ابي اضعف

[الرونقيه]

السلام عليكم ..

شلونكم بنات ...

عسا ربي يرزقني ويرزق كل محرومه


ياكريم ..

بنات انه وايد متنت من العلاج ..

والشهر الياي بسوي حقن مجهري ان شاءالله


وسمعت لازم اضعف

بنات انه كليت حبوب تنحف سمعت عنها وايد زينه


وقريت الردود لها وايد زينه ومالها أي اثار جانبيه

الا اهي slimming البوكس الاجمر


شرايكم بنات اكمل عليهم

لان ودي اضعف واخاف من التكيسات ...​

 

[قلب طفـــله]

أهلين

بالنسبه لي ماسمعت ان احد جربها من الأهل

جان رحتي للدكتور تغذيه وسألتيه قبل ماتاكلينها ومنها يكتب لج على جدول رجيم تمشين عليه

الله يوفقج وان شاء الله تضعفين وتحملين

الله يرزق الجميع

 

[qoot]

انا ماسمعت عنها بس نصيحتي سوي رياضه احسن من الحبوب ترت يمديج لو تنزلين اربعه كيلو

وعسى الله يرزقج بذريه الصالحه ويفرح قلبج عاجلا غير اجلا

 

[glby7sas]

حبيبتي لا تاخذينها لاني شفت صورتها بحساب وزاره الصحه اللي بتوتير مع الادويه اللي صادووهم وهذيله ماعليهم ترخيص وكانو يبيعونهم على اساس انهم مرخصين

شوفي انا كنت مثلج شفتي دكتورج نفسه مال العمليه قوليله واهو راح يكتبلج حبوب تضعف بس لازم معاها رجيم خلي رجيم خفيف يعني كل شي اكلي الساعه ٥ خلاص وقفي عن الاكل اذا اشتهيتي اكلي تفاحه او فواكه بعدها وشربي ماي بس
لا تجازفين بهالحبوب ترا لي الله كتبلج وحملتي بتشوفين انواع الوسواس اللي بييلج

 

[ملح الكون]

كل الحبوب تضر .. نصيحه قبلاي وجبه بربع ساعه صحن سلطه وقلاص ماي وبعدها اكلي
لسلطه تملي البطن وتحسسج بالشبع وحطي لج ببعلبة الرروب عيش وصدر دجاجه ولا تتعشين خليج سلطه بس
وان شاء الله تضعفين والله يرزقج باللي تبين ..

 

[الرونقيه]

باكلهم سبوع وعقب بقطهم ..

ومشكورين على الردود حبايبي ..​

 

[روج كرزي]

لا موزين خلي دكتورج يكتبلج جلوكوفاج يهبلون يضعفون ويشيلون اي تكيس بنفس الوقت وحاولي يكون كل اكلج قليل الدسم واقطعي المشروبات الغازيه والقهوه بانواعها والشوكلاته لانها مضره عالبويضات اذكر قبل رحت لدكتور طالب الشمري وضعفت يمكن ٥ كيلو عطاني حبوب طبيعيه ايزلاكس ابحثي بالنت عن رجيمه يهبل واسال الله ان يرزقني ويرزقج ويرزق الجميع بالذريه الصالحه يارب.

 

[فيلجاويه كيوت]

هالحبوب تخرع خلتني امشي واصرخ واعصاب وماكو نوم

يابنت الحلال خففي اكل وامشي

المشي ينشط المبايض

 

[الجادل الخشف]

انا انفع معاي الجلوكوفاج وودي اضعف يارب يضعفنا عشان نحمل

 

[dreamY nono~]

اب اب