ابي افكاار احر فيها ريلي

[noochii]

بدش يالموضوع على طوول :ssssso:​

اليوم صارتلي مواقف وحدي محتره من ريلي و مادري شسوي ابي اسوي شي احره ابيه يحس فيني ابي يسأل عنى يحاتيني!!! ​

امس بليل كنت قاعده ابجي انا بروحي نفسيتي زفت حشاكم لاني تعبت بحمالي هذا وبخلص شهري وللحين ماولدت فالنفسيه موصج ومافي اللي يساعدج ​

امس طول اليوم عند ولد عمته ما ياني الا ساعه 1ونص خذاني من بيت اهلي كنت قاعده عندهم ( اهوا كان بعزا طليق عمته) وردينا البيت واهوا مسك البيبي ماله وانا قاعده بروحي!!​

عقب انسدحت وقعدت ابجي مايسولف معاي ولايسألني شسويتي شماسويتي شصار المهم شافني ابجي لمني ونمنا دقيقه الا اهوا شخير وخرت عنه وتميت ابجي لين ما نمت​

قعدت الصبح ساعه 11 بس مالي خلق اتحرك تميت منسدحه انطره يقوم علشان بتغدا معاه من زمان صارلي فوق لسبوع ماقعدت معاه على اكل!!! ​

المهم الساعه وحده دقت اخته علي لانه اهوا نايم وفونه سايلنت قالتلي اقعده علشان يروح حق ولد عمته عزاا ابوه قتلها اوك قعدته وقتله قام غسل ولبس وطلع ساعه 1وثلث طلع وانا قعدت بروحي (رديت ساعه 2 حطيت راسي ونمت من لغلقه قعدت عل5) ليييييييييييييييييييييي ساعه 8 بليل طرشتله مسج متى بترد؟؟ مارد علي بحزتها عاد انا حطيت فوني سايلنت ونسدحت قلت بنام (ملللللللللللللللللللل) ​

دق علي ساعه 8ونص وقالي انا راد!! علبركه مابغيت ​

رد البيت كنت منفسه ومالي خلقه لان (اوك قلنا عزا واقعد بس مو طول اليوم!! ماعندك مرا ماعندك بيت؟؟ انا قبل جم شهر كان عزا ريل خالتي وماعندنا غيرهم وحيل معاهم ماقعدت معاهم غير ساعتين ولا ثلاث علشانه بالبيت بروحه ولازم اردله!!)​

المهم رد البيت ويسولف معاي يحاول يضحكني يتغشمر انا كنت عادي ابتسم بويهه وجنه ماكو شي (انا نوعي بسرعه طاح الحطب وضحكت معاه!! ماحب اطول بالحقران لانه يكسر خاطري)​

ولا يقولي ان اخته اهيا قالتله خلاص قوم رد البيت مرتك بروحها اهناك مايصير جذي طول الوقت انت هني لازم تروحلها!!! شفتووه يعني حتي اخته انقدت عليه مايستحي ولايفكر فيني​

المهم قعد والله اقل من ساعه جان يقولي انا بروح النادي اوك!! كانت ساعه 9 وشي .. يعني خلاص ماله داعي هل زفت النادي اقعد معاي شوي انا مليت طول اليوم بروحي (وطبعا اذا راح النادي اقل شي يقعد ساعتين اهناك غير الطريج روحه ورده ومرات يقعد 3ساعات يعني بيرد بعد ل12 ودوامه الفير)
قاعده افكر انام وحقره ليي رد بس ادري مافيه احساس بيقعد يجابل الابتوب او بيطلع القهوه وانا طااف ماهميته​

هني حرنييييييييييييييييييييييييييييييييي :eh_s(2)::eh_s(2)::eh_s(2): قتله كيفك لاني خلاص زهقت منه ورديت انسدحت واهوا كان يلبس عيوني غورقت وبجيت جان اقوم الحمام مابيه يشوفني ابجي طلعت من الحمام وانتو بكرامه ولا اهوا مبدل وطاالع :rgewrg: وعادي ماكو احساس ​

قمت طفيت الليت والتلفزيون لان مافي شي الواحد يشوفه بالتلفزيون (المحطات ممسوحين من زمان صارلهم يمكن شهر ولاشهرين وانا احن عليه يبلك وااحد يطلع المحطات كله اوك وهااايت ماعنده وقت!! ومافي غير فنون و الوطن مليت وانا اطالع فيهم) ​

