ابي اسوي ليزر حق ويهي

[سويتي الحلوه]

السلام عليكم خواتي


انا ابي اسوي حق ويهي ليزر
وحابه اسال الخوات الي سوا
هل الويه ماصار فيه اي شي عقب اليزر
لام في وحده قالتلي بعد وقت راح يصير الوقت جنه محروق من اشعه الليزر

والخوات الي سوا ليزر وفاد وياهم
وين سوه؟ باي عياده او مستشفي؟ وبجم؟
وجم مره ترددو علي الطبيب


وناطره ردودكم الحلوه

 

[لانا]

انا بعد سويتي نفس الاسئله.....
يلا بنات عفيه فيدونا من تجاربكم.............
مشكوره سويتي الحلوه على الموضوع.....

 

[هندو]

اهلين ... انا مره سويت بالليزر الضوئي .. جلسه مدري جلستين

ابد ماصار بوجهي شي لا حراق ولا حبوب ولا شي حمدلله

وترى ساعات البنات يتحسسون من الليزر ... لان مرات الدكتوره تختار

نوع ليزر مايناسب البشره او على حسب قوة الاشعاع > شي جي مب متأكده

.. خساره مافادني العلاج لأن عندي مشكله بالهرمونات

وناويه اسوي قبل العيد جلسه بس بالليزر العادي والله المستعان ​

 

[LaSt WoMeN]

ابتعدي عن الليزر الضوئي .. صج ما يحرق الويه بس يحرق الجيب تدرين ليش ؟
لأنه ما يموت البصيلة فلو تسوين 100 جلسة راح يستمر الشعر و يطلع لج ..
سويت عندهم 7 جلسات و ما فاد .. قالوا لي لأنه ضوئي لو كنت مسوية حراري جان خلصت من زمان ..

يمدحون زهير كلينك و دار الشفا .. و انا بسوي عند واحد منهم ان شاء الله

 

[الاسطورية]

ويه رفجتي صار مخوضر خصوصا صوب الشوارب صار وايد اخضر مايعجبني الليزر ووحده ثانيه من رفيجاتي رد يطلع الشعر اكثر من قبل بعد فتره
مادري كيفج بس مانصحج فيه

 

[أكوان]

بصراحه ما انصحج فيه

كل اللي مسوينه ويهم يصير فيه شوائب

اعرف اكثر من وحده مسويه لليزر لويهى
مساماتهم كبيره حيييييل تصير ... ووحده للحين ويهى احمر كإنه محروق
ورفيجتي الروح بالروح صار ويها اسمر من قبل

بصراحه ماله داعي ليزر احسن انه خطير ومو حلو من اللي شفته علي رفيجاتي

 

[سويتي الحلوه]

تسلمون بنات علي مشاركتكم وردوكم الحلوه


اهوا اليزر حلو بس هم ينخاف منه


انا الشعر الي بوهي يعتبر خفيف
بس المشكله ان ويهي حبب وبقع من الحف
فعلشان جذي انا بسوي ليزر


ودار الشفا انا سامعه انهم زينين
بس الي تعرف بجم يسون ياليت تفيدنا

 

[روزالكويت]

الشعر الخفيف ماينفع معاه الليزر لازم يكون اسود ثقيل.

 

[BaNoOTa_KuWaiTya]

مساء الخير...مبارك عليكم الشهر

أول شي بنسبه لليزر ومنافعه ومضاره أقول اليزر وايد يريحج من الحف ف مثلا الخيط ياذي البشره ويطلع حبوب بعد الحف طبعا هذا على حسب نوع البشره وهم اللى قاعده تحف لج ايدها ثقيله او خفيفه وثاني شغله الشمع يسود البشره مع الايام واذا كان حار يحرقها

اما اليزر ف اهو صراحه احسن حل ترتاحين من كل هذا والله يعافي اللى اخترع اليزر
واللى سمعتيه عن اليزر وعيوبه ممكن يكون صج بس في شغله على شطارة الدكتور او الدكتوره مو كل من هب ودب يعرف له حتي في الحين بصالونات يشيلون ليزر اي شي
ف في دكاتره زينين وشطار مثل دكتور أحمد رشيد في بوشهري كلينك عجيب ليزره بعرف بضبط شسوي مشاء الله عليه ف الشعره الخفيفه يخفف عليها اليزر والثقيله يزيد الليز ومايحرق البشره ولايسبب اي اثر كلش وهم في شغله تذكرتها انه في بعض الدكاتره يطولون جلسات اليزر كل هذا عشان اتين لهم وتدفعين بس هذا الدكتور يشتغل بضمير والله وعن تجربه انه شفت وااايد ناس راحو له واستفادور
وبنسبه للاسعار ف الحين ارخصت وااايد مو نفس قبل بالاف الحين بحدود ال40 و50 دينار اقل ممكن على حسب كل حاله وكثافة الشعر أتمني اني أكون افدتج حبيبتي وموفقه انشاء الله[/CENTER​

