ابي اطلب من الصين شلووووون ؟؟؟؟

[كاامل الزين]

بسم الله الرحمن الرحيم
مرحبا يااحلى بنوتات كويتيات بنات فديتكم واللي يسلمكم ابي اطلب من مواقع التسوق الصينيه بطلب من الصين بضاعه شلووووووووون موعارفه تكفون ابي احد يساعدني شلون الطريقه وبسالكم الشحن لما اطلب البضاعه يعني تقريبا جم تكلف اماااااااااااااااانه ردو علي ناطرتكم عسى ربي ينولها اللي فبالها اللي ترد علي وتساعدني بهالشهر الكريم :0bee2e8d89:

 

[شمعه حزن]

والله ماعندي اي خبر
موفقه مقدما وان شاء الله يساعدونج البنات

 

[كاامل الزين]

يابعد عمري ياشمعه حزن تسلمييييييييين ياحياتي وماقصرتي على المرور العسل وناطرتكم بنات عفيه لاتبخلون علي بااي معلومه

 

[كاامل الزين]

تسلمييييييييييين ياعمري ياام سالم وماقصرتي فديت قلبج

 

[sweet_lulu]

أم سالم أنا بعد أبي أطلب من الصين .. ياريت تقوليلي على الخاص الطريقة أو تساعديني .. مشكورة

 

[عبيطه^ماتستعبط]

ام سالم انا بعد الله لايهينجج راسليني عالخاص

 

[نور اهلها]

ام سالم انزين بس قوليلنا الشحن حق الكويت جم يكلف يعني انا بس حابه اعرف ما ودي اطلب بس ابي اكون خلفيه

 

[صاحبة معرض]

بنات حبيباتي زوجي دايما يروح حق الصين وعنده خبره كبيره عن الشحن وكثير يشحنلي اشياء انا ابيها ومايقصر معاي باي شئ

اللي تبيني اسؤل لها عن اي شئ انا اختكم وما راح اردكم حبيباتي

المعلومات اللي عندي استفدتها من زوجي بان مكاتب الشحن اللي تشحنلج من الصين ياخذون 5 % من قيمة مشترياتج

واذا الكميه اللي انتي شاريتها غاليه ياخذون منج 3 %

سعر الحاويه ( كونتينر ) الحجم الصغير الطول 6 متر والعرض مترين و 60 سم بقيمة 800 دك

وقيمة الحاويه ( كونتينر ) الطول 12 متر والعرض مترين و 60 سم هايك يو الحجم الكبير 1500 دك

طبعا تقدرين تترسينها قد ماتقدرين من اي نوع من البضائع

اما اذا فلوسج محدوده وماتقدرين تغطين الحاويه استخدمي الشحن بالكيوبي متر مربع

سعر 30 دك الى 28 دك حتى لو وزن بضاعتج 200 كم طبعا تحطين فيه اللي تبين متر عرض ومتر ارتفاع متر طول

تكون الطريقه توصل حق شركه بالكويت مع بضاعة احد التجار ولها بيان بروحها ومنافست بروحها

يعني بضاعتج اللي جايه مع التاجر تكون باسمج مو باسمه حتى مايتحمل المسؤوليه وكل كرتون داخلها له رقم معين حتى الكل يعرف

بضاعته مو يبطلون الكراتين حتى يدورونها

والتجار مايرضون اقل من اربعه كيوبي متر مربع هذا بالنسبه للشحن عن طريق البحر

وظيفه مكتب الشحن حبيباتي هو الاهم ؟؟ مثلا رحتى حق الصين وتبين بضايع متنوعه وكل محل او شركه اللي يقول طلبكم يخلص بعد
اسبوع والثاني بعد اسبوعين وغيره بعد شهر او عشرين يوم انتي تحتارين ماتقدرين تشحنين صنف واحد بالحاله هذي تكونين مجبوره على شركه معتمده مختصه تعطين حق الشركات اللي تطلبين منهم بضاعه ربع المبلغ والباقي بعد يخلصونه يودونه حق مكتب الشحن واذا كان المبلغ بسيط تسلمينه حق الشركه وتبلغين مكتب الشحن بان المبلغ مدفوع وبعدها يقوم بالاتصال بالشركات لجمع بضايعكم حتى تكتمل وبعدها يخبركم اول باول بانها اكتملت وراح توصل باي تاريخ ويعطيكم اسم الشركه ورقم الحاويه اللي بالسفينه حتى تتاكدون منها باي ميناء توصل بالكويت
مكتب الشحن :

1- يقوم بجمع البضاعه من الاسواق وتخزينها عنده حتى تكتمل البضاعه
2- يحجز السفن اللي تروح للكويت ويجهز جميع الاوراق المصدره من الصين
3- يحدد وقت الابحار والوصول من الصين وبدوره يخبركم اول باول ومتى توصل
4- يوفر مترجمين يتكلمون اللغه العربيه
5- تاكدي بان المكتب معتمد
أما بالنسبه للشحن الجوي سعر ارخص شحن للكيلو دينار ولكن قيمة الاوراق للشحن 60 دك معاملة الشحن وبعدها سعر الكيلو دينار
ولهم مقاسات ؟؟؟؟؟ نقطه مهمه

على سبيل المثال تبين لعبه حجمها كبير عاروسه ولا دب

ممكن سعرها 5 دك لما تبين تشحنينها يقولج دفعي 30 دك حق بس هذي اللعبه لان حجمها كبير السبب يعطونج صندوق يشيل وزن 36 كم

ويقولج الصندوق هذا سعره 30 دك اترسيه من اكسسوارات وشنط واي شئ غالي ولا رخيص سعره عليج 30 دك يعني لو حطيتي لعبه وحده فيه وانترس عباره غطيتي مساحته كلها ولو كانت لعبتج ماتسوى 5 دك ارجو ان الصوره اصبحت واضحه حبيباتي

فاللي تبي تجيب شئ حجمه صغير ويستاهل انصحها تشحن بالجو لانه بالنسبه للحجم الصغير وغالي الثمن مايطلع عليها غالي

وبالنسبه للي تبي شئ حجمه كبير مالها الا البحر ويطلعلها رخيص

------ اما بالنسبه للي تبي شئ معين من شركه وحده بالصين استفسري عن سعرها واذكري لها بان تبينها واصله الكويت مع جميع مصاريف الشحن وراح يعطونج خبر

وسامحنى حبيباتي دعواتكم لي ولكم بالتوفيق

 

[ريما^]

مووووووووووفقه حبيبتي

 

[Balloons Shop]

شكرا لك راعية المعرض

 

[صاحبة معرض]

شكرا لك راعية المعرض

تسلمين حبيبتي شكرا لك