ونسدحت وقعدت ابجي والحين انا اكتبلكم وقاعده بروحي وابجي غلقه وملل ومافيه احساس هل ريال بس توه دق علي يقولي شفيج صوتي مبين اكيييد اني قاعده ابجي قتله ماكو قالي ضايق خلقج علشان طول اليوم مخليج!! زين فيه احساس قتله لا عادي وبس سكر الفون وعادي طااف​

فكرت اروح طول الوقت اللي فات اقعد فبيت اهلي بس ملييييييييييت كل يوم امرهم طول اليوم عندهم وملل وغصب اتحرك مافيني شده انا​

ولا عندي احد غيرهم امره وضيع وقتي معاه وهل نت ماعندي غير المنتدي اللي ادشه ماعندي شي اسويه واهوا ولا يحس ولا يقدر علي الاقل يسويلي التلفزيون اضيع وقتي فيه!! ماكو غير اني منسدحه واتبجبج​

بنااات مادري شسوي ابي شي احررررررررررررررررررررررررررررره اخليه يفكر فينييييييييي طوول الوقت يحاتيني يدقدق علي ولا يقعد معاي مادري شسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ والله تعبت منه​

(وترا كل يوم هذي حالتي اهوا هياته طول اليوم وانا كل يوم اروح بيت اهلي اقعد هناك اضيع وقتي) واهوا دوامه شفتات اليوم الفير بيدش دوامه ويطلع بعد ثلاث تيام
مادري قاعده افكر اذا دق علي واهوا بدوامه احقره وكلمه مسجات بس,, لان اصلا انا صرت ماشتهي اسمع صووته والله اخليه يحتر بهل حركه ولا شسوي ؟؟؟؟؟؟؟؟؟؟​

اول ايام كنت اناشبه علي طلعاته بس عقب مليت وخليته علي كيفه يروح ويرد بس اخر ايام مصخها حييل وانا تعباانه مادري شسوي معاه​

 

[سلطانه العتيبي]

هلا حبيبتي

والله هالرجال جننونا

بس شو نسوي

طيب كلميه ع رواق جيبي عصير وكلميه قولي من الحب ما ودي تطلع من عندي هههههه
مافي مثل الكلام والنقاش
شوفي انتي حاره روحك وهو مو داري

عارفه وحده اعرفها سوت حركه بس مدري تنفع معك ولالا

طنشته صارت مهتمه بروحها واذا رجع البيت لقا كل شي ع اصوله والاكل والملابس

وهي مسويه عادي اطلع ادخل عادي ما تهمني والله زوجها اتغير صار بس جالسها وهو اللي يناديها يبيها تجلس معاه
بس مدري تنفع مع زوجك

الله يسعدك قلبو لك دعوه من القلب بالراحة البال

وتعالي بلقروب اتسلي معانا ....

 

[noochii]

رد : ابي افكاار احر فيها ريلي

لا ماتنفع معاه جم مره احقره يعني ليي كنت طالعه ما اتصل عليه ولا يفييد عادي اهوا بعد يحقر ولايدق ولا يسأل ليين ما ارد البيت ولا جنه في شي!!
ايي قروب؟؟

 

[الأميرة جوري]

رد : ابي افكاار احر فيها ريلي

المصارحه ياقلبي حلوه اما تحرينه بالعكس تزيدين الطين بله ......انتى علي ويه ولاده وجدامج النفاس لازم ترتاحين من الشغلات انتى عزميه بمطعم وسولفي معاه وقولي اللي بقلبج او اتفقي معاه يخصص لج يوم وبما انتج علي ويه ولاده حاولي بليل او الظهر تطلعين للمشي تمشي فيه واهو معاج من تستفيدين ومنها سوالف معاه اخذيها عذر قولي وي بمشي علشان اولد بسرعه الرياييل يبيلهم مسااااااااااايسه مو هواش وغصب تقعد عندي اهم جذيه اللي تعطيه طاااااااااااف وعادي عندها يمووووووووووت عليها اصلا يعاتبها ليش مومهتمه فيني واللي وراه وتعاتب ومسجات وتلفونات مايحب

 

[Sweetq8]

الله يسخره لج ماقدر اقول غير جذي

 

[a7la MUM]

رد : ابي افكاار احر فيها ريلي

حبيبتي ياقلبي انتي
بذمتج يعني انتي ناقصه غلقه ولويه وهم!!
انتي بروح حامل وبشهرج
انزين مايعرف يقعد يجابل مو ممكن اييلج طلق!!

