ابي اعرف سبب التاخير ،، كل شهر لازم انطر تاريخ21

[بنت.المطيري]

السلام عليكم

بنات انا مو من متابعات هالقسم فمااعرف وايد بهالموضوع

ياليت تفيدوني

انا رحت حق مختبر تحاليل لان وحده من رفيجاتي قالتلي حللي هرمون الحليب لان ممكن يتغير بعد الزواج

عاد يوم رحت المختبر قالت انتي لازم تيين بعد ماتكملين 21 يوم من اول ماتنزل الدوره وتسوين تحليل مبايض المشكله صارلي 3 شهور اول مره خربطت بالايام وكنت عاده غلط ثاني شهر وثالث شهر صارتلي ظروف ماقدرت اروح بنفس اليوم احلل:/

وهذا الشهر راح يصادف يوم سبت بس شاكه جني مخربطه بالتاريخ ،، مجدمه يوم يمكن فعادي اروح احلل؟ معقوله مايبين معاي ولاااشي!؟

انزين مافي اي تحاليل ثاني بهالفترة اقدر اسويها؟؟
وتنصحوني انطر يوم 21 اسوي التحليل واروح حق عيادة والا اروح من باجر ؟ اخاف اروح وماتسويلي شي تقول نطري التحاليل



ابي نصايح ارشادات فيدوني جزاكم الله خير
ووين اراجع اي عيادة اروح ابي دكتورة شاطره وماعليها زحمة " زهقت كل مكان بالكويت زحمة "

 

[بنت.المطيري]

شدعووووووة


ولا رد؟؟؟؟!

بنات مافي طريقة اتطمن فيها علا وضعي غير اني انطر يوم٢١ ؟؟

 

[بنت ذآك الأمير!]

انا سويت تحاليل دايم ما يقولولي يوم 21 من الدوره..
كنت اسوي قبل الدوره وبعدها ويبين النسب..

 

[LeeMa q8]

والله ماعندي فكره !

 

[زوارة خميس]

حبيبتي روحي سوي تحليل ثاني او ثالث ايام الدوره حق الهرمونات مثل هرمون الحليب وهرمون fsh/lh

 

[جبنة بيضة]

أحسن شي روحي عياده ثاني يوم دوره تاخذ سونار تجيك بعدين تكتبلج تحاليل ثاني دوره و ٢١ يوم من الدوره

 

[جبنة بيضة]

الأنه تحليل هرمون الحليب ثاني يوم دوره و التبويض واحد عشرين يوم من الدوره

 

[ملكه بكبريائي]

^^

مآدري سويت تحليل ثآني يوم دوره


وسونآر دآخلي بعد الدوره بـ 8 آيـآم قالت لي كل شي آوك بس بعطيج ابره تفجيريه تنزل البويضآت

ونصحتني بالجمآع بعد 12 سآعه و 24 سآعه 36 سآعه و 48 سآعه

يعني كل 12 سسآعه ~> اللي اتذكره


ومآحصصل حمل معن كل شي طبيعي

ربج كريم

 

[الزيـــــ^^ـــــن]

حبيبتي سوي تحليييل ثاني يوم الدوره يكشفلج عن كل الهرمونات

وتحليل ال٢١ حق التبووويض

والله يرزقج ان شاءالله

 

[دمعة^حزن]

والله ما ادري بس انا تحاليلي كلها سويتها خامس يوم دوره موفقه

 

[ماما احبك]

حبيبتي. سوي ثاني الدوره التحليل. انا بعد ودي اسوي تحليل لهرمون الحليب. بس مو عارفه وين اروح.

 

[boliana_q8]

تحليل 21 يوم من الدورة يختلف من وحدة لي وحدة
يعني اذا كانت دورتج مو منتظمة
لازم تسوين التحليل قبل لاتييلج الدورة بأسبوع
لاني قبل لما كنت اسوي هالتحليل 21 يطلع ان مافي عندي تبويض
بس الحمدالله لما حسيت ان الدورة بتنزل بعد اسبوع رحت سويت هالتحليل وطلع عندي تبويض

 

[عسل حدي]

رب لا تذرني فردا وانت خير الوارثين