السلام عليكم بنات
حابه اعرف رايكم في سالفة صارت معاي وياليت تقولون لي اللي سويته
انا تقدم لي ولد عمي وعلاقتنا بعمي هذا مو حيل لانهم ساكنين بمنطقة ثانية احنا بالاول خطبنا بنت عمي لاخوي
وجماعتنا ماتوقعوا هالشي على اساس ان علاقتنا مو قويه يعني كانت الخطبة مفاجئة ما اطول بعد سنتين بنت عمي اللي اهي مرت اخوي تقدم اخوها و خطبني انا رفضت مع ان اهلي كلهم موافقين الولد مافيه عيب بس انا عندي اخت اكبر مني ولد عمي اكبر منها يعني اهي تناسبه اكثر و جماعتنا حتى اغلب اهلنا متوقعين اذا بيخطبون منا راح يخطبون اختي مو انا الخلاصة انا حسيت اختي انجرحت من هاشي مع انها كانت تحن علي اوافق انا رفضت حسيت اني اذا وافقت ماراح استانس و ماراح اكون مرتاحة صحيح الزواج نصيب وانا مقتنعه بهالشي بس شسوي طبعي شذي وقلت اذا رفضته برد اعتبار اختي و يمكن يغيرون و يخطبونها بس اهم بالاخر
اخذوا لولدهم وحده لاتحبهم و لايحبونها حتى بعدت ولدهم عنهم ومرت اخوي كل شوي تشعمني ليه ما وافقت على اخوها المشكله خواتي و رفيجتي يقولون انتي خبله و يضحكون علي انا بس كنت ابي افرح باختي غلط هالشي