]​

 

[Filakawyia]

الليزر اختراع جيد . . انا سويت ليزر بس مو حق كل ويهي
واللي اعرفهم و سووا حق ويههم اشوي طولوا يعني الجلسات خذت سنة و نص تقريبا كل شهرين مرة . . . و تقريبا ب50 دينار
بس مشكله الويه ان الشعر يكون خفيف . . . يعني ينفع تسوين بس فيه شغله مو زينه . . ان كثر ماتنزل صوب القربه . . و على حد المكان اللي تسويلج اياه "من ناحية القربه و انتي نازله" يطلع الشر اسود و يبر شوي . . و بلبنان يقولون ان فيه جهاز ما وصل الكويت حق الشعر الخفيف "الوبر " مثل شعر الويه والله اعلم
و جلسات الليزر تختلف حسب نوع البشره و لونها . . البشره البيضة اسرع . . . بس اهم شي لي بغيتي تروحين لايكون الشعر امشقر او مشيول يعني حاولي اتخلينه احسن

 

[شيهانه]

انا صار لي 4 سنوات أسوي ليزر حق ويهي وهذي غلطت حياتي سويت الاول عند رشيد وحرقني وكان الشعر بس في الذقن وكان يوسع كل مره المكان الي يشتغل فيه وكل مكان كان يطقه ليزر طلعلي فيه شعر كان ويهي صافي بس الشوارب والذقن اللحين صار الشعر يطلع حتى تحت عيوني ؟؟

انصحك لا تسوين ليزر أنا ويهي بقع وصار فيه سواد وعروق حمر ومسامات واسعة وكل عله فيه بس مستمره لاني من احف او اسوي واكس يطلعولي دمامل .. واريح الليزر من شهرين لي شهرين وافتك ..


واخر شي اذا مضطره سوي لايت احسن من الليزر الف مره

 

[hada]

بنات الليزر في منه انواع واشكال واكثرها تسبب مشاكل للبشرة الا نوع واحد حسب كلام خبيرة ليزر انجليزيه قريت لها مقال وهو نوع candella alexendrite انتوا سألوا عن نوع الجهاز قبل لاتسوون واهم شي يكون اللي يشتغل عليه فاهم شغله
وجني شفت اعلان مال مركز الشعب التخصصي في نفس الليزر هذاعند دكتور الجلبدية مالهم وانا ان شاء الله ناوية اروح عندهم بعد العيد

 

[تفاخيه مبطوطه]

!!!!!!!!!

كل هذا من الليزر!!

عاد حتى انا ودي اسوي

ناطرين باجي التجارب

 

[LajoOona]

انا مسويه ليزر ووايد ارتحت لدرجه الحين باديه اسوي حق جسمي بعد ما شفت النتيجه الفعاله بويهي
وانا سويت عند عيادة الدكتور يوسف بو عباس وشغلهم حلو وايد والحمدالله لا حرووق ولا بقع ولا شي
وانصحج فيه بس شرط تروحين حق دكتور فاهم وعنده خبره مو اي احد يعرف له عدل

 

[رند]

والله حتى انا خاطري اسوي
بس خرعوني البنات اللي بالدوام منه فهونت

 

[أم طه الحولة]

الله احلى شي الليزر .. اختراع عجيب .. لحد يقوللج يحسس ومادري شنو ..!! بالعكي احسن من الحف وهالسوالف الليزر جلستين ثلاث الا الويه اينن انا عن نفسي جربت د.اشرف عفيفي بمستشفى السلام .. خوش دكتور والله عجيب اهلي كلهم عنده وماكلفني شي .. الليزر مو مثل قبل غالي الحين غير رخيص لان صار متوفر بكل مكان .. قبل كان نادر بالكويت .. قبل يسافرونله

 

[سويتي الحلوه]

تسلمون خواتي علي مروركم وعلي مشاركتكم

وعلي نصايحكم الحلوووووووووووووووووووووه

 

[نفانيف]

سوي عند الدكتور طلال العلي انا اسوي عنده

 

[رقي]

انا ناويه اسوي ويهي بس ماعندي جرئه

 

[Filakawyia]

طيبة كلينك و عياده المشاري زينين