 

[In pinK]

رد : ابي استقيل من وزارة التربية

والله حتى أنا خاطري اقدم استقالتي مع اني ما كملت سنة

بس ما احاتي الا وين اقدر اتعين ..

عفيه بنات اللي قدمت استقالتها وين رااحت؟؟

شنو المجالات اللي توظفنا بهالشهادة؟

 

[قمر الكويتية]

رد : ابي استقيل من وزارة التربية

لا تدخلين ولا تكلمين الإدارة

أنا اعتقد إن الناظرة لو قلتيلها إن تعب وشغل وايد بترد عليج كلنا نشتغل

كملى السنة بأي طريقة

بس لا تستغيلين توج نطري شوي ......... شوفي شتسوين


1 - شهر مارس إتي كشوف النقل أول وحده تكتب نقل أنتي.

2- من الحين سألي عن المدارس إلى إداراتها زينه وعرفي المدارس علشان تحددين النقل.

3- وقت النقل لا تسمعين إلى يقولون لج حسافة قعدي معانا او الادارة تقول لا تقدمين نقل و تستحين و تقعدين.

4- سوى الشغل إلى تقدرين عليه أثناء الدوام وفي البيت وقتك حق نفسك وعيالك و لا يكلف الله نفسا إلا وسعها

و اخلصى العمل لله لأن البشر مارح يقدرون وما يعطونك حقك كامل.


و أخيرا .... جربي مدرسة و ثنتين وثلاث و إذا ما عجبك الوضع بعدين فكري بالاستغالة.


لأن في معلمات تستغيل و تتقاعد و بعدين ترجع تبدي من الصفر .


و آسفة على الإطالة و في قلبي بعد كلام وايد بس ما أبي أطول بالرد.




*********************************************************

يارب تغفر لى و لوالدي ووالد والدي و تجمعنا بهم بالفردوس الأعلى

يارب تنور قبورهم و تجعل قبورهم روضة من رياض الجنة

 

[MoonDiamond]

اه هذي انتي فنيه وجذي
عيل انا شقول (انجليزي ابتدائي)
والله اللحين ماخذه اجازه من غير مرتب يا انقل متوسط يا استقيل

لان ما عاد اتحمل يهال وادارة مدرسه

 

[عـهود]

رد : ابي استقيل من وزارة التربية

الله يعينك اختي

 

[نسمه بارده]

كلنا في الهوا سوا بنخليها لهم يشبعون فيها اصلا هم يطفشونا بصورة وباخري عشان نفضي التربيه من كوادرها الوطنيه الظاهر احنا مانعجب

 

[Turquoiseya]

MoonDiamond

اثاريج معاي مشتركة بالشقا
تخصصنا انجليزي
انا حاولت انقل للمتوسط واحتجيت وتبجبجت
والله مادرى عني التوجيه ولاحتى نقلوني 00 بل رفضوا نقلي!!

انا افكر ادرس من جد وجديد العاب ولا رسم بس مالي خلق اعيد ثانوية عامة

 

[shaukah]

كل المدارس نفس النظام و نفس التعب و نفس الشغل
ان شاءالله بعد العيد بستقيل
سمعت ان اروح مبنى الدوان اقدم استقالتي و بعدها اقدم على
الوزاره اللي ابيها وان شاءالله يحطوني بالمكان اللي ابيه
يارب سهلي اذا فيها خيره لي
ادعولي بنات جد تعبت

 

[shaukah]

كل المدارس نفس النظام و نفس التعب و نفس الشغل
ان شاءالله بعد العيد بستقيل
سمعت ان اروح مبنى الدوان اقدم استقالتي و بعدها اقدم على
الوزاره اللي ابيها وان شاءالله يحطوني بالمكان اللي ابيه
يارب سهلي اذا فيها خيره لي
ادعولي بنات جد تعبت

 

[ست بيت]

رد : ابي استقيل من وزارة التربية

موقفة حبيبتي..............عموما انا مرة قريت بمجلة المعلم ان اكثر ناس يتركون وزارة التربية بعدمدرسات العربي اهم؟؟؟؟؟؟؟؟؟؟

مدرسات الفنية ليش لانة ماكوووووووو تقدير.

