ابي اسوي بيرم رموش ويييين؟؟

[noor_14_14]

سلام عليكم بنات
خاطري اسوي بيرم رموش عشان ارتاح من الماسكرا
وين تنصحوني اسوي فيه؟؟
وهل يطيح الرموش ولا عادي؟؟

 

[noor_14_14]

اب اب اب

 

[عذوره 2010]

اول مره اسمع اب اب لعنونج

 

[ام وحودي]

حبيبتي الي اعرفه انه يطيح الرموش

 

[noor_14_14]

اب اب اب

 

[pink ink]

كنت اشتغل فيها وبطلتها مع انها كانت تدخل لي مكسب مادي حلو
انتبهي منها والله رموشك تتقطع وتنعدم خصوصا لو رموشك اصلا خفيفة وشعرتها فاتحة
ماراح تفتكي من الماسكارا ترى لازم منها سواء سويتي البيرم والا لا
يجي معاها كمان صبغ للرموش بس النتيجة غبية ماتسوى
الماسكارا تركيبتها تحتوي على الياف تزيد من سمك الشعرة وتبينها اغزر واطول
بس الصبغ يصبغ الشعرة وخلاص ولايبان الفرق
الا بتضعف و تقصر لان الصبغة تسوي تاكل لطرف شعرة الرمش بتلاحظيها بعد كم يوم بينت اقصر والصبغة راحت ولا كانك سويتي شي
يبغالك على الاقل 6 شهور لين ترجع رموشك لطبيعتها

 

[noor_14_14]

انا رمشي اسود مو فاتح
وعندي رموش ماشالله حلوو بس عيز اني احط ماسكرا وابيهم مرفوعين
فشرايج اخاي لنك؟
اذا سويتهم بدون صبغ يمشي الحال؟

 

[pink ink]

حبيبتي الامر يرجع لك انا والله نصحتك عن دراية وخبرة لاني كنت اشتغل عليها ووقفتها
الرموش بشكلها الطبيعي احلى جاية مع شكل العين بالذات اللي في الاطراف حلوة لمن تكون ماشية مع سحبة العين
اللف بيخلي شكل العين مدورة وبتفقدي شكل سحبة الرمش الحلوة الطبيعية من الطرف مع شكل عينك
وانتي ماشاء الله لاقوة الا بالله تقولي رموشك حلوين حرام لاتخربيهم
تبغي ترفعيهم خذي القطعة اللي تلف الرموش قبل الماسكارا حلوة وآمنة و تعطي شكل حلو بدون ماتغامري

من جد من جد والله ما ابالغ
ترى البيرم بيضعف لك الرمش وبيبهت لونه وبيقصر لانه ياكل طرف الشعرة نفسها حتى من غير صبغ
اصلا حتى لو سويتي البيرم بتحتاجي الماسكار مالك مفر منها
خصوصا لو انك مسوية ميك اب وحطيتي باودر لازم بتطيري اثاراها من على رموشك بالماسكارا في كل الاحوال