ابي اسوي رجيم بس ماقدر

[اوتار هادئة]

بنات انا ابي اسوي رجيم بس ماقدر لانه كل ماجيت اسوي رياضه اتعب وايد يعني عندي جهاز تمرين بس اسوي مره واتعب وانا ابي رجيم قاسي قولو لي شي يضعف بسرعه لانه عندنا عرس واحب اخفف شوي من وزني :eh_s(16):

 

[فوشيهـ]

هذا كسل مو تعب


مادامك تبين نتيجه حلوه لازم تتعبين ع عمرك

واشتغلي على نفسك من الحين اليييييين تنزلين وزنك الزايد كله مو بس الى وقت المناسبه وتوقفين تزيدين

واذا مانقصتي وزنك بتموتين قهررررررر بالعرس لين شفتي اجسام البنات وهم كاشخين

<< تشجيع هع هع

شدي حيلك وتوكلي ع الله وانصحك تتابعين مع دكتورة تغذيه بألتزااام تام ..


بالتوفيق

 

[مهندسه مستقبل]

بالبدايه وخري من الاجهزه و اتوقع الجو بالكويت حلو الحين ف روحي ممشى منطقتكم او ممشى البحر افضل و حطي سماعات ب اذنكج على اعلى صوت و اغاني اللي تحبينها و امشي وامشي ماراح تحسين بالتعب

و حاولي تغيرين نظامج الغذائي بس لاتقطعين كل الاكل بالمره يعني ك بدايه خفيي و اي شي تحبينه اكليه بس بكميه اقل وكل شوي خففي اكثر
و الاهم تحدييييييي تحدي نفسج انج تقدرين تضعفين و شوفي و ممثلات اللي تحبينهم الرشيقين و قولي انج تقدرين تصيرين احسن منهم
اهم شي التحدي و الاصرار و لو تلقين احد يسوي معاج رجيم وتتحدينه بعد افضل

كنت اتحدى ولد خالتي كل اسبوع منو يضعف اكثر و كل اسبوع كنا نوزن وبصراحه كانت طريقه ناجحه و وصلت لي 48 يومها

 

[اوتار هادئة]

:eh_s(2)::eh_s(2):

 

[MRS.coupe]

اول شي صح الجو حلو اللحين حاول تروحين مع اهلج ممشى المنطقة تقضين وقت بالسوالف والمشي


عندج تمارين خفيفة تلقينها باليوتيوب ما تتعب وايد بس ابدي بالتدريج واذا تبين روابط احطلج

انتي من نفسج جسمج راح يتعود على الحر كة بالذات اذا كان التمرين صح

 

[modern]

خلي ارادتك قوية اذا ماسويتي رياضة و ريجيم ما رح تضعفين ابدا

 

[ي حليليِ]

شنو الجهاز اللي تستخدمينه ؟
فادج؟؟

 

[M!SS.LOBY]

شوفي لج نظام او برنامج للرجيم راح يوفر عليج وقت

 

[اميره بكلمتي]

اول خلي عندج أراده قويه واشتركي بنادي صحي أو الممشى وبالبدايه خففي اكلج وبعدين حاولي انج ماتتعشين بعد الساعه ٧ صكي حلجج وإذا كلش كلش جعتي آكلي خياره وجذي بتطلعين سمبتيك ومانيكان

 

[M!SS.LOBY]

كلامها صح العضوة (اميرة بكلمتي) خلي عندج ارادة وعزم