 

[shaukah]

مشكلتنا مادة الفنيه مو بس ماكو تقددير صبغي المرسم حطي مفارش ليش تطلبين ادوات من البنات انتي اشتري بعدين نعطيج من الميزانيه و ما تشوفين فلس منهم ورشتج عليج كل شي بتسوينه عليج يعني ٤٠٠ دينار بس على المدرسه الطوفه برحها ب ١٠٠ لا و اهما يختارون الالوان لأنها مو مدرستج عشان تقررين الالوان بالوزارات حتى الاقلام و الاغراض المكتبيه الوزاره توفرها سألت بنت خالي بالداخليه تقول بس الحبر اشتريه و بس اوصل يعطوني فلوسي مو بس كلام بنعطيج و فلس تاخذينه و يقولون لج سامحينه فيهم شدعوه
غير المصاريف الله يسلمج مدرسات الفنيه كل المهام لنا غير حصصنا مقصف كنترول مناوبه اول و اخر الدوام مراقبة الامتحانات سجلات الجوده الشامله و اهوا عموما قسم الاحتياط يعني لو تبين تبدعين بمرسمج و تطلعين افكار حلوه ماعندج وقت بين هالويه انا نفسيا تعبت من هالحاله
اول شي ريلي عارض طلعتي من التربيه بسبب الرياييل بالوزارات حبطني حاولت فيه مو بذنه ماي يقولي غيري المدرسه قتله المهام سنه عن سنه تزيد لو على حصصي بس ميخالف يعني الجوده الشامله هذي اول سنه بعد ما يندرى شنو ياي بالطريج
انا انقهر اذا قالولي انتي فنيه شنو عندكم يعني ؟
ومحد يوقف معاج على كثر ما تعطين ما يبين بعينهم
مابي منكم الا الدعاء ام الاه يسهل علي و يوفقني و ارتاح
انصدمت بالردود ما توقعت الكل يبي يطلع ؟؟

 

[shaukah]

مشكلتنا مادة الفنيه مو بس ماكو تقددير صبغي المرسم حطي مفارش ليش تطلبين ادوات من البنات انتي اشتري بعدين نعطيج من الميزانيه و ما تشوفين فلس منهم ورشتج عليج كل شي بتسوينه عليج يعني 400 دينار بس على المدرسه الطوفه برحها ب 100 لا و اهما يختارون الالوان لأنها مو مدرستج عشان تقررين الالوان بالوزارات حتى الاقلام و الاغراض المكتبيه الوزاره توفرها سألت بنت خالي بالداخليه تقول بس الحبر اشتريه و بس اوصل يعطوني فلوسي مو بس كلام بنعطيج و فلس تاخذينه و يقولون لج سامحينه فيهم شدعوه
غير المصاريف الله يسلمج مدرسات الفنيه كل المهام لنا غير حصصنا مقصف كنترول مناوبه اول و اخر الدوام مراقبة الامتحانات سجلات الجوده الشامله و اهوا عموما قسم الاحتياط يعني لو تبين تبدعين بمرسمج و تطلعين افكار حلوه ماعندج وقت بين هالويه انا نفسيا تعبت من هالحاله
اول شي ريلي عارض طلعتي من التربيه بسبب الرياييل بالوزارات حبطني حاولت فيه مو بذنه ماي يقولي غيري المدرسه قتله المهام سنه عن سنه تزيد لو على حصصي بس ميخالف يعني الجوده الشامله هذي اول سنه بعد ما يندرى شنو ياي بالطريج
على فكره انا من النوع اللي اشد حيلي و احب اعطي مو اتذمر بس و صلت لي درجه مالقى فيها التقدير على التعب اللي اتعبه
انا انقهر اذا قالولي انتي فنيه شنو عندكم يعني ؟
ومحد يوقف معاج على كثر ما تعطين ما يبين بعينهم
مابي منكم الا الدعاء ام الاه يسهل علي و يوفقني و ارتاح
انصدمت بالردود ما توقعت الكل يبي يطلع ؟؟