رد: ابي اسهل طريقة
احسن طريقه لج عجينة العشر دقايق رووووووعه
الكاس المستعمل هو كاس الجبن =240 غ
والملعقة ملعقة الاكل وتكون الكميه ممسوحه
والحليب عادي وحتى لو الملاعق مليانه
والفنجان انا استعمل فنجان القهوه التركيه بس ما امليه على الاخر
والعجينه تتكون من مرحلتين
بالاول تخلطين المرحله الاولى وتتركيها عشر دقايق وراح يكون شكلها سائل اشوي
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه .... انا احط ملعقة خميره بس
وبعدها تحطين مقادير المرحله الثانيه عليها
3 كاسات دقيق /نصف كاس زيت
وتبدين تعجني فيها ... بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء ...
اهني ممكن تجهزي حشواتك ... ومنها العجينه راح ترتاح اشوي
رشي على السطح اشوي طحين واخذي قطعه من العجينه وابدي افرديها ثم شكليها مثل ما تبين
اخفقي بيضه ... وامسحي المعجنات بالفرشه ... راح تعطي المعجنات لمعه حلوه ... ومنها ممكن نرش سمسم او حبة البركه او سماق او غيره ... لان البيض يساعد بتثبيتها
بعدها اتركيها ربع ساعه حتى تتفخ اشوي ودخليها الفرن على درجة 180 وراح تاخذ من الوقت 20 دقيقه تقريبا ... او اقل .... افتحي الفرن من تحت بالاول وباخر عشر دقايق افتحي الفرن من فوق لما تتحمر
طلعيها من الفرن وخليها خمس او عشر دقايق وبعدها حطيها في صحن التقديم وغطيها (بالرول الشفاف )حتى تكون طريه معاج الوقت كله ...
وهذي طريقه انا اسويها اسمه عجينة الربع ساعه
المقادير:
-كاس ماء دافئ
-كاس لبن
-2ملعقه كبيره روب
-2ملعقه كبيره خميره
-نص كاس زيت
-فنجان قهوه عربيه سكر
-ذرة ملح
-تخلط جميع الكونات بخلاط العصير حتى تتجانس
ثم يضاف لها 5كاس طحين وتعجن جيدا وتتغطى بنايلون وتترك تتخمر ربع ساعه
الحشوات:
-سبانخ طازج
-نحمس بصل مفروم بزيت زيتون وتكون كمية الزيت زياده شوي
-بعد مايتحمر البصل نضيف السبانخ ونقلب المكونات حتى يذبل
-نضيف سماق وليمون وفلفل اسود وملح وتترك 5 دقايق ثم ترفع من النار
نحشي فيها الفطاير
-البيتزا
-نخلط بكميات متساويه كاتشب -مايونيز -معجون طماط ونمسح فيها المعجنات
الطريقه:
-بعد مرور الربع ساعه نبدا بعمل المعجنات
-انا سويت اشكال متنوعه ودهنت الوجه بحليب ابوقوس اوكرنيشن
الورده نقصها على شكل ورده ونحطها بقالب الكب كيك ونضغط بالوسط
ونحشيها حسب مانحب
انا سويت بيتزا -سبانخ -زعتر -جبن - جبن مالح وسماق -جبن مالح وفلفل بارد
لبنه وزعتر
وبالعاااااافيه
