ابي اقفل موقع اليوتيوب اشلون ؟؟؟

[دغبووجه]

السلام عليكم

عندي جهاز يستخدمونه عيالي وابي اقفل عنهم اليوتيوب لان الصراحه فيه مناظر

مافي عاقل يرضى عياله يشوفها واهم يدشونه عشان يحملون العاب

فأبي احجبه عنهم كلش وانا اتحكم فيه بس اذا بنزل لهم شي

 

[عالي مستواها]

دغبوجه

في برامج Family Filter من وظائفها حجب بعض الــ urls اللي انتي تحددينها

كانت لي تجارب ناجحة مع واجد برامج من هالنوع .. بس هالكلام من زمان

فكرة البرامج " حجب المواقع الإباحية " بناء ً على " مفردات " معينة .. يكون البرنامج فيه قاعدة بيانات لكلمات إباحية معروفة .. فأي موقع تدشينه يسوي له البرنامج " scan " إذا حصل فيه كلمة إباحية بيحجبه على طول .. بنفس الوقت تقدرين انتي تضيفين كلمات من عندج مع انه قاعدة بياناتهم قوية حيل ما بقت كلمة وصخة ما حطوها بس بالإنجليزي .. فالكلمات العربية انتي ضيفيها .. محد بيطلع عليها بس تكون مخزنه بالداتا بيس مالت البرنامج عشان يتعرف على المواقع الإباحية ويحجبها بشكل آلي

وفيه إمكانية حجب موقع معين انتي تخزنين الوصلة بجذي ماراح يسمح بدخول المستخدمين للموقع

ناسيه اسمه البرنامج بس اتذكر اسمه ارجع لج


سوي سيرج على " anti porn program " أو " Family Filter " بتحصلين برامج واجد تؤدي الوظيفة

 

[الجوري74]

موضوع وااايد مفيد للي يخافون على عيالهم
تسلمين
ونبي مشاركات اكثر بهالموضوع

 

[@@ حلوه حدي @@]

والله ما ارعف بس خواتي يساعدونك
وصراحه موضوع مفيد

 

[*بسبوسه*]

دغبوجه في طريقه سهله من الكمبيوتر نفسه تقفلين اي موقع بس شرهحا يبيله خطوه خطوه000

بكتب لج الخطوات بالعربي بس بكلام انجليزي

1-ستارت
2-كنترول بانل
3-نت ويرك أند انترنت كونيكشن
4-انترنت اوبشن
5-تكتبين اسم الموقع في اول الشريط
6-تختارين من فوق بنفس البوكس-سيكوريتي
7-تضغطين على -رستركسد سايتس-اللي شكلها نفس ممنوع احمر

وبجذي الموقع انقفل من عندج

 

[شيهانه كويتيه]

: تختار خيارات انترنت ثم محتوى ثم وضع كلمة مرور لمرشد

المحتويات ثم نختار اعدادات ثم مواقع مقبولة وعند مكان السماح لموقع ويب هذا
نلصق الرابط حق صور بحث قوقل ونختار ابدا ثم من اعدادات مرشد المحتويات

نختار عام وعند خيارات المستخدم نؤشر على المكانين

وعموما مرشد المحتويات عن طريقه نقدر نمنع التصفح كاملا او بعض المواقع