ابي اقتراحاتكم ماعليكم امر

[عـشـــ كويت ــقـــي]

السلام عليكم
بنات ماعليج امر .. ممكن تساعدوني ..
قولو لي ايي اقتراح .. لو دعوه بس منكم ..

هذيج المره وانا قاعده اشتغل على لاب توبي فجاه تطفي على وماراضا يشتغل كلش .. ورحت وديته للمحل زين ...ورحت وديته علشان يشوف شنو المشكلى اللي فيه .. المهم قالي الحل الوحيد الفورمات وسولي وقلت له ابي ملفاتي الموجوده بالجهاز حوول طلعه لي.. قل مااقدر .. وماطلع لي ايي شي ..
انا الحين ابي ملفاتي اللي دخل بحوثي وبرجركوترات تي .. شلون؟؟ راح تقلون خلاص راحوا عليج .. بس انا مره قبل فتره قريت في برامج تطلع لج ملفاتج القديمه لو كنتي مسويه فورمات ..
الحين انا ابي ملفاتي .. وشغلى كله ..
تكفووون تعرفون هالبرنامج ؟؟ سمعتوا فيه ؟؟ وين احصلهم ؟؟
اقدر انزله من النت .. ماعليكم امر ساعدووووووووني .. ​

 

[جوجو.]

وانا مره سمعت عن هالبرنامج يرد لج كل البرامج الممسوحه
كتبي برنامج رد الملفات بالقوقل

 

[أجاثا^كريستي]

فيه كذا برنامج يردلج ملفاتج وصورج اختى اكتبي بقوقل تحميل برنامج لسترجاع الملفات المحذوفه بعد الفورمات او المحذوفه وبس المهم احفضي هالبرنامج بجهازج وخلي عندج سي دي فاضي لانه مايرد الممسوح للجهاز نفسه بس يردهم لج لما تبطلين هالبرنامج ولما تلقين اللي تبينه سوى له قص ولزق او تحويلنه على السي دي ومن السي دي على جهازج مره ثانية فهمتى حبيبتى

ونصيحه اذا اللاب توب طفى مره ثانية لا تودينه بسرعه بطليه من ورا كل البراغي واسحبي كل التراب اللي فيه وتلقين شغلة صغيرة لها براغي بطليها بتلقين فيها وصصصصصصصصصصصصصصصصصصصخ واااااااااااجد وغبار طلعي كل الوصخ وشغلي المخمة الكهرب على الجهاز وخليها تشفط كل شي وكل الجهات وشغليه مره ثانية لان مرات تشوفين الجهاز يطفى على بالج خربان واهوا من الغبار يسوى جذي

 

[عالي مستواها]

لا حبيبتي لامار مو كل شخص يقدر يفتح الكمبيوتر وينظفه .. والتنظيف ما يكون بالمخمه الله يهداج ناويه على هلاكهم

خليني اقولج على شغلة .. الجهاز حتى بعد ما تطفينه تبقى فيه شحنات كهرب لازم على الأقل تفصلين التيار وتطلعين البطارية لانه بطارية مشحونه كهرب .. بعدين عمرنا ما نظفنا الكمبيوتر من داخل بمكنسه كهرب .. فيه ادوات خاصة للتنظيف ولازم واحد خبير يعرف يفتح شنو بالجهاز .. لانه المفروض ينظف" الماذر بورد " والماذر بورد ما ينوصل لها جذي بسرعة لازم تشيلين الكيبورد عشان توصلين لها .. لها طريقة معينة " هالكلام بالنسبة للابتوبات " ونفس الشي الدسك توب ما تكنسينه بمخمه ترا طريقتج غلط وخطره تأذي الجهاز وتأذيج

بالنسبة للملفات المحذوفة صح في برامج تطلعها لكن كفاءتها مو قوية .. لكن بالمقابل في تقنية بأجهزة خاصة تقرأ " الداتا " اللي مخزنه بالقرص الصلب من أول ما استخدمتيه يطلع لج كل البيانات اللي خزينتها حتى قبل الفورمات .. يبيلها وقت يمكن تحتاج ساعات على ما تقرا لج وتطلع البيانات القديمة

تحصلينه ببعض المحلات مو الكل .. وهذا ينطبق على كل انواع الـ " storage devices "

إذا تبين ادليج على محل يساعدج بهالشغلة بلغيني .. على فكرة مو دعاية ما أعرفهم ولا الهدف اني انفعهم بس تقريبـًا هم الوحيدين اللي يقدرون يساعدونج

 

[عـشـــ كويت ــقـــي]

يزاكم الله خير خواتي على مساعدتكم لي ..
وماتقصروووووووووون ..

واختي عالى مستواها ..
شاسم هالمحل ووين ايي منطقه ..