ابي افتح شقه تمليك ... منوو الشاطره تعلملي

[طعم الشهد]

سلام عليكم


حبيبااتي وايد افكر افتح شقه تمليك واجرهاا

وانا ماعرف شي ... انا ماعندي مقدم شي ابي اخذ قرض

هل البنك يعطيني قرض وانا بيت التمويل وماعندي اي قرض او قسط معاشي كامل .... وجم اسعار الشقق



ياليت احد يعلمني من الف الى اليااااء


شكراااا :eh_s(9):

 

[((زينه))]

أنا معاج ابي شقه تمليك وماعندي مقدم

 

[طعم الشهد]

ياليت احد يفيدنااا

 

[ساره فهد]

نفس حالتج هذا أنا حايسه وأسأل
ودقيت سألت بنك التسليف يقول يعطون قرض بحدود 40 ألف بس للمطلقات أو الارامل
بشرط مايقل معاشج عن 750 دينار الصافى
أما بالنسبه للأسعار من 27 و30و35و40 و50 و60 ألف
علي حسب المساحه والموقع وعمر العماره والخدمات المتوفره عندها
أرخص المناطق المهبوله

 

[انا حبه للابد]

للرفع

 

[leolady31]

انا من رايي اللي ما عندها مقدم ما تاخذ شقة غالية و لمن تشتري تتاكد ان المؤجرين شركات حق موظفينها او اجانب احسنلكم لانهم ما يعفسون و اللي عندها مقدم تاخذ بالمناطق اللي داخل اشوي

 

[طعم الشهد]

صح كلامج وياليت احد يفيدنا اكثر

 

[كلنا عشاق لكن]

تعالي نحسبها
تاخذين 40 -50
مع الفوايد توصل لج 60-70
خذيتي الشقة وكل شي تمام
الحين تعالي نحسب أرباحج
أول 8-10 سنين سداد البنكــ وبس
بعدة تبدا أرباحج الصافية
ونفسة لو رصدتي من راتبج خلال هالمدة
بس الفرق إنج تلزمين نفسج بالبنكـــ طول هالوقت
اللي أقصدة الشقة لو حسبتيها يمين شمال هي هي
ماراح يصفى لج الأ راتبج و100 د أو 200 بالكثير طول هالمدة ضيفي عليها هم الدين لين آخر دينار لهم عندج
فالشقة تصلح للسكن أكثر إذا معتمدة ع القرض موالشي الزايد
واللي يدفعة الواحد وإهو مرتاح
طالما مافية ضرورة سكن فالأفضل إنج ماتوهقين نفسج بأي قرض
لأن اللي فهمتة تبينها إستثمار صح ؟؟
وإذا تبين دخل ثاني حطي لج محلات بإسم الوالدة وأوراق المحامي تثبت حقج مستقبلا لوحابة هالشي
هذا إذا ممنوع إتحطينة بإسمج وخليهم ضمان 300 -400 شهريا من كل محل وخلي كل شي عليهم بشكل رسمي أكيد
​

 

[Čut!e Quèéи]

بيت التمويل ما يعطي قروض عاديه
نظامهم تورق والمرابحه علي قدر السنوات
ومهما كان يبقي الربح اقل بكثير من البنوك

هذي حسبة 10000 دينار تورق على بيت التمويل وبنك بوبيان شرط الراتب عليهم والمدة 5 سنوات

بس يقولون الي حابه تاخذ مثلا 20 الف على التمويل تورق ..
فايدتهم تقريبا 4 آلاف على خمس سنوات ..القسط 400
تخسر من بيعة البضاعه بحدود 5 الى 6% من قيمة المبلغ ..
بنك بوبيان فايدتهم بحدود 3400 دينار قسطهم بحدود 390 ..
تخسر من بيعة البضاعه من 1 الى 2 % ..



هذا بالنسبه لـ فروض بيت التمويل وبرقان فايدته اقل من بيت التمويل وقسطه اقل

اما موضوع الشقق

اسعارهم تبدأ من 23 الف الى 60 الف
وارخص المناطق اهيا
المهبوله - خيطان - صباح السالم - المنقف
اغلاها
الشعب البحري - السالميه - المنقف
المنقف فيها اسعار الغالي و الرخيص

تأجير الشقق يتراوح بين 250 الى 450 بالشهر على حسب المساحه و الموقع وعدد الغرف

هذي كل معلوماتي واتمنى قدرت افيدج لو بـ معلومه وحده

 

[طعم الشهد]

جزاكم الله خير في اخباااط وتردد كبير للمشروع

 

[طعم الشهد]

اااااب