ابي اعرف الحين الي تبي تسافر لازم تزعل

[Hayôônh]

شلونكم بنات انشالله بخيييير:hjy5jewf:


الحين ليش الوحده اذا تبي تسافر لازم تزعل:gr4uu: اذا رفض فكرة السفر في بنات اعرفهم وحده ماعمرها سافرت معاه ويوم تبي تسافر زعلت على زوجها وتكتب التوبك مالها كلام يدل على زعلها وانها ماقصرت معاه ومن هذا الكلام بس ماتوقعت عشان سفره واخر شي سافرت
:eh_s(15):
وثانيه هم جذي كانت كاتبه كلام والله عورت قلبي قلت حرام رفيجتي الله يهدي زوجها عبالي سالفه جايده اخر شي عشان سفره وكاهي الحين بتمشي باجر انشالله
انزين الحين ليش تبينن للناس انج زعلانه تبين تسافرين احس فشله مفروض الوحد ماتكتب جذي طلعين مشاكلج للناس وانج زعلانه تبين تسافرين
هذي وجهة نظري من ناحية الموضوع:eh_s(7):
واتمنى منكم تشاركوني بعد برئيكم :bye22:

 

[فوفو22]

السفر نقطه ضعفي لاني احبه

عموما الزوج اللي يحب زوجته وهو بالاساس ما يحب السفر

وعنده كل الامكانيات الجاهزه للسفر من توفر وقت ومال

فمافيها شي لو سافر عشان خاطرها

واغلبيه اللي يزعلون تلاقين زوجها مواعدها بسفره ثم خان بوعده لظرف ما ...فهي زعلت

بالنهايه اقول السفر من الامور الثانويه

لانه الحياة الزوجيه فيها اهم ومهم واقل اهميه

الاهم: توفر بيت ...ومعرفه الحقوق والواجبات
المهم : توفر وسائل الراحه بالبيت من سياره واجهزه وخدامه
الثانوي: تغيير اثاث ...سفر ..خدامه اخرى ...مدارس خاصه

فوفو

 

[اهذريبك~]

هههههههههههههههههههههههههههههههههههههههههههههههههه مت ضحك من العنوان
والله مادري ماجربت بس اغلبهم يعاندون زوجاتهم فـ لازم تزعل عشان تسافر

 

[Patcholli]

يمكن تبيه اهو يقرا مو عشان الناس

وزين اهم شي ان الطريقه انفعت ^_^ مو مهم راي الناس ونظرتهم اهم شي رضى يسفرها وقدرت تقنعه بطريقتها يمكن زوجها ماينفع معاه الا جذي

 

[Gifts&Occaions]

اي بس مو حلو تكتب والناس كلها تشوفه شي شخصي انا اشوفه

 

[ملگه]

جان زين ازعل ويسفرني جان كل يوم زعلانه هههههه

 

[رنيم الروح]

ليش الزعل عشان السفر اشوف سالفه ماتسوى ازعل عليها ماتوقع الزعل ينفع اذا الزوج معند وحاط براسه مافي سفر بس بتفاهم كل شي يصير وهذا انا موكل سنه نسافر من وين لا وين خخخخخخ الموضوع يجي بالاقناع واذا زوجك مايحب السفر احترمي رغبته وبلا مشاكل وعوار راس

 

[[ نور عيني ]]

-


امممم
انا اشوف انها عادي تزعل عشان تقنعه
بس مو حلو ان كل الناس تدري ان بينج وبين زوجج مشكله والله فشله
حتى لو منقهره ودج تنبطيييييين من القهر .. حاولي تمسكين اعصابج
لان في بعض الناس تحببببببببب الشماته بكل الاحوال وفلانه وعلانه شوفي شكاتبه .. الخ ،
ازعلي بينج وبينه خليه يدري انج زعلانه بس مو شرط كل العالم تدري
وهذي وجهه نظررررري .. =)
ومشكوره يا قلبي ..