شوفي ان دق واهو بالدوام ردي عااااادي اوكي
بس من يرد البيت قعدي قعده جديه معاه وقوليله انا نفسيتي تعبانه يعني لي متى جذي بعيش حالي حال باجي المتزوجات مومعقوله طول اليوم انت بره البيت اناقاعده تييني طلوق وعوار وانت مو حاس فيني يعني ممكن بأي وقت اولد<<خرعيه

انا لما كنت حامل احيانا اهو يكون لاهي بفلم ولا لاب انا كنت ادش اتسبح وافجأةةةةةةة اصرخ من قمه راسي لوووووووول
يعني جني طحت والله عاد اهو يقوم يهز طوله وطول اليوم يكون معاي عاد انا ازيد شوي بهارات وكل مرة على هالحال بس ماكرر الحركه لاغير

بس صدقيني لما تولدين او بس تمرين بالطلوق خليييييييييييييييييييييييه معاااااااااج واهو بيكون واحد 2 صلا ماراح تصدقين شلون بيكون وديع معاج

وقت فراغج اقري قرآن وادعيه على بطنج حطي قرآن فبيتج وبس ربج يسهل محد يقدر عليهم غير رب العالمين

 

[i'am THE ONE]

رد : ابي افكاار احر فيها ريلي

الحين انتي ظرفك حساس مع الحمل و هو ظرفه مع العزا

لا تحرين نفسك و انتي حامل و للاسف اهم ما يفهمون شنو نحتاج منهم

تلقين حتي هو يتوقع منك شغلات احنا ما نفهمها

علي العموم بكره يوصل النونو و تلهين فيه

و حاولين تأقلمين نفسك مع هذا الوضع

 

[الأميرة الحزينة]

شوفي حبيبتي انتي ترا صايرة حساسه بهالفترة عشان اخر اشهر الحمل الله يقومج بالسلامه وما الومج على ضيجتج .. بس الريال ما يحب الوحدة اللي كل ما يه لقاها تبجي يحسها نكدية سوري عالكلمه بس والله ترا جذي يفكرون .. ريلج مو عديم احساس دام عرف انج تبجين لأنه مو معاج.. بس انتي ماتعرفين تتعاملين معاه كسري خاطرة من غير بجي لا بغى يطلع قوليله كان ودي تقعد معاي بس دام عندك شغل ميخالف قلبي روح الله معاك ادري تنبط جبدج من تصرفاته ما الومج بس حاولي ..هالطريقه بتخليه يطلع واهو حاس بالذنب واذا دق عليج حاولي ما تبينين وسأليه ها شلونك مستانس؟؟ اهو راح يحس ان مع انج متضايقة بس تحاتين وناسته عرفتي ..بهالطريقة راح تكبرين بعينه وتكسرين خاطرة وكل شوي بيدق يحاتيج ويسأل عنج صدقيني انا مجربتها .. طريقتج معاه غلط الرياييل يمشون بهالطريقه مو بالعناد ولا البجي الزايد لأنه بيأثر اول شي بس عقب ماراح يأثر فيه .عشان جذي لازم تنوعين بردات فعلج . .موفقه حبيبتي

 

[باربية الكوووويت]

انتي صايره حساسه بسبت الحمل لا تغثين الريال لان بيمل يمكن اليوم ضحكج ولمج وتغشمر معاج باجر يشوفج تبجين ويقولج بس تشبعين بجي روحي نامي ويصير عادي عنده لان كل مادش لقاج مغلقه والرياييل مايتحملون كثر المرا شغلي نفسج بنفسج

 

[الزين أبوها]

رد : ابي افكاار احر فيها ريلي

الله يسهل عليج ولادتج ويقومج بالسلامه

ويسخر لج زوجج ويهديه ويجابلج ويجابل بيته

 

[جمالي ايطالي]

الله يسهل عليج

 

[المكسيكيه]

