ابي افتح صالون وابي اعرف شنو احتياجاكم عشان اوفرهاا:)

[mazyo0ona]

السلام عليكم



حبيباتي انا قررت افتح صالون باذن الله بس للحين في بدايه الفكره حبيت اعرف احتياجاتكم عشان اوفرها وحبيت اعرف جم معلومه

١- افضل المناطق بوجهه نظرج
٢- اوفر خدمه منازل
٣- شنو اخر الفناتك بالصالونات وافضل ااشياء الي تفضلينها
٤-شنو اكثر شي يشدج بالصالونات
٥-اي صالون بالنسبه لج احسن صالون بالكويت

يلييت اتساعدوني واقدر اوفر لكم صالون يناسب احتياجاتكم وبالنهايه يكون الموضوع مرجع لكل وحده تبي اتساوي صالون
الله يوفق الجمييييييييع يا رب

 

[Winter Q8]

١- افضل المناطق بوجهه نظرج ؟
كل منطقة تخدم ناس فما يفرق .. و الناس تروح للزين وين ما كان ..
٢- اوفر خدمه منازل ؟
صج مريحة و مرغوبة للبعض بس أخاف تسبب لج مشاكل استشيري ناس توفر خدمة منازل

٣- شنو اخر الفناتك بالصالونات وافضل ااشياء الي تفضلينها ؟
التسريحاات و القصات التريندي المكياج الراقي ، الباديكيور و المانكيور يكون مثل السبا و البرودكتس عالية الجودة مو اي كلام و المكياج ماركة مو ادفع 50 دينار على كريم و مكياج هنود ..

٤-شنو اكثر شي يشدج بالصالونات ؟
النظافة و النظام مافي أحد ياخذ دور احد و البرايفسي بغرف الشيرة و الحمام المغربي . الهدوء النسبي .. و العمالة تكون متخصصة مو خدم و شكلهم مرتب و نظيف و محترمات و لابسين يونيفورم مو كل وحده مطلعه كرشها و لا ..... :× ويع .. وديكور المكان يكون حلو و متجدد مو مكسر

٥-اي صالون بالنسبه لج احسن صالون بالكويت ؟
حق الاعمال الروتينية الشرقية و المكياج و الشعر للحين ماعندي شي مفضل ..

 

[توتاتوتا]

١- افضل المناطق بوجهه نظرج

شوفي الاقرب لبيتش و الي فيه كثافه سكانيه

٢- اوفر خدمه منازل

ايه ..اسرع لانتشار سمعة الصالون

٣- شنو اخر الفناتك بالصالونات وافضل ااشياء الي تفضلينها

افضل الاحترافيه و المصداقيه و اتمنى شغل نفس جويل


٤-شنو اكثر شي يشدج بالصالونات

الشغل المحترف و الاسعار المعقووله

٥-اي صالون بالنسبه لج احسن صالون بالكويت

ماعندي شي محدد الى الان

 

[بسمة السلطان]

موفقه حبوبه

 

[Gears]

رد : ابي افتح صالون وابي اعرف شنو احتياجاكم عشان اوفرهاا

وعليكم السلام

١- افضل المناطق بوجهه نظرج
انا افضل المناطق القريبة .. الجابرية ..اليرموك .. السرة .. قرطبة .. الخالدية .. جذي وترى احس ماتفرق اهني واهناك بييون ناس حسب كل واحد وين ساكن

٢- اوفر خدمه منازل
اي وناسة
٣- شنو اخر الفناتك بالصالونات وافضل ااشياء الي تفضلينها
اممممممم صبغ الاظافر الغريب والتسريحات الغريبة .. والمكياج الكشخه الحلو موشغل هنود .. انا بالنسبة لي اذا ماعندج وحدة ذربه حيل تحط ميك آب لاتييبين أحد حق الميك اب احسن خليه بس تسريحات واعمال اخرى
٤-شنو اكثر شي يشدج بالصالونات
انا احب الديكور يكون حلو وكشخه مثل عبير الياسين .. واحب الميك اب يكون مثل ستايلها وستايل منيره الفري .. وليلى هارموني والاء دشتي .. شغل راقي وجذي .. واحب الصالون الي يضبط التسريحات وجذي .. واذا حق الشيره ماشيره اهم شي المكان نظيف ..
٥-اي صالون بالنسبه لج احسن صالون بالكويت

وايد فيه صالونات زينه .. ماقدر احدد

والله يووووفقج

 

[قطوووة]

رد : ابي افتح صالون وابي اعرف شنو احتياجاكم عشان اوفرهاا

- افضل المناطق بوجهه نظرج
اللي قريب مني ..

٢- اوفر خدمه منازل
ماانصحج كـ بداية شوفي اقبال الزباين اول

٣- شنو اخر الفناتك بالصالونات وافضل ااشياء الي تفضلينها
خليج مع الهبه ..مثل تركيب الشعرو التسريحات والصبغ والاظافر والتركيب

٤-شنو اكثر شي يشدج بالصالونات
النظافة - الاسعار المعقولة - نفسية العاملة

٥-اي صالون بالنسبه لج احسن صالون بالكويت
ارت ستايل بالجليب لانه قريب انا من سكان عبد الله مبارك بو عشر دقايق انا هناك
صالون نظيييييييييييييييييييييف وراقي وديكوراته تنافس اكبر الصالونات بالكويت
واسعاره حيل معقولة وشغلهم حلو

 

[قطوووة]

رد : ابي افتح صالون وابي اعرف شنو احتياجاكم عشان اوفرهاا

- افضل المناطق بوجهه نظرج
اللي قريب مني ..

