ابي اعرف عادي تاخري بحمل ولا لا

[حبيبة زوجها]

السلام عليكم و كل عالم و انتو بخير حبيباتي
انا صارلي 8 اشهر متزوجه و كل الي معاي احملو الا انا و انا عندي عادي يعني مو لازم هذي السنه احمل
بس
بس
بس
النااااااااااااااااااااااس اذتني و اولهم امي و اهلي و حتى اهل زوجي بقولون لي اي انتي اكيد فيج شي
ليش ما حملتي قلت لهم عادي يعني هذي السنه اف وكيف رب العالمين و هذي خيره و رب العالمين مايسوي لي الا الصالح
بس البشر مو راضيه تفهم
والله كرهت اطلع من بيتي و السبه اهم
كل مايشوفوني ليش ماحملتي روحي راجعي في المستشفى اكيد انتي فيج شي استغفر الله زوجي عنده عادي يعني

بس ممكن سؤال ؟؟
انا متاخره على الحمال ولا لا عادي
واذا في طريقه قولولي وشكرا

 

[حبيبة زوجها]

fvrrrrrrrrrrrrrrrrrrrrrr

 

[نبض الغلآ]

انا مثلك صارلي 8 شهوور وهمن ماحملت
بس الحمد لله محد يحن علي
صدق يتمنون بس للحين
والله يقسسم الي فيه الخيره
بس صج صج زوجي ميت اني احمل
والله يرزقني ويرزقج ياارب

 

[هيبة ملك]

عادي ياقلبي

لاتحاتين وايد

بس الناس ناتخلي حد

أنت روحي شوفي نفسج وتطمني

أنا كلمت سنة وكم شهر والناس تسألني من أول شهر ماحملتي

لين جابوا لي الضيقة

 

[chanel N22]

حياتي والله كلنا جذيه روحي طبيب جيكي على روحج عشان تطمنين ياقلبي والله يرزقج
انا صارلي سنتين وجم شهر ماحملت ومافيني شي بس ربج مو كاتب عسى الله يرزقني ويرزقج ويرزق كل محروم اكثري الاستغفار
والحين استانسي مع ريلج مالج شغل بالناس ياقلبي

 

[رووحي لغاليها]

رد : ابي اعرف عادي تاخري بحمل ولا لا

الله يرزقج يارب وتحملييييييين وتفتكييييييييين من سوالفهم اللي تعور القلب

 

[شنوووفه]

رد : ابي اعرف عادي تاخري بحمل ولا لا

توه الناس عليييج حبيبتي بس اذا انتي خايفه يكوون فيج شي وتبين تتاكدين روحي سوي تحاليل وحطي التحليل بعيينهم يعني ماادري
ليش يحنون جنه اهمه يبوون يربوون اليااهل مو احنا :>

 

[كوب كابتشينو]

تبين نصيحة من قلبي؟؟؟؟,,, ,,, انتي عادي مو متاخرة واذا انتي ما تبين الحين وموهامج عادي حياتي ماعليج من الناس,, بس عشان تتطمنين وترتاحين نفسيا وما يسببلج هالشي قلق بينج وبين نفسج
روحي راجعي وفحصي عند دكتورة وفتحيلج ملف عندها ,, بس عشان تتطمنين وانا ارشح لج عالية الفضلي والله يوفقج ويسعدج انتي وريلج ويبعد عنكم كل شر ومكروه

 

[*فدك*]

النااس ما تخلي احد شكثر حنوا علي ببدايه زواجي والحين بس سكتوا وبحجه اني بعدي ادرس بالجامعه فقاموا يسكتون بس والله للحين بعضهم يتناغزون علي ها مو حامل على كل لحظه ...الله كريم طوفي ومالج شغل بالناااس

شوفي الله سبحانه وتعالى متى كاتبلج بتحملين ان شاء الله بيرزقج الذريه الصالحه المعافااه

انا بالبدايه نفسج مابغيت بس بعدين قلبي زااغ عاليهال وودي بطفل اضمه وان شاء الله قريب ماكو شي بعدين عن الله....

باختصار اذا انتي تبيين تحملين ومستعيله روحي راجعي اذاا عادي نطري ولين قررتي روحي بدال لا يلعبون فيج الاطبه من دوا لدوا ,,,واكثر الاطبه يسالون اذا صارلج سنه على الزواج وكنتي تحاولين تعحملين وما صار هني يبدون يشوفون شالمشكله بس لاتحطين ببالج كلام الناس انتي لا متاخره ولا شي ..

 

[نجوم الثريا]

عادي ياقلبي انا مثلج بالظبط صارلي الحين 8 شهور من تزوجت ويمكن دخلت9 بعدد ..
وهم رحت وفحصت مره قالولي هرمون حليب ومره لاا زين ومره قالوو بويضاتج صغار وكبرو ولله الحمد والشكر وعطتني الدكتورة ابره تفجيريه بس سبحان الله ماحملت ..
الانسان مايدري متى ياخذ نصيبه بس تاكدي انه الله يحبناا يوم اخرنا ومارزقنا بالحمل بسرعه يبنا نتقرب منه اكثر والحمدلله على كل حااال ... احنا راضين بحكمة الله وقدره .. توكلي على الله واكثري من الاستغفار ...

 

[سارووه الاموره]

انا نفسج من 8 شهر الناس تسال لوعو جبدي واول شي رحت لندن قالو جم صارلكم متزوجين قلنا 8 اشهر قالو لي صارت سنه تعالوو

لووول


ورحنا الراشد جذبنا قلنا صارلنا سنه بالضبط .. لووول .. سوينا تحاليل طلع ضعف بريلي وانا بويضات .. الله كريم ...

