ابي افكار للبيت لزوجي

[الكويت حياتي]

السلام عليكم كويتيات شخباركم ولهتت عليكم واااااايد

ابي تساعدوني زوجي بروح الحج وابي اذا رجع اسوي افكار في البيت مثلا فكرت بالزينه بس ابي شي يديد وحركات غريبه للبيت ولغرفه النوم وكلشي :e3:

 

[Hello_kitty]

حبيبتي عندج عضوه cat^q8

شغلها وايد حلو ما شالله ومميز حده حق هالسوالف وعندها افكار وفناتق راح تعجبج واسعارها حلوه عسى الله يوفقها ويرزقها

للأمانه انه ما طلبت منها بس ناويه بأقرب مناسبه ووايد بنات طالبين منها ويمدحون فيها وبشغلها

 

[~ام خالد~]

والله احلى شي التغييـــــــر ...
غيري بغرفة النوم الكفر والستاير والاكسسوارت وجذي
روحي سنتر بوينت او صفاة الغانم
وهوم ار اس بالفروانيه يونس بعد

اذا عندج طوفه فاضيه ومساحتها صغيره
حطي فيها صوركم ابراويز او استخدمي
البرواز الزجاجي اللي عند ايكيا تحطين فيه
اكثر من صوره او بهالطريقه

ولاتنسين تغيري بستيلج انتي بعد

ويروح يرد لج بالسلامه

 

[الكويت حياتي]

يزاج الله خيرر اختي كيدي عظيم

اشكرج اختي ام خالد بس الصور صعبه احطها بالغرفه لان نصلي فيها اخاف ما تدخل الملائكه

 

[القرآن ربيع قلبي]

حبيبتي ايام الحج تلقين الاسواق الشعية ملياااااانة من سوالف زينة استقبال الحجاج
انتي روحي ونقي وعلقي مني ومناك
خليه استقبال شعبي وورود وعشا وعصاير نوعي فيها
واهم شي زهبي الحمام الدافي من مجاميعه لان الواحد يرد حده تعبان ويبي شور دافي وينام
واذا عندج عيال خليهم يساعدونج يستانسون يستقبلون ابوهم
غرفة النوم كفر جديد واضاءة خفيفة ووجه حسن ورائحة حلوة
لا تكلفين على عمرج لان الواحد يرد من الحج تعببان ويبي يرتاح فلا تدوخينه
ببالعكس خليج كلاس وراقية وهادية افضل شي له1ه المناسبة

 

[الفاتنة]

الله يرده لج بالسلامه ويتقبل منه و من جميع المسلمين​

 

[أسرار الطبيعة]

نفس ما كتبوا لك البنات ونضيف عليه شي بسيط:
سوي لك جهة وحده في الغرفة ورق جدارن لونه غير المعتاد أو نفس ألوان الفنادق
وروحي لإيكيا واشتري مرايا كبيره وركبيها على ورق الجدران بالعرض
واشتري لك عدة مساج لأنه الحاج بوقت عودته ما يحتاج إلا الراحة البدنية مثل ما كتبوا البنات

 

[ملح بدويه]

ماعندي فكره