ابي اسوي اجمع بس ما اعرف

[بنت الاخلاص]

هاي ياحلوين اشلونكم مشتاقتلكم انا معاشي 600 وودي اجمع بس ما اعرف من ينزل المعاش اطيره بيوم وحاولت اجمع بس ماكو فايده اضعف جدام السوق ودشيت جمعيات علشان التزم واجمع بس تجيني الجمعيه اطيره باسبوع مع ان ادش مبلغ قوي ياربي تعبت ابي اجمع ياليت تعلموني شلون اسوي ميزانيه علشان اجمع حق الزمن

 

[بنت الاحلام]

جني سمعت شي بالبنك
تروحين لهم تتفقين انهم يقصون نص راتبج او كيفج يعني
انا انصحج قصي 400
دام م عندج التزامات و200 يكفونج
ويجمعونهم لج كـ وديعه واحسن لج

 

[love-latee]

دشي جميه واذا استلمتيها دخليها بوديعه او بالخليج حساب الدانه وخشي الكرت

 

[جروح ودموع]

افتكي من السوق راح تجمعين وعندي لج طريقه اول ما ينزل معاشج سحبيه كله وتخلين 300 دينار مصرف والباجي على طول حطيه بحساب الدانه طبعا من غير كرت والمصروف قسميه ولما تروحين السوق حطي لج مبلغ معين بالبوك ما تصرفين اكثر منه وبهالطريقه تحمين نص راتبج من الاسراف والتبذير

 

[مطيرية متواضعة]

عطيني ياهم


ههههههههههههه

بقولج شغلة لمة تغمصين شخصية التاجر وشلون يسوي المستحيل

عشان حضرتج تطلعين بوكج وتشترين هني بتقدرين تجمعين يمكن الراتب كلة

لانة راتبج قبل شهرين للحينة ماخلص ... هالطريقة تخليج تستحقرين نفسج شلون كنتي مظحوك عليج من التجار

كل خرجة تلوع الجبد شارينها بأقل من دينار يبيعونها علينا ب20 و30

 

[الشيخة@]

حبوبه سوي استقطاع من معاشج يعني م\روحي البنك الي ينزل عليه
معاشج وقوليلهم ابي بطاقه ثانيه غير بطاقة الراتب وسوي استقطاع
300يعني بسنه بتجمعين3600وخشي البطاقه

 

[هيفو777]

رفع

 

[وحدة كويتية]

مع ان عنوان موضوعج كله بدليات
لوووووول
السالفه بسيطه امسكي روحج شوي عن السوق وراح يقعد راتبج
والله حرام ٦٠٠ دينار تطيرينها بشهر على خرابيط
التبذير مو زين الله ما يرضى ها ٦٠٠ تعيش لها عوايل
الحمد لله على النعمه

 

[الدلوعه2008]

يا حياتي انتي تطيرين ب الشهر 600 اجل انا جارتي بالشهر تطير 4 الف دينار علي شنو ما ادري

لووووووووووووووول

حياتي شوفي اول ما ينزل معاشج شيلي 400 دينار وخلي لج ميتين احسن بينفعونج

مو شرط كل ما تروحين سوق كل شيء تبينه اذا تركتي شيء الله عوضج بغيره فهذا احسن شيء


ولا تبذرين الله ما يحب المبذرين

بتوفيق حبي

ونصيحه اذا بتفتحين حساب توفير فتحي في بنك التمويل احسن لج انا سويت جذي كل ما ينزل معاشيء اقطه في الحساب

والله يهنيج بللي تجمعينه ​

 

[Q8stylle]

قصي من معاشج

 

[توكلت على الله 22]

البنات ماقصرووو