وريلي ماعالج ولا شي قااعد ياخذ عسل ولا ياب نتيجه وبنرد نرااجع .. يمدحوون رندا مستوصف الامل ان شاء الله بروحلها ..

ولاتحاتين واايد ترا هرموناتج تتغير وتاثر ع الحمال ..

مثل ماقالت شنوفه اخاف بس اهما الي يبون يربون عيالنا مالج شغل بكلام الناس ..

واذا ماتبين تنحرجين قولي انا مرتاحه جذي..

واذا عادي عندج قولي الله كريم الله اييب الرزق ..

علشان يسكتون ولا يتحجون مرا 2 ..

 

[انوثتى بقلبى]

الله يرزقج بالذرية الصالحه
انتى ما تاخرتى عااااااااادى
وكلام الناس قطييه ورا ظهرج
كلشى يكتبه رب العالميين

 

[احلى سماء]

طيب حبيبتي اول شي
لاااااااااااااااااااااااااازم
تنظمين دورتج عند الطبيب اوكي
عشان تنظيم الدوره اول خطوة تساعد على الحمل
اشتري من الصيدليه فوليك اسيد العلبه بخمسة
واكلي حبه باليوم بعد الغدا
روحي الطبيب فحصي
منتي خسرانه شي بس فحص على الهرمونات وسونار ع المبايض والرحم
ولا يلعبون عليج الاطبه بمنشطات وكلوميد
لان انتي ما تدرين زوجج طبيعي والا فيه شي
لان انا قبل لعبوا علي واخر شي حلل زوجي وطلع فيه ضعف

 

[فانتا ستروبري]

راجعي الطبيب احسن علشان يتطمن قلبج

والناس ما تخلي احد

انا الحين صار لي سنة وانا اكثر وحده طولت

بعايلتنا الكل ما شاء الله حملوا من اول شي

اللا انا فحاسه بفرق وبعدها محد قام يسألني

الظاهر متفقين محد يحرجني حاسه جذي لووووول

الله كريم وكل شي بيد الله سبحانه وتعالى

وان شاء الله يرزقج بالذرية الصالحة :friends:​

 

[غــلآ]

انا هم صارلي 6 شهور متزوجه وماحملت للحيسن والحمدلله على كل حال
كل شي بيد رب العالمين وقت ماربج كتب راح تحملين وتفرحين فيه ان شاء الله
والناس طاااف ماعليج منهم اخاف اهم بيصرفون عليه والا يربونه بس يبون اي شي عشان يغثون الواحد بكلامهم

 

[جيكره(و)تتغلى25]

عاد انا وحده من هالناس مااحن ولا لي شغل بفلانه وعلانه



حل اقولج نصيحه راح تتعبين اقنعي نفسج انه االامر طبيعي لان راح ياثر عليج

انا تزوجت شهر 1 على شهر2 حملت شقالو عني مسرع عفيه مبايض تلقط اقسم بالله قعدت خمس شهور انزف واجهضت وصار اجهاض ورا اجهاض وعالجت مافينا شي انا وزوجي قامو يتكلمون ليش رحمج نازل وقعدت سنه ماحملت بعدها الله رزقني وحملت بعيالي ورا بعض هم ماعجبهم يعني بكل الاحوال يتكلمون اهم شي لاتفكرين عشان مايتاثر عليج


وعلى قولة البنات اذا بتعالجين لازم سنه من زواج وشي طبيعي في اجسام تاخذ وقتها لاتفكرين اهم شي والله يرزق مو انتي ولا الناس

 

[@الليدي لين@]

انا صارلي سنه وشهر متزوجه وماحملت


بس انصحج تروحين الطبيب وتسوين فحوصات احسن

 

[دمعة^حزن]

السلام عليكم و كل عالم و انتو بخير حبيباتي
انا صارلي 8 اشهر متزوجه و كل الي معاي احملو الا انا و انا عندي عادي يعني مو لازم هذي السنه احمل
بس
بس
بس
النااااااااااااااااااااااس اذتني و اولهم امي و اهلي و حتى اهل زوجي بقولون لي اي انتي اكيد فيج شي
ليش ما حملتي قلت لهم عادي يعني هذي السنه اف وكيف رب العالمين و هذي خيره و رب العالمين مايسوي لي الا الصالح
بس البشر مو راضيه تفهم
والله كرهت اطلع من بيتي و السبه اهم
كل مايشوفوني ليش ماحملتي روحي راجعي في المستشفى اكيد انتي فيج شي استغفر الله زوجي عنده عادي يعني

بس ممكن سؤال ؟؟
انا متاخره على الحمال ولا لا عادي
واذا في طريقه قولولي وشكرا

حبيبتي انا حاسه فيج الله يعنا على كلام الناس لاء والحين الموضه الجديده حتي الجهال يسئلونج ليش للحين ماحملتي روحي الطبيب يعني اشكره يسمعون امهاتهم يسولفون احنا تونا متزوجين ولاتحاتين انطري سنه وراها اذا ربي مارزقج روحي حللي بس بشرط انتي ورجلج لاتحطين الوم عليج بروحج وانشالله تفرحيني الشهر الجاي بحمالج الله يرزقنا يارب

 

[حبيبة زوجها]

مشكورييييييييييييييين كلكم على الردود
وانا ان شاء الله ابي اروح ارااااجع و اشوف و اقول لكم

 

[كويتيه87]

حبيبتي ليش ما تجيكين على نفسج بس عشان تطمنين