ابي اغير من نمط حياتي و ارتقي بمستواي

[كيت كات 2007]

السلام عليكم ورحمة الله وبركاته

الحمدلله و الصلاة و السلام على رسول الله سيدنا محمد عليه افضل الصلاة و السلام

حبايبي انا بقولكم الي بخاطري وياريت من بعد الله تساعدوني و تشجعوني لان انا عزيمتي كلش تحت الصفر

انا سيدة جامعية متزوجة من فترة بسيطة ما الله رزقني اطفال

مشكلتي ما اجيد اللفة الانجليزية بالمرة

و تدرون الدنيا الحين كلها تبي لغة

ابي اكمل ماجستير بس عقدتي الانجليزي

ابي اطور من نفسي من مستوى معيشتي من مستواي الثقافي

ابي اتكلم انجليزي بالاماكن العامة و المستشفيات

شلون اقدر ابدي من الصفر بالانجليزي

انا قلت اييب لي مدرسة انجليزي تعطيني دروس بالبيت بعدين اروح معاهد تعطي دورات و تالي اقدم على التوفل اذا شفت نفسي راح اقدر

عمري 28 سنة و احس اني اقل و حدة من اهلي ليش مادري؟

الي عندها خبرة بكيفية تعلم الانجليزية لاتبخل علي

وجزاكم الله الف خير​

 

[جماااانة]

بالتوفييييييييق ان شااء الله وانااا بعد مثلج ابي اطوور اللغه الانجليزيه صح اعرف بس مو حيييل يعني افهم اللي يقولونه بس مشكلتي لما اجي اتكلم ماعرف حييل

 

[كيت كات 2007]

بالتوفييييييييق ان شااء الله وانااا بعد مثلج ابي اطوور اللغه الانجليزيه صح اعرف بس مو حيييل يعني افهم اللي يقولونه بس مشكلتي لما اجي اتكلم ماعرف حييل

حبيبتي أجمعين يارب
مشكلتي ما ادري من وين ابتدي و شلون ا أسس نفسي ​

 

[كيت كات 2007]

وينكم بنات اصحاب الهمم العالية

 

[كيت كات 2007]

للرفع

 

[BuNNy]

بالتوفيييق وانا اشجعج لان اللغه الانجليزيه مهمه هالايام
وتعكس انفتاحج على الدنيا وتقدمج وترى كلش مو صعبه السالفه بس يبيلها همه وصبر
شدي حيلج والله يوفقج

 

[كيت كات 2007]

بالتوفيييق وانا اشجعج لان اللغه الانجليزيه مهمه هالايام
وتعكس انفتاحج على الدنيا وتقدمج وترى كلش مو صعبه السالفه بس يبيلها همه وصبر
شدي حيلج والله يوفقج

اي و الله صح
انا مشكلتي اهب بالشغلة و تالي اطخ ليش مادري

 

[جماااانة]

up up

 

[mngo67]

اول شي لازم تحبين الانجليزي علشان يسهل عليج تتعلمينه
وثاني شي تروحين دورات في اي معهد حتي لو كان بسيط تاخذين مبادئ الانجليزي
ومع الممارسة راح تصير سهلة.....الله يوفقج وخلي عندج أمل دايما

 

[كيت كات 2007]

اول شي لازم تحبين الانجليزي علشان يسهل عليج تتعلمينه
وثاني شي تروحين دورات في اي معهد حتي لو كان بسيط تاخذين مبادئ الانجليزي
ومع الممارسة راح تصير سهلة.....الله يوفقج وخلي عندج أمل دايما

ادعيلي يارب اقدر و الله صج صج خاطري اتطور

 

[*تسواهن*]

الله يسهل طريقج واذا تقدرين سوي اللي تقوليه والله ولي التوفيق

 

[إماراتية ملقوفة]

الغالية الانجلش مايباله كتب وحالة
كلامهم كله على بعضه idioms = امثال تنقاال
حفظي لج جمل كااملة تنقال في اوقات معينة وردديهاا بتحسين بسهولة باللغة مع الايام
لان لواتبعتي القواعد و قعدتي تيمعين كلمة على كلمة عشان تركبين جملة بتحسين بارتباك وتردد
وحاولي تمارسين اللغة ويا اي حد لو عندج خدامة فلبينية كلميها او اي حد يعرف يتكلم انجليزي كلميه كل يوم
الانجلش مثل قيادة السيارة اهم شي الممارسة

والله يوفقج :eh_s(1):