٢- اوفر خدمه منازل
ماانصحج كـ بداية شوفي اقبال الزباين اول

٣- شنو اخر الفناتك بالصالونات وافضل ااشياء الي تفضلينها
خليج مع الهبه ..مثل تركيب الشعرو التسريحات والصبغ والاظافر والتركيب

٤-شنو اكثر شي يشدج بالصالونات
النظافة - الاسعار المعقولة - نفسية العاملة

٥-اي صالون بالنسبه لج احسن صالون بالكويت
ارت ستايل بالجليب لانه قريب انا من سكان عبد الله مبارك بو عشر دقايق انا هناك
صالون نظيييييييييييييييييييييف وراقي وديكوراته تنافس اكبر الصالونات بالكويت
واسعاره حيل معقولة وشغلهم حلو

 

[قطوووة]

رد : ابي افتح صالون وابي اعرف شنو احتياجاكم عشان اوفرهاا

وشي احب اسأل عنه
نظام الاشتراكات بالصالون
حلوة وفيها توفير
كنت بصالون بالرقعي اتعامل معاه

حمام مغربي + حمام زيت + شيرة كامل + حف وجة + حواجب + بدي كير +مني كير

كله بـ 10 دنانير بس ....... كنت اروح له شهريا

 

[mazyo0ona]

مشكورين بنات لا خلا ولا عدم انشاءالله بعد بنات لايوقف خل انخليه مرجع حق كل وحده بتبلش مشروع صالون

 

[sweet heart]

1- افضل المناطق بوجهه نظرج؟
المناطق الداخليه وياريت جنوب السره لان منطقه كبيره وتحتاج صالونات راقيه..

٢- اوفر خدمه منازل؟
ما احب اطلبهم يحوسون فبيتي..

٣- شنو اخر الفناتك بالصالونات وافضل ااشياء الي تفضلينها؟
دايما احلى شي عندي الوان الاصباغ اليديده حق الشعر والاظافر واخر موضه بالمانيكير واكيد
اخر التسريحان واكسسوريز الشعر..

٤-شنو اكثر شي يشدج بالصالونات
الديكوووور واااااايد يجذبني وااايد احبه سمبل وراقي ونظيييييييييف ما احب جنه عرس..

٥-اي صالون بالنسبه لج احسن صالون بالكويت
lamode + cutting edge

 

[نجلاء العالم]

الديكور المبهر وحسن الاستقبال بالابتسام والشغل احلو اكيد والبروفيشنونال ,النظافه الهندام المرتب لللي يشتغلون
التعقيم للادوات خدمة كفتيريا للمؤكولات الخفيفه ببلاش وخدمة انترنت توفرين كم لابتوب عشان تضيع الزبونه وقتها وهيا تتنتظر وضع نوع معين من موسيقا الاسترخاء في الصالون والهاديه تريح الاعصاب


ممكن اشاركج بالمجهود اديرلج الصالون مثلا وعل فكره اعرف احط مكياج

 

[اخصائية نفسية 7]

اب
اب
اب
اب
اب
بارك اللة فيييييييييييييج على هالموضوع

 

[!الجادل الصعب!]

ممكن تجربين المنآطق الجديده .. الي للحين مآ كثرت عندهآ الصآلونآت ..,
خدمة المنآزل حيل حلوه خصوصآ اذا اهتميتي وخليتي صآلونآتج نظآف وشغلهم مميز ..
انا اعرف فلبينيآت كفيلتهم كويتيه .. يشتغلون خدمة منآزل وطلبتهم اكثر من مره..
نظآف وطريقتهم نظيفه وشغلهم مميز .. يعني فوط نظيفه ما يعفسون المكآن .. يمسحون الارضيه بعد مآ نخلص
شيره او بديكير .. اتمنى وصلت الفكره ..

 

[العنيدة]

اختي انا عندي اغراض تقدر تفيدج بالصالون
اذا بغيتي اي شي كلميني

 

[DALOULI]

اب

اب

موفقه خير

 

[absolute]

السلام عليكم , أنا عندي صالون بالشعب البحري كامل و جاهز , و ودي أحد اديرلي اياه , لو ودج تشوفينه ؟

 

[الريم اللعوب]

اب ابيييييييييييييين

 

[كادي_كادي]

افضل المناطق بوجهه نظرج
المناطق اللي ما فيها صالونات وايد
أقولج مثال الرقعي متروسة والفروانية قريبه منها بس ما نلقى صالون زين ​

٢- اوفر خدمه منازل
خدمة المنازل عوار راس خليها ممكن تكون في مخططك بعدين

٣- شنو اخر الفناتك بالصالونات وافضل ااشياء الي تفضلينها
بالكويت كل شي هبة لازم اتابعين على طول ولا تقطعين عن سوالف الحريم علشان تعرفين الهبات

٤-شنو اكثر شي يشدج بالصالونات
النظافة - الاسعار المعقولة - نفسية العاملة

٥-اي صالون بالنسبه لج احسن صالون بالكويت
مو خاطرلي
​

والله يوفقج ان شاء الله ​

 

[.. مـــلاكـ ..]

مووووفقة اختي ....

 

[قطوة@@]

موفقه يارب