الله يسخره لج,, وتولدين بالسلامه

 

[ندى العبير]

الله يسهل عليج

كلها كم يوم تولدين وتنشغليين بالبيبي وقولي باي باي للملل

 

[Hello_kitty]

حبيتي الله يهون عليج وتقومين بالسلامه فاعد اقرى كلامج صج صج كسرتي خاطري الوحده لما تكون حامل تبي ريلها يمها يحس فيها

وانتي صايره وايد حساسه وتبجين ديرالج على نفسج واللي في بطنج هذا امانه عندج الله لا يقول لو يصير شي ماراح ينفعج

هالفتره الحرجه اللي تمرون فيها حاولي ما تنكدين على عمرج اهم شي صحتج حاولي تقرين قرآن تتقربين حق ربج

تلهين بتجهيزات البيبي وتجهيزات ولادتج وترتبين اغراضج

واذا حيل متضايقه وموقارده تنطشين اكثر مالج الا المصارحه الصراحه راحه واحلى تكون السوالف في مكان حاو برا البيت

قوليله كل اللي بقلبج وكل اللي مضايقج عاتبيه وصارحيه

ونصيحه لا تعلقين سعادتج وحياتج على احد مهما كان سعادتج انتي تصنعينها بنفسج ما تتوقف على اي شخص

 

[Esraa.a]

رد : ابي افكاار احر فيها ريلي

الله يعينج ويصبرج عليه

ويسخره لج يارب

 

[BiiShOoO]

الله يهديه و يسخره لج يا رب

 

[ديانا سبنسر]

شوفي حبيبتي انتي ترا صايرة حساسه بهالفترة عشان اخر اشهر الحمل الله يقومج بالسلامه وما الومج على ضيجتج .. بس الريال ما يحب الوحدة اللي كل ما يه لقاها تبجي يحسها نكدية سوري عالكلمه بس والله ترا جذي يفكرون .. ريلج مو عديم احساس دام عرف انج تبجين لأنه مو معاج.. بس انتي ماتعرفين تتعاملين معاه كسري خاطرة من غير بجي لا بغى يطلع قوليله كان ودي تقعد معاي بس دام عندك شغل ميخالف قلبي روح الله معاك ادري تنبط جبدج من تصرفاته ما الومج بس حاولي ..هالطريقه بتخليه يطلع واهو حاس بالذنب واذا دق عليج حاولي ما تبينين وسأليه ها شلونك مستانس؟؟ اهو راح يحس ان مع انج متضايقة بس تحاتين وناسته عرفتي ..بهالطريقة راح تكبرين بعينه وتكسرين خاطرة وكل شوي بيدق يحاتيج ويسأل عنج صدقيني انا مجربتها .. طريقتج معاه غلط الرياييل يمشون بهالطريقه مو بالعناد ولا البجي الزايد لأنه بيأثر اول شي بس عقب ماراح يأثر فيه .عشان جذي لازم تنوعين بردات فعلج . .موفقه حبيبتي

:rerrerek::rerrerek::rerrerek::rerrerek::rerrerek:

 

[Petite]

حبيبتي مادري شقول غير الله يعينج

 

[شمالية غربية]

رد : ابي افكاار احر فيها ريلي

لا تحرين نفسج داري عمرج واللي ببطنج
الظاهر علشان انت تعبانة من الحمل وكل ما يدش الغرفة يلقاج نايمة او متضايقة اكيد يبين عليج
فتلقينه يقول اروح استانس احسن من مقابلها واهي منفسه
ترى ما فيج الا العافية
قولي له انا تاخرت بالولادة والدكتورة نصحتني اتمشى كل يوم علشان الله يسهل على الطلق
عاد اذا انت تعبانة وما فيج شدة للمشي برا
روحي تمشي بالسوق علشان تلقين مكان تقعدين اذا تعبتي وتقضي باقي الاغراض اللي ناقصتج انت والبيبي
والا روحي معاه مطعم وتمشي عشر دقايق او ربع ساعة وياه على قد ما تقدرين
والله يسهل عليج
وتولدين بالسلامة

 

[ام شووووق]

رد : ابي افكاار احر فيها ريلي

انا مملجه والمفروض تكون احلى فترة بس انا بوادي وزوجي بوااااادي

عادي تحملي