ابي اسفر قطوتى منو يعرف الطريقه ؟؟؟

[kuwaitya_zoGaa]

قوة بنات ؟؟؟

انا قطوتى صغيره تقريبا 3 شهور ابى اسفرها معاى شنو الطريقه ؟؟؟
ترا السفر بعد اسبوع ...

 

[M!SS CHARISMA]

حبيبتي نصيحه لا تسفرينها ماعج والله 99% يموتون بالسفر خصوصا قطوتج اسم الله عليها صغيره
احسن شي تحطينها عند واحد ثقه على ما تردون بالسلامه

 

[أعرف قدر نفسي]

رفع

سبحان الله

 

[شوق والدمعه]

رررررررررررررفع

 

[سكارف.فوشي]

اعتقد ان لازم يكون عندها دفتر صحي وتطعيم خمس شهور طافو يعني يكونون متأكدين من صحتها من رايي تسألين

 

[شيــوخه]

والله انا مره سافرت لسعوديه اخذتها معاي وخليتها بحضن بنتي والمفتش خو لانه عايله مايفتش واثق وعدانا وبرده نفس الش

الله يوفقج اذا بسياره خليها معاج عادي واذا زصلتو للحدود خشيها قطيها ابفوطه او اي شي ماتبين والله يعينج

 

[SHD__ q8__87]

هاي
انا مادري شلون الطريقه
بس ليش بتسفرينها ؟؟؟؟؟؟؟؟ احس لووويه بعدين تأذيج
خليها بالكويت عشان تشتاقين لها

 

[زيـنـه]

اذا بتطولين اخذيها معاج .. و اذا منتى مطوله خليها بمكانها مع حوستها افضل .
و للسفر لابد تسالين الطبيب البيطري .. و اذا بتسافرين على الجو تقصين لها تذكره ---> لا تضحكين .. اي تذكره ويحطونها مع الشحن .. و اذا الرحله طويله يعطونها حبه تدوخها !
و لازم معاج دفترها الصحي و لازم تكون القطوه خاليه من الامراض .

 

[ثعلوبه]

هاااااااي:balo:
انا عندي الحل _03BA:
روحي الهيئة العامة لشئون الزراعة والثروة السمكية بالرابيه
ادارة الصحة الحيوانية - وهم يخلصون اوراقج وتسفرينهااااااااااااااا وياج:001:
و:bye22:

 

[حنان84]

عادي على الكويتيه تسافر بس لازم شهادتها الصحيه وتكون بالصندوق مالها وتييبينها لما بتوزنين اغراضج ويشوفون جم وزنها مع القطوه ويدفعونج عليها وياخذونها منج مايدخلونها مع الجناط ويحطونها بمكان مخصص للحيوانات فيه تهويه ..

انشاءالله اكون فدتج ​

 

[kuwaitya_zoGaa]

بعد قلبي بنات ... ماقصرتوا ..
مشكورين بنات وايد وايد وااااااااااااايد

انا بسافر 3 اسابيع واخاف الخدام يلعبون فيها وقطوتى الحمدالله نظيفه ... ومافيها شى ماشاء الله ...
شكلى بوديها الطبيب وبشوف

 

[شندوخه]

والله توني ادري انه مسموح للحيوانات تسافر ؟؟

 

[سياسية]

تسافر معاج بالطيارة عادي..

بس لازم تقصين لها تذكرة اعتقد مابين 70-120 دينار .. و تقعد بقفصها و يحطونها مع العفش..

ولازم تودينها البيطري وتقولين له إنج بتسفرينها يطلع لها جواز/بطاقة/شهادة صحية أي كان تسميتها.. و يعطيج لها مخدر.. عشان تخدر و تنام بالطيارة..لأن القطاوة إذنهم حساسة..ومع الضغط الجوي فوق السماء راح يصيرون ميانين بالجو (إذا البني آدم خشمه يسكر و إذنه تعوره فما بالج بالحيوانات).. عشان جذي يهدونهم بالمخدر ويخلونهم نايمين وما يحسون بشي..

 

[lojeeen]

موضوع حيل مفيد صج انا بعد حيل احاتي إذا بسافر برى و بجيب معاي قطوه أو العكس بسافر من الكويت و باخذ معاي قطوه شنو لازم اسوي

يعطيكم العافيه بنات و يا ليت مشرفه القسم تثبت الموضوع لأن وايد اللي يسألون عن طريقه سفر الحيوانات بالطياره