 

[ماركة انثى‘]

ليش الزعل ؟!؟

عشان السفر عن نفسي اشوف سالفةة ما تسوى بصراحةة

 

[الأميرة جوري]

التفاااااااااااااااهم حلووو ماله داعي تكبت بالتوبك الكل عارفها فشله

 

[دلوعة أبوهآ]

تعليقي الوحيد ع النآس اللي تكتب كل تفآصيل حيآتها في البيرسونآل !!
مآدري متى النآس تكبر ويكبروآ عقولهم ويكتموآ اسرارهم لنفسهم ..

 

[مـآلي شبيه~]

خل تزعل عليه عشان السفرة بس زعل معقول موتروح بيت اهلها و تسوي سالفة
تزعل في بيتها و محد يدري عنها
اما سالفة توبيكات لألا عيب موحلوة الناس تعرف حياتج الخاصة

 

[جوري 2007]

تلاقينه من ديرة من لي ديرة بس مع ربعه واهيا الفقيره المسجينه بالحسرة عليها الطلعه

اكيد بتزعل ،، بس عاد اللي تتزعل واهيا تدري انه ظروف ريلها ماتسمح لا والله صراحه ماعندها سالفه وناقصة عقل

 

[نـعـومـه]

اي تلقين متفقين عالسفر واخر شي ماقدر او كشت واهيه طبيعي بتزعل بس ماتوصل تكتب توبكات !!!!

حددده فشله !!

وصج السفر موضروري حيل بس هم شي حلو للزوجين لكسر الروتين عالاقل سنه يسافرون وسنه يقعدون اذا الزوج مومقتدر او سنتين يقدون وسنه يسافرون لان في ناس ماتقدر

 

[PuPa^^SWeeT]

هالستاتوس


ياربي اتحسين تراشق الكلام فيه مو طبيعي



و مو حلو الوحدة تنشر غسيلها ولا اتبين اسسلوبها وللا عنادها ولا زعلها فيه

 

[عذبة السجآيآ]

وي عساني مازعلت على سفره

اخرب حياتي وازعل عليه علشان ماسفرني ؟؟ ليش السفر من شروط الزواج ولا مكتوب بالعقد ؟؟

اذا ظروفه تسمح ومتفقين ومتفاهمين على سفره اوكي نسافر بس اذا الله ماكتب وصار ظرف فـ الحمدلله اكيد خيره لنا

والجايات بتكون اكثر ,, اما اسافر عقب زعله احس مالها طعم كلش

 

[noo7a]

احس الي يسفر زوجته بعد ما تزعل
يطيب خاطرها من هالسفره
مايسوى عليها يطلعها من جبدها قبل لا يسافرون

 

[صلوا ع الرسول]

في بعضهم الله يهدهم عبالهم التوبيك هو موجز الاخبار حقها

انا ماأحب اكتب شي خاص بالتوبيكـ

إلا إذا كان بالشعر اوحكمه اودعاء >>المهم انه بطريقه غير مباشره

وجه نظرررررررررر

 

[noorq8]

بما ان الحريم عندهم من المكر والدهاء اللي يكفي فرييييج فبعضهن حلللوه بعضهن. تسوي تمثيلية الزعل عشان ماتنشب امه او اخته معاها :eh_s(1)::eh_s(15)::eh_s(9):

 

[مستقله]

من غير حجي مثالي ومجاملات
اشوف مافيها شئ تزعل علي زوجهها عشان مايسفرها
احسسسن
بعض الرياييل ماينعطون ويه !!!!خخخخ
تلاقين اهو وربعه طاير من دوله لي دوله واذا يات لزوجته
قال واللله ماكو ميزانيه ماكو اجازه عندي دواااام او تعباااان
بعد مافيها شئ. مثل مااهيا مجابلته ومجابله عيالها وبيتها طول السنه
وتتعب من الالتزامات والدوام والحر والكراف
لها حق عليه يعطيها من وقته وماله بعد عشان يدلعها
حتي مو بكيفه غصب عليه
((((حدي اليوم معصبه وشاده حيلي خخخخخخ