ابي اسكن ليلتين بفندق حلو .و3ليال بشقه فندقيه

[مشاعر طفل]

مرحبااااا
السلام عليكم يا احلى كويتيات

انا جايه للكويت تمشيه وتسوق

ابي تدلوني على فندق حلو وسعره زين..وأهم شي تكون البر كه حلوووه وكبيره عشان عيالي
ويكون موقعه زين وقريب من المولات

وبعدين دلوني على شقق فندقيه نظيفه و يكون سعرها حلووو

وش أحلى مول حق فساتين الاعراس؟ ويكون سعرها متوسط يعني بحدود ال 100 - 150 دينار

الله يجزاااكم خير تراي غشيمه ماعرف شي بالكويت ابد

الله يوفقكم يارب

 

[randomy]

دشي البوكينق كل الفنادق بالتفاصيل

اذا تبين فساتين سهرة ب 100 وشي عندج الفروانيه الحمرا مول والعربيد بلازا

 

[مشاعر طفل]

الله يووووفقك يارب سجلت المولات عندي

خلاص حجزنا من البوكنق وخليناها كلها بأجنحة ميراج
وش رايكم فيه زين؟

وابي اسأل من تدلني وين سوق الزهره .. يعني قريب من شنو واي شارع ؟

شوكرررااا

 

[((غلاي))]

حياااااج بالكويت

تنووووورينا

قصدج مجمع زهره

بالسالميه شارع سالم المبارك

و اذا تبين فساتين عروس مو غاليه
مثل ماقالت الاخت الي قبلي
الفروانيه مجمع الحمراء مول و مجمع العربيد بلازا اهما يم بعض
و الدور الثاني كله ملابس اعراس جاهزه و رخيصه و في اقل من100

 

[((غلاي))]

انتم حجزتم ميراج سويت صح

على البحر هو
و قريب من السالميه و السوق


تنووووورينا قلبي

 

[مشاعر طفل]

غلااااي
تسلمين ياغلاي
الله يجزاك الجنه

قالت لي خالتي على مجمع الزهره تقول فساتينهم حيل حلوووه
عشان كذا ابي امر اشوفه

واذا عندكم بعد مولات حق فساتين عروس حتى لو غاليه عادي اكتبوها..لان اول شي بروح حق العربيد والحمرا..واذا مالقيت شي زين.. بروح للغالي

يسلمووو على الافاده الله يوفقكم جميع

 

[بيلسسان]

النقره الشمالي فيه غالي ورخيص ياقلبي

 

[الشيخه فطامي]

حبيبتي عندج فندق النخيل عل البحر او حلو نظامه مثل شاليهات او في حمام سباحه ليلته تقريبا ب 50 -65

عندج فندق كوستا ديل سول بس ماينفع حق عايله

سفير - الشيراتون- ساس - موفمنبك حلو حق عايله ينفع تقدرين تاخذين غرفه نظام شقه تصير غرفتين او صاله او حمامين

شقق فندقيه عندج ريتز - بودل - ميراج اتوقع ببنيد القار

لبس السهره عندج مجمعات ليلى جاليري بالسالميه

مجمع زهره بالسالميه

مجمع النقره الشمالي بحولي

مجمع المهلب بحولي

 

[مشاعر طفل]

ليلك يسلمووو سجلته عندي

فطامي
تسلمييييييييين لى الافاده حجزنا بميراج والنخيل
وسجلت الاسواق كلهاا عندي


الله يعطيكم العاافيه يا احلى كويتيات

 

[بخـــارى]

البنات كفوو ووفو
ميراج حلو وعندهم جاكوزي كبير
وعندج العثمان ومجمع النقره الشمالي بحولي عندهم بعد

 

[بخـــارى]

وحياج الله العين اوسعلج من الدار