ابي افكار لحفلة سلامة بنتي ( ود )

[أم جوري]

السلام عليكم
مثل ما انتوا عارفين ولدتها ولادة مبكرة وظلت بالمستشفى قسم الخدج اربعين يوم وهي الحين ولله الحمد تكتسب وزن وان شاء الله ا1ذا وصل 5 كيلو بسوي لها حفلة عائلية فشنو أفكاركم لحفلتها ...

 

[روزالكويت]

مشاركة: ابي افكار لحفلة سلامة بنتي ( ود )

اول شى الحمدالله على سلامتها مقدما والله يصلحها ويعافيها ويخليها لج
انا من رئيى وانتى كيفج ياقلبى ان ماتسوين شى لان الناس ماتعطى خير كلش اذا فيها خليها بس لامج وخواتج وحمواتج وخالتج وبس يعنى خاصه حيل لاتفتحين عيون الناس على بنتك وتوها طالعه من المستشفى خليها ترتاح وتكبر بسلام واحمدى ربج وتصدقى عشان تأدين شكر الله ويحفظ لج بنتك اما المظاهر والحفلات انا شخصيا ما رجعت على انا وخواتى وامى الا بالعيون والحسد وانتى براحتج بس هذا رائى.

 

[دلوعة ريلي]

مشاركة: ابي افكار لحفلة سلامة بنتي ( ود )

انا اقترح امممممممممم اجري فرقه لليهال اللي يلبسون شخصيات وسوي كيكه حطي عليها صورتها

وحطي هدايا صغار للاطفال الحضور وييبي ساحر ومقدم برامج ومسابقات لليهال والحريم الكبار

وهدايا للحريم الكبار

او تقدرين تسوينه بماكدونلز

انا سويت جذي حق بنتي منوره كان كوووووووووووووووووووووووووووووول

 

[bnt_kwt]

مشاركة: ابي افكار لحفلة سلامة بنتي ( ود )

لا اشدعوا مو لي هالدرجه مع احترامي لاختي دلوعة ريلي

بس ترا وايد خبه البنت اسمالله عليها صغيره يعني ما تفهم شي من الحفله واهو مو عيد ميلاد علشان يصير بمطعم اانا من رايي سوي عشا حق اهلج واهل ريلج المقربين فقط غير على سلامه البنوووته
وسلامتج يا ام جوري

 

[زيـنـه]

مشاركة: ابي افكار لحفلة سلامة بنتي ( ود )

رايي من راي روز الكويت .. خليها بين امج و خالتج و خواتج و حمواتج .. و يبي كيكة عاديه صغيره وبسيطه تعبر عن فرحتج .. و بس ..
و الا نطري عليها لا مشت سوي لها نون .. بين العايلة .
و الله يخليها لج و تتربى بعزكم

و على فكره اذا تبين تعبرين عن فرحتج ذكري بنتج بالدعاء عند الله و هذا اهم من الحفله .

 

[bnt q8 in usa]

مشاركة: ابي افكار لحفلة سلامة بنتي ( ود )

تبين راينا خيتي لاتسوين شي يبا والله عيون الناس ماترحم باجر بيقولون بيه شسوت وشحطت

اقولج شي اخذيها بالسلامه لي صار عمرها شهرين ثلاث ورحي العمره عشان ربي يبارك لج فيها

واذا علي اهل ريلج واهلج سوي عزيمه بيتج تكون محفوفه
بلا خبه وتفتحين عيون الناس طيعيني والله

رب العالمين هو الي شافاه والحق هو فيه زيارته

 

[حياتي الكويت]

مشاركة: ابي افكار لحفلة سلامة بنتي ( ود )

الحمدالله على سلامتها أنا راي من راي خواتى روز الكويت وزينه لأن الناس ماتعطى خير

 

[قهوة عربية]

مشاركة: ابي افكار لحفلة سلامة بنتي ( ود )

...الحمد لله على سلامتج وسلامه بنتج

والله يفرحج فيها ويجعلها من الصالحين آمييين


وأنا رأيي من رأي البنات ..سوي عشا لأهلج وحمولتج وبس


أما باقي الناس تقدرين تييبين جكليت وحلاو وتلفينه بأكياس حلوة أو تور مثل القرقيعان وتوزعينهم على كل

اللي يعز عيج بمناسبة خروجها من المستشفى


ولاتنسين تصلين صلاة شكر لله ....وتتصدقين لصندوق إعانة المرضى ......عشان الله يبارك لج فيها

الله يخليها لكم و يبلغج فيها آميييين

 

[bambena]

مشاركة: ابي افكار لحفلة سلامة بنتي ( ود )

ام جوري الله يخليها لج انشالله ولاتسوين شي نصيحه البنت ماتفهم صغيره وهم عن عيون الناس والله يبعد عنج العين

 

[جارة القمر]

مشاركة: ابي افكار لحفلة سلامة بنتي ( ود )

الله يخليه لج يارب

وأنا من راي البنات

وربي يون الناس ما ترحم

من واقع تجربة

 

[طير الحب]

مشاركة: ابي افكار لحفلة سلامة بنتي ( ود )

الحمدالله على سلامتها

وأنا من راي البنات

 

[أم جوري]

مشاركة: ابي افكار لحفلة سلامة بنتي ( ود )

السلام عليكم
شوركم وهداية الله
ان شاء الله بسوي اللي قلتوا لي عليه
والله يخليها لي ان شاء الله \
بسوي عشا في بيتنا لأهلي وأهل ابوها
واوزع باسمها كاكاو
والحمدللله ان ذكر الله لا يغيب عني أب
دا فهو الأول وهو الآخر عز وجل
وربي يخليكم لي وتسلمون يا الغاليات

أحبكم في الله جميعاً

 

[همسات ليالي]

مشاركة: ابي افكار لحفلة سلامة بنتي ( ود )

الله يخليها لج

وانا داخله متاخره

بس الحمدالله انج سمعتي راي البنات

لا حفلة ولا خبه

تصدقي بالمبلغ احسن وافضل