ابي اعرف طريقه الماش بوتيتو

[شمحوطة]

اشلونكم بنات
بليز ابي اعرف طريقه الماش بوتيتو نفس طعم المطاعم الامريكيه و الصوص الماش بوتيتو بلييييييز:33_1185028183:

 

[ضحكة الدنيا]

تفظلى طلبج حبوبه

المقادير

10 حبات بطاطس متوسطه الحجم
بصله متوسطه مقطعه قطع صغيره
علبة مشروم وافضل الطازج
ملعقتين زبدة مذابة وملعقه صغيرة زيت
كاس جبن المراعي القابلة للدهن
ربع لتر كريمة وبالكويت عندنا علبة كريمة كي دي دي
مكعب مرقة الدجاج او يمكن الغاءه بقليل من الفلفل الاسود والملح
كوب جبنة موازريلا مبشورة

الطريقه ( ترا جدا جدا جدا سهله )
1- يسلق البطاط ويهرس بالشوكه
2- يحمس الزيت والزبده والبصل والمشروم الى ان يصبح البصل بني اشقر
3- بعدين نعجن البطاط وحمسة البصل والمشروم والكريمة والجبن مع بعض جيدا ويرص بالبايركس
4- عندك كوب جبنة موزريلا المراعي المبشروة مخلوطه مع ملعقة صغيرة مايونيز بتقولون ليش بقولكم عشان الجبن ماتصبح يابسه وكتله واستخدمو هالطريقه مع اي شي فيه موازريلا ويوضع فوق البطاط اللي رصيناه بالبايركس
5- توضع بالقرن لحد مايصير الجبن اشقر


منقول



تم نقل الموضوع للقسم المختص
بواسطتى

 

[جارة القمر]

مشكووووووووووووووووووووره ضحكة الدنيا




وشوفي هالموضوع


ماتشد بوتيتو ​

 

[الزيـــــن]

بصراحه انا طريقتي سهله وتطلع نفس تشيليز بالضبط

تفوحين البطاط لما يستوي

بعدين بالمقلا تحطين شوي زبده وشوي فطر مقطع اذا حابه وبعدين تحطين البطاط بعد ماتهرسينه بالشوكه وتحطين عليه حليب كي دي دي او اي حليب سائل وتحطين ملح وفلفل وبس

بالعافيه

 

[شمحوطة]

مشكورين حبايبي وما قصرتو

 

[nawwara]

والله يا ضحكة الدنيا آنا أشهد انك بنت أبوك ..
ماشاءالله عليك تبردين الجبد
تبارك الرحمن

 

[أسيـل الجـــرح]

انا جربت اهرس البطاط وخليه فتره يطبخ بس ما صار لين تقريبا جم من الوقت احط البطاط على النار

 

[الرشيقه]

مشكورين على الطريقه الحلوه والسهله .

 

[Tangled]

انا عندي طريقتين
الاولى : تسلقين البطاط لما تحسين انها استوت عدل + تكونين محضرة على جنب هالحمسة
زيت زيتون وراس ثوم كامل وشوية كزبرة وشوية بقدونس على حسب الرفبة ومكعب ماجي تخلطينهم عدل
بعدين تخلطين مع البطاط
الثانية : تسلقين اي كمية بطاط تبينها + يا زبدة او تحطين مارجرين اللي اهي الزبدة النباتية وعلبة كريمة شوية ملح وشوية فلفل اسود و فص ثوم وتحطينهم بالخلاطة وتعالي شوفي شلون تذوب بالحلج

 

[مخروووشة]

الله عجيب

جزاكم الله خير

 

[بسكوت كاكاو]

هذا طبقي من اختراعي انا حاطته بمنتدى حوااااااااااااااااااااء تراه طبقيييييييييي

 

[كويتية مودرن]

الصراحه انا اقشر البطاط واحطه فى بايريكس واغطيه بكيس اللىى نغطى فيه الاكل بالثلاجه اكيد عرفتوه واخليه لمده 12 دقيقه بلمايكرويف لما يخلص اغرز فيه شوكه لما الاقيه استوى عدل على طول اهرسه واهوه حار بالشوكه وفى نفس الوقت اضيف عليه حليب كامل الدسم وزبده وفلفل اسود وملح وكل ماكثرتى الحليب يصير اكثر هش وعجيب واحطه فى صحن التقديم واذا تبين الصلصه البنيه الى تنحط علي الماش بوتيتو انا اقولج اول شى حطى ملعقه كبيره طحين فى مقلاه وحركيها على نار هاديه وبس يتغير لونها حطى عليها زبده وبعدين حطى عليها ماى لحم او دجاج ممكن تذوبين مكعب ماجى بماى وتضيفينه وعلى طول حركيه بالشبك لين يصيرلونها بنى وتكون مرقه خاثره يعنى لا تكثرين الماى هذى طريقة الامريكان الاصليه وانشاء الله تعجبج واذا تبين الصلصه جاهزه تنباع فى مركز سلطان واسمها greavy تلقينها عند الشوربات انا اللى اعرفه ان الماش بوتيتو جذيه يسونه الامريكان يعنى( مافى حمسه وبصل ومشروم)ممكن انت تضيفين المشروم مع الصلصه البنيه اللى يسمونها greavy انشاء الله اكون فدتج وصحتين وعافيه:eh_s(2):

 

[ليانة]

موضوع كنت ادور عليه من زمان .. مشكورين

 

[girlie_girl]

طرقتي غير

فوحي البطاط شوي و عقبها اشويه بالفرن

قصيه بالنص و اخذي الي داخل مع شوية من القشرة الي برا تكون شوي يابسة بس معروف ان القيمة الغذائية كلها فيها

المهم هرسيها بالشوكة و ضيفي لها حليب مع زبدة و شوية ملح مع فلفل


بالنسبة لصلصة الماش بوتيتو : الغرايفي


انا استخدم الصلصة الي تنباع في مركز سلطان حتى تلاقين صورة البطاط المهروس عليها

مثل خلطة بودر ينضاف لها حليب بارد ويا زبدة و حركيها على النار لي ما تصير لج خاثرة

و بالعافية

 

[أحلــــ دلع ــــى]

البنات ما قصرو ما شاء الله
girlie_girl
ممكن صورة الصوص اذا ما عليج امر

 

[s_mrt_j]

انا بصراحة اشترية من الجمعية جاهز بس احط علية ماي حار وزبدة وحليب احلى من البطاط المفيوح ونفس المطاعم

 

[girlie_girl]

احلى دلع

عمري في كذا ماركة

بس المهم ان بتعرفينها لان عليها صورة البطاط المهروس


بس على العموم ترا طعمها مثل طعم خلطة البشاميل الجاهزة لي ما حصلتيها اخذي بشاميل ماركة ماجي او كنور و لي سويتيها

رشي فوقها شوية فلفل احمر

 

[دراما كوين]

ابب

 

[ABEER FLOWER]

مشكورين بنات
استفدت من طرقكم الحلوة