- إنضم
- 19 يونيو 2009
- المشاركات
- 3,388
- مستوى التفاعل
- 3
- النقاط
- 0
السلام عليكم
هالموضوع من زمان ودي اقوله حق احد بس كنت استحي
اول شي ابيكم تعرفون وضعي عشان النصيحه اتكون بمحلها
انا مالجه من شهر 4 وشهر 8 كان عرسي يعني الحين تقريبا صارلي 6 اشهر متزوجه وانا الحين حامل بالشهر الرابع
انا عيميه وريلي بدوي فديته
بنات مشكلتي بعض الناس يشوفونها نعمه وانا بعد بس الحين قمت احسها لأ
انا ريلي ماييحب الكشخه يعني يحب ستايل البجايم والشعر ستريت مايحب الويفي والحركات وما يواطن المكياج وهالشي خلاني اهمل نفسي حتى البجايم ماقمت اهتم فيهم يعني عادي بجامه والسلام
بأيام الملجه قلت وناسه الحين بتعلم الطباخ والسنع بس لهيت بالطلعات والتجهيز وقلت يالله لمن اتزوج مردي بتعلم
على حظي ريلي مايهتم بهالسالفه عادي عنده ياكل أي شي
انا ساكنه عند اهلي بشقه امي الله يعطيها العافيه مو مخليتني اسوي شي الغدا اهيا اتسويه وبعض المرات العشا والريوق الخدامه اتسوي ياربي فيني كسل مو طبيعي من الدلع صرت حتى ما اقدر انطر بالمطبخ على ماينقلي البيض أول شهر حسيت اني ملكه ما اسوي ولاااااشي غير اني اروح المعهد وارد اجابل التلفزيون او النت اليوم اللي امي ماتطبخ فيه نروح مطعم ولا نطلب وريلي عمره ماتذمر واهني المشكله خلاني ازيد كسل على الكسل اللي فيني
الحين انا حامل طبعا ودلع الحوامل قلت يالله ميخالف الحين خل اريح وبس اولد ان شاءالله ابدي اتعلم الطباخ واطبخ بس بنات احس مافيني الحماس اني اطبخ حتى لمن تعجبني أكله معينه مالي خلق أسأل واذا سألت وسويتها ما اظبطها وخلاص بس ما ارد اجرب اسوي مره 2 وامي الله يهداها كلمن قعدنا مع ناس اتقولهم وي بنتي حتى قلاص الماي ماتييبه حق ريلها حتى البيضه ماتعرف تطبخها عبالها قاعده تمدحني جدام الناس ماتدري انه شي يفشل واذا مثلا في طلعة بر او شي جذي اتقول حق خالتي شلون وريل بنتي منو يسويله غدا انا انققهر اقولها يماه انا اسويله ولا اطلبله مطعم اتقولي شبتسوين ولأ فشله اي مطعم وصج احسها تدري اني ماراح اسوي شي من الكسل اللي فيني
عمري 22 سنه ما اعرف اطبخ ولا طبخه قلت مره بسوي مجبوس دياي لاني اموت عليه وريلي يحبه بعد وامي طباخها مو ذاك الزود يعني حتى لو بتعلم ماراح اتعلم منها تخيلو ابي اسوي المجبوس وخذيت الطريقه توهقت بالديايه مادري شلون ينظفونها
المفروض اني اسأل بس من الكسل كنسلة الطبخه
لمن رفيجاتي يتيمعون كل وحده اتسوي شي بسيط حلو او سلطات انا حتى السلطه ما اعرف اسويها استغفر الله
شنو الحل معاي مافيني حماس ريلي بدوي وماشاءالله بنات البدوو السنع كله لهم اخته عندها 4 يهال ماشاءالله وماكان عندها خدامه وسوتلنا عشا عيش ولحم وروب وخيار لو انا جان حتى عصير ماقدمت
هالموضوع من زمان ودي اقوله حق احد بس كنت استحي
اول شي ابيكم تعرفون وضعي عشان النصيحه اتكون بمحلها
انا مالجه من شهر 4 وشهر 8 كان عرسي يعني الحين تقريبا صارلي 6 اشهر متزوجه وانا الحين حامل بالشهر الرابع
انا عيميه وريلي بدوي فديته
بنات مشكلتي بعض الناس يشوفونها نعمه وانا بعد بس الحين قمت احسها لأ
انا ريلي ماييحب الكشخه يعني يحب ستايل البجايم والشعر ستريت مايحب الويفي والحركات وما يواطن المكياج وهالشي خلاني اهمل نفسي حتى البجايم ماقمت اهتم فيهم يعني عادي بجامه والسلام
بأيام الملجه قلت وناسه الحين بتعلم الطباخ والسنع بس لهيت بالطلعات والتجهيز وقلت يالله لمن اتزوج مردي بتعلم
على حظي ريلي مايهتم بهالسالفه عادي عنده ياكل أي شي
انا ساكنه عند اهلي بشقه امي الله يعطيها العافيه مو مخليتني اسوي شي الغدا اهيا اتسويه وبعض المرات العشا والريوق الخدامه اتسوي ياربي فيني كسل مو طبيعي من الدلع صرت حتى ما اقدر انطر بالمطبخ على ماينقلي البيض أول شهر حسيت اني ملكه ما اسوي ولاااااشي غير اني اروح المعهد وارد اجابل التلفزيون او النت اليوم اللي امي ماتطبخ فيه نروح مطعم ولا نطلب وريلي عمره ماتذمر واهني المشكله خلاني ازيد كسل على الكسل اللي فيني
الحين انا حامل طبعا ودلع الحوامل قلت يالله ميخالف الحين خل اريح وبس اولد ان شاءالله ابدي اتعلم الطباخ واطبخ بس بنات احس مافيني الحماس اني اطبخ حتى لمن تعجبني أكله معينه مالي خلق أسأل واذا سألت وسويتها ما اظبطها وخلاص بس ما ارد اجرب اسوي مره 2 وامي الله يهداها كلمن قعدنا مع ناس اتقولهم وي بنتي حتى قلاص الماي ماتييبه حق ريلها حتى البيضه ماتعرف تطبخها عبالها قاعده تمدحني جدام الناس ماتدري انه شي يفشل واذا مثلا في طلعة بر او شي جذي اتقول حق خالتي شلون وريل بنتي منو يسويله غدا انا انققهر اقولها يماه انا اسويله ولا اطلبله مطعم اتقولي شبتسوين ولأ فشله اي مطعم وصج احسها تدري اني ماراح اسوي شي من الكسل اللي فيني
عمري 22 سنه ما اعرف اطبخ ولا طبخه قلت مره بسوي مجبوس دياي لاني اموت عليه وريلي يحبه بعد وامي طباخها مو ذاك الزود يعني حتى لو بتعلم ماراح اتعلم منها تخيلو ابي اسوي المجبوس وخذيت الطريقه توهقت بالديايه مادري شلون ينظفونها
المفروض اني اسأل بس من الكسل كنسلة الطبخه
لمن رفيجاتي يتيمعون كل وحده اتسوي شي بسيط حلو او سلطات انا حتى السلطه ما اعرف اسويها استغفر الله
شنو الحل معاي مافيني حماس ريلي بدوي وماشاءالله بنات البدوو السنع كله لهم اخته عندها 4 يهال ماشاءالله وماكان عندها خدامه وسوتلنا عشا عيش ولحم وروب وخيار لو انا جان حتى عصير ماقدمت
